Lagyo 23

1Haú hkûn, Poluq gi, Yudaq byìn tú wàpdòq sûwún wuî lé wú tsuq to mù, “Ngá gu-mang wuì ê, ngò gi, hkû-nyí jé shoq Garai Gasâng é hí má sansêng é i‑myìt èq chyungxe dui nyì bê nghut lhê.” ga taî ri. 2Haû mù luî, hkyangjong mó Anani gi, Poluq nâm má yàp to bang lé, yhâng nhut má bàt byi keq gâ ri. 3Haú hkûn, Poluq gi, yhang lé, “Bùt hpyu tô é xêwâm#23:3 Bùt hpyu tô é xêwâm gâ é gi, gègùn labyoq kut bang lé gâ lhê. nàng ê, nàng lé shèq Garai Gasâng èq bàt râ nghut lhê. Nàng gi, târâ eq rajung za ngo lé jéyáng râ matú shî má zung to luî nhîng, haî mù târâ eq shut shai é dông ngo lé bàt nhang lhê lhú?” ga taî ri.

4Poluq nâm má yàp tô é bang gi, yhang lé, “Nàng gi, Garai Gasâng é hkyangjong mó lé wám rhoi lhê lhú?” ga luî, chôm taî akô.

5Poluq gi, “Gu-mang wuì ê, yhang gi, hkyangjong mó nghut é lé ngò a sê pyám mù nghut bê. Chyúmdang má le, ‘Náng a-myû lé ùp é sû lé wó rhoî râ a nghut.’#Htoq Ló 22:28 ga le kâ tô é nghut lhê.” ga tû taî ri.

6Hau htâng, haû zîng tô é bang mâ é ra-am gi, Saduke pé, góbang gi, Hparishe pé nghut é lé, Poluq gi, sé jáng, Yudaq byìn tú wàpdòq sûwún wuî lé, “Gu-mang wuì ê, ngò gi, Hparishe awùt ashín mâ é, Hparishe rayùq nghut lhê. Shî bê bang dum dui toq lô râ hkyô lé myìt myòqbyu é yánmai, ngò jéyáng é huî nyi ri.” ga luî, garû taî kat ri. 7Yhang haû su ga taî kat jáng, Hparishe pé eq Saduke pé gi, dang jet jèt lhûm lò kômù, Yudaq byìn tú wàpdòq hpong gi, gam hkoq ló byùq bekô nghut ri. 8(Hkâsu mù gâ le, Saduke pé gi, dum dui toq hkyô a jòq; maumang lagyo pé le, sôbyô pé le, a nyì ga taî bum akô. Hparishe pé kúm gi, haú pé jòq lhê ga, lùmjíng bang nghut akô.)

9Haû mù luî, gyai yhang taî garû bum akô. Haú hkûn, Hparishe hpúng mâ é târâ sará pé ra-am gi, toq mù, “Shí yùq chyáng hai mara le, ngá-mòq a myàng nghut ri. Sôbyô a nghut jáng, maumang lagyo rayùq yùq, yhang lé dang taí bê nghut jáng gi, hkâsu nghû kôrâ lhú?” ga luî, zùq zùq taî htîng lhûm akô nghut ri. 10Haû su kut gyai yhang taî htîng lhûm lò kôjáng, dàp ùp zau hpó gi, Poluq lé lâng myha pyám kôrâ lé chiq é yánmai, yhángmòq chyáng gyó ê mù, Poluq lé haú bâng é gung gûng mai ê lú shuî lò luî, gyèwap má shuî wang ló râ matú, gyèzô pé lé nhang kat ri.

11Haú myîn, Yhûmsîng gi, Poluq é nàm má yàp to luî, “Hkâgyùq, Yerusalem wà mó má nàng ngá é hkyô lé sàksé hkám bê eq rajung za, Romaq wà mó má le sàksé hkám ra shirâ nghut lhê.” ga, yhang lé taî ri.

Poluq Lé Sat Râ Haq Dâ É Hkyô

12Htang nàpkyó, Yudaq byu pé gi, Poluq lé sat râ hpàqchyî chôm da kômù, yhang lé a wó sat sat gi, a zo a shuq râ nghut lhê ga, ó le ó dâkam yu akô nghut ri. 13Hpàqchyî shî lé chôm haq htung é bang gi, myi xê yùq chyân nghut bum akô. 14Yhángmòq gi, hkyangjong agyi pé eq sûwún wui chyáng ê kômù, “Poluq lé a wó sat sat gi, ngá-mòq haî le a zo nghû, chôm dâkam yu to bê nghut lhê. 15Hau é yánmai, ahkuî núngmòq gi, Yudaq byìn tú wàpdòq sûwún wuî eq rahá kut luî, Poluq é hkyô lé rago za myî gôn wú râ nghu mhaû é dông, yhang lé núngmòq chyáng wùt yù râ matú, dàp ùp zaû chyáng dûng kat keq. Haú hkûn, ngá-mòq gi, hkyôlat má yhang lé lhom sat pyám râ rì rì kut to râ nghut lhê.” ga taî akô.

16Nghut kôlhang, haû lhom haq sat kôrâ gâ é hkyô lé, Poluq é yhâng nhammó é yhang zo yùqgè zo wó gyô yù luî, yhang gi, gyèwap má wang ê mù, Poluq lé ê taî kyô ri.

17Haú hkûn, Poluq gi, shô ùp gyèzau rayùq lé ji yù mù, “Zorâm shî lé dàp ùp zaû chyáng shuî ê àq, yhang, yhang lé shit kyo râ hkyô rajung jòq lhê.” ga taî ri. 18Haû mù luî, shô ùp gyèzau hpó gi, zorâm haû lé dàp ùp zaû chyáng shuî ê mù, “Zorâm shî nang lé shit kyo râ hkyô rajung jòq lhê gâ ri ga, yhang lé náng chyáng shuî lé râ matú, htóng byû Poluq gi, ngo lé ji yù mù taî ri.” ga, yhang lé taî ri.

19Haû jáng, dàp ùp zau hpó gi, jaùwò má zorâm haú lé yhâng lòq mai she ê mù, “Nàng ngo lé haí jung shit kyo nau ri lhú?” ga, yhang lé baú tsik za myî ri.

20Haú hkûn, zorâm haû gi, “Yudaq byu pé gi, Poluq lé rago za saî myî wú râ su kut mhaú mù, nàpmá, Yudaq byìn tú wàpdòq má shuî yù râ matú, náng chyáng dung kôrâ ga, myìt chôm huî to bekô nghut ri. 21Haû mù luî, yhángmòq ô nau é dông hkâgyo byi, hkâsu mù gâ le, Poluq lé a wó sat sat gi, haî le a zo a shuq râ nghut lhê ga, byù myi xê yùq chyân yhang, ó le ó dâkam yù bekô nghut ri. Haú bang gi, yhang lé lhom chyup yû râ matú haq lhom to láng kôrâ nghut lhê. Ahkuî lháng, yhángmòq gi, mû haû kut râ matú rì rì nghut bûm bekô; náng é ahkáng lé za láng nyi bum akô nghut ri.” ga shit kyô ri.

22Haú hkûn, dàp ùp zau hpó gi, zorâm haû lé, “Nàng, ngo lé shí hkyô shit kyo bê hkyô lé, ó yùq lé le hkâtaî kyo.” ga, sidìq byi mù, taû nhang kat bê nghut ri.

Ming zau Hpilik Chyáng Poluq Lé Dé Kat É Hkyô

23Hau htâng, yhang gi, shô ùp gyèzau í yùq lé ji yù mù, “Hkû-myîn sum hkyíng#23:23 Myín sum hkyíng gi, ngá-nhûng é myín gau hkyíng nghut lhê. má Kesare wà mó shut ê râ matú, gyèzô pé í shô, myang ji bang nyhit xê, lhâm chûng bang í shô kut mù, rì rì hen to keq. 24Hau htoq agó, Poluq lé ming zau Hpilik chyáng ngón za wó dé kat râ matú, yhang ji râ myang pé le lajang byi keq.” ga, yhángnhik lé pying kat ri.

25Laiká hun kat é le:

26“Aróng wó dik é mau zau Hpilik ê, ngò Kilodi Lusi gi, nguì ngón danglù shit kyô kat lhê.

27Shí yùq lé gi, Yudaq byu pê èq chyup yû mù sat pyám râ haq htung nyì bekô za nghut lhê. Nghut kôlhang, ngò gi, gyèzô pé eq rahá ê wú le, yhang Romaq mîngdán byû nghut é lé wó sê yu é yánmai, yhángmòq chyáng mai yhang lé hkyi lo é nghut lhê. 28Haû su mù, haî mù yhang lé mara hûn kô é hkyô lé sé nau é yánmai, yhángmòq é Yudaq byìn tú wàpdòq má yhang lé shuî jé byî wú bê nghut lhê. 29Haú hkûn, yhángmòq é târâ hkyô eq séng luî za mara hun bùm kô é lé ngò myang ri. Nghut kôlhang, shî gíng é eq htóng lhúng gíng é mara haî le a bò nghut ri. 30Shí yùq lé sat pyám râ hpàqchyî haq htûng kô é hkyô, ngo lé shit kyo kô é hkûn, radá dâm, yhang lé ngò náng chyáng dé nhang kat bê. Yhang lé mara hûn nau é bang lé gi, náng hí má yhang hun lhum keq nghû pying kat bê nghut lhê.” gâ ri.

31Haû mù luî, gyèzô pé gi, haû pying kat é dang eq rajung za, myín lé yhang, Antipatiri wà mó jé shoq Poluq lé dé kat bekô nghut ri. 32Htang nyí, myang ji bang lé ê châng dé nhâng kômù, yhángmòq gi, gyèwap shut dum taû lò bekô nghut ri. 33Myang jî é gyèzô pé gi, Kesare wà mó má jé kô é hkûn, mau zau hpó lé laiká byi mù, Poluq lé le jâng àp byî akô nghut ri. 34Haú hkûn, mau zau hpó gi, laiká haû lé ban nghap jáng, Poluq hká mau mâ é byù nghut é hkyô lé myî wú luî, Kiliki mau mâ é byù nghut é lé sé jáng, 35“Nang lé mara hûn bang jé jáng shèq, náng mû lé ngò gôn wú râ.” ga taî ri. Hau htâng, yhang gi, Poluq lé Herot é hkóhkâm wâng má byam zúng byi keq ga hkunmó hkyô tô ri.

Currently Selected:

Lagyo 23: znot

Highlight

Copy