Popular Bible Verses from Ehpesu 5

Share

Haû mù, núngmòq gi, chyitdàp dik é zoshâng wuì nghut é yánmai, Garai Gasang lé alìk yu é bang kut keq. Hkrisidùq gi, Yhânggùng lé namngón jung hkungga eq shigu hkungga dông, ngá-nhûng é matú Garai Gasâng chyáng Yhânggùng yhang àp byî pyám shoq, ngá-nhúng lé chyitdàp é su, núngmòq le chyitdàp myìt èq chyungxe dui nyì keq.

Haû mù luî, núngmòq hkâsu kut chyungxe dui é hkyô má gyai sidìq nyì keq; hpàqchyî a bò bang su a nghut é za, hpàqchyî bò bang su kut nyî keq. Buìnyì ahkyíng shí pé gi, agè ashop é yánmai, wó é ahko ahkáng bànshoq lé ge dik é dông chung jaì keq.

Haû achaq achyut é yubàk hkyô lhoqhtoq é î lé hkâshuq wùt kó; Sô lé kúm byíng nhang nyì keq. Núngmòq gi, hkya-on kúngtôn dang dông le, hkya-on jidang dông le, sô eq sêng é mahkôn dông le, rayùq eq rayùq dáng nyo lhum luî, núngmòq é i‑myìt ûnghkaû mai, haû Yhûmsîng lé mahkôn hkôn mù, lhoqngón nyî keq. Ngá-nhûng é Yhûmsîng Yesuq Hkrisidùq é myìng lé lang luî, jung hkangmó é matú, haû Îwa Garai Gasang lé, hkâ-nhám le jeju hkya-ôn nyì keq.

Hau é yánmai, byù ngòk pé a dùt é za, haû Yhûmsîng ô nau é hkyô gi, haî nghut é lé, sê gyô yu nyì keq.

I-kun hpô pé ê, Hkrisidùq gi, haû noqkuq hpúng lé chyitdàp luî, hau é matú Yhânggùng lé Yhang àp pyâm é su, núngmòq é i-kun myhî pé lé chyitdàp nyì keq.

Hkâsu mù gâ le, núngmòq gi, hí hpyang mauchut tuq dùt é bang nghut lhê; nghut kôlhang, ahkuî gi, haû Yhûmsîng má maubó pé nghut bekô nghut ri.

Hkrisidùq lé hkúngga hpautap é myìt èq, rayùq eq rayùq hpautap lhûm nyì keq.

I-kun myhî pê ê, haû Yhûmsîng ùphkang é dông châng é su, núngmòq é i-kun hpô pé ùphkang é dông châng nyì keq.

Haû mù, núngmòq yùq hkangmó gi, yhûmsing gùng lé chyitdàp é su, yhûmsing é i-kun myhí lé le chyitdàp râ dùt lhê; haû i-kun myhí le, yhâng é i-kun hpó lé hkúngga râ dùt lhê.

Haû mù, “Hau é yánmai, yùqgè gi, înu îwâ chyáng mai htoq luî, yhang myi eq zùm yàp mù, yhángnhik í yùq gi, gùngsho ralhum za dùt byùq kôrâ nghut lhê.” gâ tô ri.

Haû ashi a zuî é mauchut tuq múzó má a bo wang lom é za, yhángmòq é mara lé tûn shit keq.