Esihta 6
6
Modehkai Shigyaú Wàq Toq Huî É Hkyô
1Haú myîn yhang, hkóhkâm gi, a wó yhup é yánmai, yhang ùp é hkyô lé kâ xûm tô é mhô-myi shindâm laiká bùk lé yu lé lô râ hkunmó hkyô é nghut mù, yhángmòq gi, hkóhkam é hí má haú lé nghap kyô akô. 2Xûm to laiká bùk haú má, Hkóhkâm Ahasuru lé sat râ haq htung é, hkóhkam hkum zúng su nhik nghut é u-nuk Bigihtan eq Teresha lé, Modehkai èq taî htoq byî é hkyô kâ xûm tô é lé myang nghap záng akô nghut ri.
3Haû mù luî, hkóhkâm gi, “Haú hkyô eq séng luî, Modehkai lé, hkâsu kut luî, hká dông masàt shigyaú bekô lhú?” ga myî ri.
Haú hkûn, yhâng é duìnhâng zoshâng wuì gi, “Yhâng matú haî le a kut byî wú shi.” ga tû taî akô nghut ri.
4Haú hkûn, hkóhkâm gi, “Wâng hkaû má ó yùq nyi tô ri lhú?” ga myî ri. Haú u lé, Haman gi, yhang hen tô é byù lhâng sat zîng má, Modehkai lé lhâng sat pyám râ matú hkóhkam chyáng lé taî kyo râ ga, wânghkaû shut ahkuî za wang lé lo ri.
5Haû mù, hkóhkam é duìnhâng zoshâng wuì gi, “Wâng hkaû má Haman yàp tô ri.” ga tû taî kat akô.
Haú hkûn, hkóhkâm gi, “Yhang lé shuî wang lò keq.” ga taî ri.
6Haû mù, Haman gi, wang lé lô bê nghut ri. Haú hkûn, hkóhkâm gi, yhang lé, “Hkóhkam èq shigyaú wàq toq nau é sû lé, hkâsu kut le gè râ lhú?” ga lhom myî ri.
Haman gi, “Ngò mai lai luî, hkóhkam èq shigyaú wàq toq nau é sû gi, gótû ó a nyì lo râ.” ga yhânggùng yhang myìt yu ri. 7Haû mù luî, Haman gi, hkóhkâm lé, “Hkóhkâm shigyaú wàq toq naû sû lé gi, 8hkóhkâm wùt é buhîng lé yu lé lô nhâng mù, hkóhkâm jî é, banbyaú shánghkóng tsûng é myang radu lé she lé lô luî, 9buhîng eq myang haú lé, hkóhkam é zaugun wuì mâ é je ko su é rayùq é lòq má àp byi nhâng àq. Haû mù, hkóhkâm shigyaú wàq toq nau é sû lé, buhîng haû hut byi luî, myang htoq má ji nhâng mù, ‘Hkóhkam èq shigyaú wàq toq nau é sû lé gi, îsu kut lhê.’ nghû, yhâng é hí má zaugun hpó haú lé wùt garu nhâng luî, wà mó hkyô mai sô laî ló nhâng àq.” ga tû taî ri.
10Haû mù luî, hkóhkâm gi, Haman lé, “Hau buhîng eq myang lé hân lajang mù, haû hkóhkâm hkúmdong má zung tô é, Yudaq byù Modehkai lé, nang taî é eq rajung za kut byi aq. Nàng taî é ralhum lháng hkâ lhoqshôm pyám.” ga hkunmó hkyô kat ri.
11Haû mù, Haman gi, buhîng lé le yù, myang lé le she yù kut mù, Modehkai lé buhîng hut byî é htâng, myâng htoq má dòq ji nhâng luî, wà mó hkyô shut shuî e ló é hkûn, “Hkóhkam èq shigyaú wàq toq nau é sû lé gi, îsu kut lhê.” ga yhâng é hí má wùt taî akô.
12Hau htâng, Modehkai gi, hkóhkâm hkúmdong shut dum taû lo ri. Haman kúm gi, gyai a nghutbûn dik é myìt mai ulhum ngóm mù, yhâng yhûm shut hân hân taû ló byùq bê nghut ri. 13Haman gi, yhâng chyáng dùt lo é hkyô lhúnglháng lé, yhâng é yhûmsîng myhí Zeresha eq buìnùm luzúm wuî bànshoq bang lé taî kyô ri.
Hau htâng, yhang lé hpàqchyî byî é bang eq yhûmsîng myhí Zeresha gi, “Nang lé sûm hi nhang ló nyi é Modehkai gi, Yudaq byù rayùq nghut lhê mù, yhang lé nàng wó ûng râ a nghut. Nàng gi, yhâng é hí má teng za sûm byùq râ nghut lhê.” ga chôm taî akô nghut ri. 14Yhángmòq dang ru taî nyi ashî hkûn, hkóhkam é u-nuk pé jé lé lô mù, Haman lé, Esihta hen tô é zoshuq poî má ê râ matú, hân za lé ji ló bekô nghut ri.
Currently Selected:
Esihta 6: znot
Highlight
Copy
Compare
Share
Want to have your highlights saved across all your devices? Sign up or sign in
© 2025, Wycliffe Bible Translators, Inc.