SOFONÍAS 2
2
1Pe tëtaguasu imarambae reta,
peyemboatɨ jare peyemongeta,
2ndei mborookuai oime pekotɨ vae ou mbove,
ndei ara oasa ɨtɨ rami mbove#Sal 1.4; Jer 13.24; Os 13.3.
ndei yandeYa iyarasɨ oa peré mbove,
ndei ou peré yandeYa iporojäa iara mbove.
3Peeka yandeYa, opaete ipɨa omomichi vae reta,
iporookuai oyapo vae reta.
Peyapo jupi vae jare peñemomichi,
jayave, güɨramoi peñeñovatuta yandeYa iporojäa iara pe.#Is 55.6-7; Jl 2.12-14.
Ïru tëtaguasu reta oiporarata vae
4Tëta guasu Gaza opɨtata ipombae,
jare tëta guasu Ascalón opɨtata kïrii ngatu;
jare tëta guasu Asdod pegua reta opata oñerenoeuka oyemombo kuaraɨ ara mbɨte pe etei,
tëta guasu Ecrón pegua reta opata oñemokañɨtei.
5¡Paravete, ɨguasu jembeɨ rupi oñemoëta vae, cereteo reta!
Tumpa jei körai:
“¡Canaán, filisteo reta iɨvɨ,#Is 14.29-31; Jer 47.1-7; Ez 25.15-17; Jl 3.4-8; Am 1.6-8; Zac 9.5-7. opata ndeipo reta amokañɨtei!
6Jókuae tëtaguasu oï ɨguasu jembeɨ rupi vae
oikota mɨmba reta ikaruaräño,
mɨmba iyangarekoa reta peguarä,
jokoropi oimeta mɨmbarokaiño.”
7Judá iñemuña jembɨregüe reta yogüɨrekota jókuae ɨvɨ pe,
joko pe omongaru retata jɨmba reta,
jare pɨ̈tu yave oputuu retata Ascalón pegua o reta pe;
echa yandeYa Tumpa outa omborɨ vaerä,
jae opata güeru ye tembipɨɨ reta.
8-9YandeYa Imbaepuere yae ete vae jei körai:
“Che aendu Moab iñemuña reta#Is 15.1—16.14; 25.10-12; Jer 48; Ez 25.8-11; Am 1.13-15. iporoangao
jare Amón iñemuña reta#Jer 49.1-6; Ez 21.28-32; 25.1-7; Am 1.13-15. iñeeasɨ tëta chembae vae kotɨ.
Echa jei reta mbae jasɨ katu vae tëta chembae vae kotɨ,
jare jae reta iɨvɨ pe oyembotuicha reta.
Jáeramo, tae cheree re aeño:
Moab iñemuña reta oasata Sodoma oasa rami,
Amón iñemuña reta oasata Gomorra#Gn 19.24. oasa rami,
ñurati oñemuñata joko pe,
yukɨ rendarä opɨtata.
Kïrii ngatu aveita opɨta.
Tëta chembae vae güi jembɨregüe opata güɨnoe omombo joko güi,
jare oike retata yogüɨreko jókuae ɨvɨ pe.”
10Köraita ko jekovia Moab pe
jare Amón pe, ipɨapochɨ jeko pegua,
yandeYa imbae vae reta kotɨ
iñeeasɨ katu reta jeko pegua,
oyembotuicha reta yandeYa Imbaepuere yae ete vae imbae vae reta iɨvɨ pe jeko pegua.
11YandeYa ngaraa ipïri jese reta.
Opata omboai tumpa-raanga reta jókuae ɨvɨ pegua,
jare opaete vae tëtaguasu omboeteta, ɨguasu ipäu pegua reta ave.
12¡Pe Etiopía pegua reta vi,#Is 18.1-7.
pemanota yandeYa ikɨsepuku pe!
13Jae omopüata ipo ɨvɨtuguasu kotɨ omboai vaerä Asiria,#Is 10.5-34; 14.24-27; Nah 1—3.
tëta Nínive oeyata kïrii ngatu,
ñuu rami otinita opɨta.
14O regua ɨvɨra opata oyeekɨ,
joko pe vecha reta oyapakuata,
jare oipotagüe mɨmba reta;
güɨratï jare küi oketa
ventana jare ökegüe re,
iñee reta oyeenduta;
surumbukuku jare chucha oñeeta joko pe.
15Kuae, jae ko jókuae tëta guasu ipɨagüive oiko vae,
pɨpegua reta jei yepi jaeño ko ikavi yae vae.
¡Kërai, opa opɨta ñana rupigua mɨmba pochɨ vae reta jëtarä!
Jokoropi oasa vae reta
otuviñee jare ombovava ipo jese oyóyai reve.
Currently Selected:
SOFONÍAS 2: GUABD
Highlight
Copy
Compare
Share
Want to have your highlights saved across all your devices? Sign up or sign in
Biblia DC Guaraní Bolivia © Bolivian Bible Society, 2001.
