ZACARÍAS 9
9
Israel iyɨvɨrigua tëta guasu reta oiporara vae
1YandeYa iñee oñemoërakua ɨvɨ Hadrac kotɨ jare Damasco#Is 17.1-3; Jer 49.23-27; Am 1.3-5. kotɨ: “Echa yandeYa reño omaeta kuimbae reta jare opaete Israel iñemuña pegua. 2Jaeramiño vi Hamat; Tiro jare Sidón#Is 23.1-18; Ez 26.1—28.26; Jl 3.4-8; Am 1.9-10; Mt 11.21-22; Lc 10.13-14. yepe tëi yarakuaa yae. 3Tiro omopüa ikësea jëguambae, jare omboatɨ jeta korepoti ɨvɨkúi rami jare oro tuyuapo tape rupigua rami. 4Mase, ko yandeYa omombaraveteta, jare imbaepuere yae vae omokañɨta ɨguasu pe jare jae okañɨteita tata pe.
5Oechata tëta Ascalón jare okɨɨyeta. Gaza oiporara yaeta vi, jökoraiño vi Ecrón echa oyerovia jese vae okañɨteita jare ¡omanota mburuvicha guasu Gaza pegua, tëta Ascalón opɨtata ipombae! 6Oikota Asdod pe metei ketɨgua, amboapɨta filisteo#Is 14.29-31; Jer 47.1-7; Ez 25.15-17; Jl 3.4-8; Am 1.6-8; Sof 2.4-7. reta ipɨa pochɨ vae. 7Iyuru güi aekɨta soo jugüɨ reve jou vae jare soo mbaetɨta tëi jou vae, jare chugüi jembɨregüe opɨtata Tumpa peguarä, jare sundaro ruvicha ramita Judá pe jare Ecrón, Jebuseo ramita. 8Jare che aïndaivita aepɨ vaerä chembae oipotagüe oasa koropi vae. Jasɨ katu oporogüɨreko vae ngaraa ma oporogüɨrekoasɨ katu, echa añave che ayangarekota jese.”
Mburuvicha guasu Sión peguarä vae
9¡Eyerovia yae tuicha tëta Sión!
¡Eyerovia esapúkai reve tëta Jerusalén!
Mase, ko nderuvicha guasu#Sof 3.14-15. outa ndekotɨ,
jupi vae jare oporoepɨ vae, oñemomichi vae,
opo ou metei mburika kuimbae taɨrusu vae re,
mburikamí imembɨ#Mt 21.5; Jn 12.15. re.
10Jae amboaita Efraín ikäretou reta,
jare kavayu reta Jerusalén pegua,
jare güɨrapa reta ñeraro pegua opata omopë;
jare imiarita mbɨakatu re opaete tëtaguasu reta pe,
jare opaete oyeokuaita chupe, ɨguasu jembeɨ güive ïru ɨguasu jembeɨ kotɨ,
jare ɨ̈aka Éufrates güive ojoita ɨvɨ iyapɨ#Sal 72.8. re oya.
Israel oñemopüa pɨau ye vae regua
11YandeYa jei körai:
“Nde Jerusalén tugüɨ morogüɨrökuavee päve pegua pe reyemboasaukata,
che ko anoeta tembipɨɨ reta ɨrɨru güi.#Ex 24.8; Mt 26.28; Mc 14.24; Heb 9.20.
12¡Tembipɨɨ reta peyerova ye peñepɨ̈roa pe,
peäro peiko vae!
Añave amombeu peve, pomopüa pɨauta oasa ye tenonde peiko vae güi.
13Echa Judá amotäta ma
cheyeupe güɨrapa oñemoata kavi rami,
jare añono ndeve Efraín uvɨ rami.
Jare Sión pegua reta amopüata,
Grecia pegua reta kotɨ, jare roapota jëia yae vae ikɨsepuku rami.”
14YandeYa oyekuaaukata jese reta, imbae vae reta rupi
juvɨ oëta ama-vera rami.
YandeYa Tumpa omoñeeta mimbɨguasu,
jare ojota ɨvɨtuai arayevɨ pegua ndive.
15YandeYa Imbaepuere yae ete vae oyangarekota imbae vae re
Jae reta opɨ̈rota ita tamamboka pegua re.
Omboaita jovaicho jare oɨuta jugüɨ re vino re rami
jare mbaerɨru tɨnɨe rami jɨ̈vɨatata, ani mɨmba
oyeyuka oyeapɨ jese vae regua guakarätiecha vae rami.
16Jókuae ara yandeYa Tumpa güɨroasayepeta imbae vae,
mɨmba iyangarekoa jɨmba güɨroasayepe rami.
Jare ita jembipe vae äka-regua rami jembipeta iɨvɨ pe.
17Echa ikavi jare ipöra yaeta iɨvɨ.
Trigo jeta vae ombovɨakatuta taɨrusu vae reta,
jare uva tɨɨgüe kuñatai reta.#Jer 31.12-13.
Currently Selected:
ZACARÍAS 9: GUABD
Highlight
Copy
Compare
Share
Want to have your highlights saved across all your devices? Sign up or sign in
Biblia DC Guaraní Bolivia © Bolivian Bible Society, 2001.
