ZACARÍAS 13
13
1Jókuae ara oyepeata metei ɨesaɨ David iñemuña reta peguarä jare Jerusalén#Ez 47.1-12; Jl 3.18; Jn 4.10-14; 7.38; Ap 22.1-2. pegua reta peguarä, oyeapo vaerä yetɨo mbaeyoa güi jare ikɨa Tumpa jóvai vae güi. 2YandeYa Imbaepuere yae ete vae jei: Jókuae ara amboaita tumpa-raanga reta jee, jare ngaraa ye ma kia imaendúa jese. Amboaita vi ɨvɨ güi ñeemombeúa reta jare espíritu ikavimbae pegua.
3Jare amogüe omoërakua vɨteri mbae maratuta vae yave, tu jeita chupe: ‘¡Nde remanota, echa nemiari apu yandeYa jee re!’ Tu jare ichɨ aeño oikututa kɨse pe ñeemombeuarä oyeapo vae. 4Jókuae ara imarata opaete ñeemombeúa reta imiari oechagüe re, metei ave mbaetɨta ma omonde mbae ipiregüe javuku vae, iyapu vaerä. 5Jare jeita: ‘Che mbaetɨ ko ñeemombeúa; kó pe oparavɨkɨ vae ko che, chetaɨrusu güive ko pe aparavɨkɨ.’ 6Jare oparanduta chupe: ‘¿Këraiägua pa ndepere ndepo pe?’ Jare jae jeita: ‘Chevɨa-ïru reta ko chembopere cherëta pe.’ ”
YandeYa ivecha iyangarekoa omano
7YandeYa Imbaepuere yae ete vae jei:
“¡Kɨsepuku, epüa vecha iyangarekoa kotɨ,
jókuae kuimbae cheïru kotɨ!
¡Eyuka vecha iyangarekoa jare toñemoai vecha#Mt 26.31; Mc 14.27. reta,
jare chepo añonota vecha raɨ reta kotɨ!
8YandeYa jei: Jare opaete kuae ɨvɨ rupi, mbɨte oasa ye omanota,
okañɨtei retata; ërei oimeñota jembɨre pɨpe vae.
9Jare jókuae jembɨregüe amoingeta tata pe,
jare amondɨkuita, korepoti oyemondɨkui rami,
jare ambokavita, oro oyembokavi#Is 1.25; 48.10. rami.
Jayave jae chereenɨita, jare che aenduta chupe,
jare jaeta: ‘Tëta chembae’,#Os 2.23.
jare jae jeita: ‘YandeYa ko jae cheTumpa.’ ”
Currently Selected:
ZACARÍAS 13: GUABD
Highlight
Copy
Compare
Share
Want to have your highlights saved across all your devices? Sign up or sign in
Biblia DC Guaraní Bolivia © Bolivian Bible Society, 2001.
