APOCALIPSIS 22
22
1Jayave araɨgua oechauka cheve ɨ̈aka ikɨambae ɨ tekove pegua,#Ez 47.1,12; Zac 14.8. jësakaasɨ vidrio rami, oë Tumpa jare Vecha kuimbae taɨrusu vae iguapɨa güi. 2Jare tëta guasu ikaye mbɨte pe, ɨ̈aka jovaicho icho pe oï ɨvɨra tekove pegua.#Gn 2.9. Jókuae ɨvɨra ia doce. Yasɨ ñavo ia. Jare ɨvɨra jogüe ikavi tëtaguasu reta oñepoano vaerä. 3Jare ngaraa ye ma oime yepopeyu.#Gn 3.17. Echa Tumpa jare Vecha kuimbae taɨrusu vae iguapɨa oïta joko pe, jare jembiokuai reta oyeokuaita chupe. 4Jare jae reta oechata#Sal 17.15; Mt 5.8; 1 Jn 3.2. Tumpa. Jare güɨnoi retata jesɨva re Tumpa jee. 5Jare ngaraa ye ma oime pɨ̈tu joko pe. Ngaraa oeka mechero jare kuaraɨ jembipe, echa yandeYa Tumpa etei omoembipeta.#Is 60.19; Ap 21.23. Jare oporookuai retata jekuaekuae avei rupi.#Dn 7.18.
Cristo ou ye vaerä köi yae ma
6Jare araɨgua jei cheve: “Kuae ñee reta jupi jare añete ko. Jare yandeYa Tumpa etei oikuaauka ñeemombeúa reta pe. Jae ombou iaraɨgua oechauka vaerä jembiokuai reta pe ɨmambae mbaembae oasata vae.”
7YandeYa jei: “¡Mase, ko ayu yeta ɨmambae! ¡Oyerovia ko oyapo ñee kuae tupapire pe oñemoërakua vae!”
8Che Juan aendu jare aecha kuae mbaembae. Jare aendu jare aecha güire ayetavatɨka chetindɨasɨ jókuae araɨgua oechauka mbaembae cheve vae jóvai amboete vaerä. 9Ërei jae jei cheve: “Agüɨye chemboete. Che Tumpa pe, nerëtara ñeemombeúa reta jare oyapo kuae tembikuatía jei vae reta ayeokuai vae vi ko pe. Emboete Tumpa.”
10Jare jei vi cheve: “Agüɨye eyokenda ñee reta maratuta vae re kuae tembikuatía pe oï vae, echa köi yae ma ara oyembopo vaerä. 11Jupimbae oyapo vae tijeiete toyapo jupimbae. Ikɨa Tumpa jóvai vae tijeiete tikɨa Tumpa jóvai. Jupi vae jeiete tijupi.#Dn 12.10. Jare oñeñono tee vae jeiete toñeñono tee Tumpa peguarä.”
12YandeYa jei: “¡Mase, ko ayu yeta ɨmambae! Jare aruta mbota amboekovia vaerä metei ñavo pe jembiapo oï rupi.#Jer 17.10. 13Che ko jae Alfa jare Omega,#Ap 1.8. iyɨpɨ ete jare iyapɨ ete,#Is 41.4; 44.6; 48.12; Ap 1.17; 2.8. tenondegua ete jare taɨkuegua ete.”
14Oyerovia ko jemimonde oyoe vae reta, ipuere vaerä oya ɨvɨra tekove#Gn 2.9; 3.22. pegua re, jare oike vaerä tëta guasu pe jöke rupi. 15Ërei ikatu pe opɨtata jeko kavimbae, imbaekuaa vae reta, iyaguasa vae reta, oporoyuka vae reta, itumpa-raanga pota vae reta, jare opaete oaɨu jare oyapo apu vae reta.
16“Che Jesús ambou chearaɨgua oikuaauka vaerä opaete kuaekuae oporogüɨrovia vae reta pe. Che ko jae David#Is 11.1,10. Iyɨpɨ jare iñemuña pegua. Che ko jae yasɨtata guasu jembipeasɨ köe pota yave vae.”
17Espíritu Santo jare Vecha kuimbae taɨrusu vae imenda ïru jei: “¡Eyu!” Jare oendu vae, tei: “¡Eyu!” Jare iɨuve vae tou toɨu; ikɨ̈reɨ vae tou ɨ tekove pegua güi jepɨmbae.#Is 55.1; Jn 4.10,14; 7.37.
18Opaete kuae ñee reta oyekuatía oï kuae tembikuatía pe vae oendu vae reta pe jae: Oime yave kia kuae ñee reta omoïruta vae, Tumpa güeruta jese tembiporara reta oyekuatía oï kuae tembikuatía pe vae. 19Oime yave kia kuae ñee reta oekɨ kuae tembikuatía pe oyekuatía oï vae, Tumpa opɨ̈rota chupeguarä vae tembikuatía tekove pegua güi jare tëta guasu oñeñono tee Tumpa peguarä vae pe jare mbaembae reta oyekuatía oï kuae tembikuatía pe vae.#Dt 4.2; 12.32.
20Kuaekuae oikuaauka vae jei: “Añete ko, ayu yeta ma ɨmambae.”
¡Amén! ¡Eyu, cheYa Jesús! 21YandeYa Jesucristo ipɨakavi toï opaete pe reta ndive. ¡Amén!
Currently Selected:
APOCALIPSIS 22: GUABD
Highlight
Copy
Compare
Share
Want to have your highlights saved across all your devices? Sign up or sign in
Biblia DC Guaraní Bolivia © Bolivian Bible Society, 2001.
