Ehpesu 5

1Haû mù, núngmòq gi, chyitdàp dik é zoshâng wuì nghut é yánmai, Garai Gasang lé alìk yu é bang kut keq. 2Hkrisidùq gi, Yhânggùng lé namngón jung hkungga eq shigu hkungga dông, ngá-nhûng é matú Garai Gasâng chyáng Yhânggùng yhang àp byî pyám shoq, ngá-nhúng lé chyitdàp é su, núngmòq le chyitdàp myìt èq chyungxe dui nyì keq.

3Hau htoq agó, ashop é dông gùngsho zùm yàp é hkyô, a sansêng é hkyô hkangmó eq myòqnòq é hkyô pé lé, núngmòq taí lháng hkâtaí kó; hkâsu mù gâ le, núngmòq gi, Garai Gasâng é chyoiyúng byu pé nghut lhê. 4Haû eq rajung za, a taí gíng é, ahoq ahî dang, dangsôm eq hkunchoq dông gyâ é dang pé lé a taî é za, jeju hkya-on dang za taî nyì keq. 5Hkâsu mù gâ le, ashop é dông gùngsho zùm yàp é hkyô kut shut sû, a sansêng é sû eq hparà noq é sû nghut é myòqnòq sû ó yùq nghut kôlhang, Hkrisidùq eq Garai Gasâng é mîngdán má muìzè a wó é hkyô lé, núngmòq sê nyì keq. 6Ó yùq nghut kôle, dangsôm#5:6 Dangsôm gâ é gi, Garai Gasâng é nhikmó-yo hkyô a jé râ ga taî é dang nghut lhê. dông mai núngmòq lé a wó mhaú kó sháng gàq; hkâsu mù gâ le, haú hkyô pê é yánmai, Garai Gasâng é nhikmó-yo hkyô gi, haû jì-no a gyo bâng é ahtoq má jé râ nghut lhê. 7Haû mù luî, haú bâng chyáng hkâbo wang lòm kó.

8Hkâsu mù gâ le, núngmòq gi, hí hpyang mauchut tuq dùt é bang nghut lhê; nghut kôlhang, ahkuî gi, haû Yhûmsîng má maubó pé nghut bekô nghut ri. 9Haû Yhûmsîng ô nau é hkyô haî nghut é lé ho htoq yû mù, maubó é yhang zô pé dông chyungxe duì keq. 10Hkâsu mù gâ le, haû maubó é ashi gi, ge é hkyô bànshoq, díngmán é hkyô eq tengmán hkyô chyat nghut ri. 11Haû ashi a zuî é mauchut tuq múzó má a bo wang lom é za, yhángmòq é mara lé tûn shit keq. 12Hkâsu mù gâ le, haû jì-no a gyo bang haq zaú kut é hkyô lé gi, taî htoq le lháng hoq hpo nghut ri. 13Nghut kôlhang, junghkang jungmó lé, haû maubó èq tûn shit jáng gi, wó byu-myang é chyat dùt râ nghut lhê. 14Hkâsu mù gâ le, junghkang jungmó lé byu-myàng nhang é gi, maubó nghut ri. Hau é yánmai,

“Yhup ngón nyî sû ê, toq àq, haû shi é mai dui toq àq hkoi; haû jáng, Hkrisidùq gi, nang lé dùq bó byi râ nghut lhê.”#5:14 Dang ngho shî gi, hí lhê é noqkuq hpûng pé taî gyó lo é dang nghut lhê.

ga luî taî tô é nghut lhê.

15Haû mù luî, núngmòq hkâsu kut chyungxe dui é hkyô má gyai sidìq nyì keq; hpàqchyî a bò bang su a nghut é za, hpàqchyî bò bang su kut nyî keq. 16Buìnyì ahkyíng shí pé gi, agè ashop é yánmai, wó é ahko ahkáng bànshoq lé ge dik é dông chung jaì keq. 17Hau é yánmai, byù ngòk pé a dùt é za, haû Yhûmsîng ô nau é hkyô gi, haî nghut é lé, sê gyô yu nyì keq. 18Haû achaq achyut é yubàk hkyô lhoqhtoq é î lé hkâshuq wùt kó; Sô lé kúm byíng nhang nyì keq. 19Núngmòq gi, hkya-on kúngtôn dang dông le, hkya-on jidang dông le, sô eq sêng é mahkôn dông le, rayùq eq rayùq dáng nyo lhum luî, núngmòq é i‑myìt ûnghkaû mai, haû Yhûmsîng lé mahkôn hkôn mù, lhoqngón nyî keq. 20Ngá-nhûng é Yhûmsîng Yesuq Hkrisidùq é myìng lé lang luî, jung hkangmó é matú, haû Îwa Garai Gasang lé, hkâ-nhám le jeju hkya-ôn nyì keq.

21Hkrisidùq lé hkúngga hpautap é myìt èq, rayùq eq rayùq hpautap lhûm nyì keq.

Myi Eq Làng

22I-kun myhî pê ê, haû Yhûmsîng ùphkang é dông châng é su, núngmòq é i-kun hpô pé ùphkang é dông châng nyì keq. 23Hkâsu mù gâ le, Hkrisidùq gi, haû noqkuq hpûng é ulhum nghut é su, haû i-kun hpó gi, i-kun myhî é ulhum nghut nyi ri; Hkrisidùq gi, haû Yhâng gùngdu nghut é noqkuq hpúng lé hkyi yù Sû nghut ri. 24Haû noqkuq hpúng gi, Hkrisidùq ùphkang é dông châng é su, i-kun myhî pé le, hkyô hkat hkangmó má, yhángmòq é i-kun hpô pé ùphkang é dông châng nyì râ lhê.

25I-kun hpô pé ê, Hkrisidùq gi, haû noqkuq hpúng lé chyitdàp luî, hau é matú Yhânggùng lé Yhang àp pyâm é su, núngmòq é i-kun myhî pé lé chyitdàp nyì keq. 26Yhang haú su kut é gi, haû noqkuq hpúng lé, mungdang dông wuì má chî pyám luî, lhoq sân-yúng yû râ eq, 27haû noqkuq hpúng gi, agè agaú é eq a-ká akông é hkyô haî le a bo é za, mara hûn râ hkyô a bo é eq chyoiyúng é, hpungwup shingkang bo é noqkuq hpúng dông, Yhânggùng lé wó àp byi râ matú nghut lhê. 28Haû eq rajung za, i-kun hpô pé gi, yhángmòq é i-kun myhî pé lé, yhûmsing gùngdu lé su chyitdàp râ dùt lhê. Yhûmsing é i-kun myhí lé chyitdàp é sû gi, yhûmsing gùng lé le, chyitdàp é sû nghut bê. 29Ó yùq le, yhûmsing gùng lé a chyitdàp a kut é za, Hkrisidùq gi, haû noqkuq hpúng lé kut byî nyi é su, yhûmsing gùng lé byi tso byi huq luî, rago wú zúng nyi é nghut lhê. 30Hkâsu mù gâ le, ngá-nhúng gi, Yhâng é gùngdû é gùngsho showui showang pé chyat nghut lhê. 31Haû mù, “Hau é yánmai, yùqgè gi, înu îwâ chyáng mai htoq luî, yhang myi eq zùm yàp mù, yhángnhik í yùq gi, gùngsho ralhum za dùt byùq kôrâ nghut lhê.”#A-pûn 2:24 gâ tô ri. 32Haú hkyô gi, gyai yhang zaú tô é hkyô nghut ri. Nghut kôlhang, ngò gi, haû Hkrisidùq é hkyô eq noqkuq hpûng é hkyô lé taî nyi é nghut lhê. 33Haû mù, núngmòq yùq hkangmó gi, yhûmsing gùng lé chyitdàp é su, yhûmsing é i-kun myhí lé le chyitdàp râ dùt lhê; haû i-kun myhí le, yhâng é i-kun hpó lé hkúngga râ dùt lhê.

Currently Selected:

Ehpesu 5: znot

Highlight

Copy

Compare