APOCALIPSIS 15

Araɨgua reta chiu mbaesusere taɨkuegua reta ndive

1Aecha oyekuaa ye ara re ïru mbae tuichagüe jare ñanemopɨakañɨ vae, jae ko: Chiu araɨgua chiu mbaesusere taɨkuegua güɨnoi vae reta. Echa jókuae reta rupi iyapɨta Tumpa iyarasɨ.

2Aecha vi ɨguasu vidrio rami vae tata ndive oyea vaeecha vae. Jare jókuae mbaemɨmba guasu ɨguasu güi oë vae jare iä jare ikañɨmaa jare jee inúmero omoamɨri vae reta oyemboɨ ñogüɨnoi jókuae ɨguasu vidrio rami vae re, güɨnoi reve arpa reta Tumpa omee chupe reta vae. 3Jare otairari reta Moisés#Ex 15.1-18. Tumpa jembiokuai itairari jare Vecha kuimbae taɨrusu vae itairari pe, jei reve:

“Oreya Tumpa Imbaepuere yae ete vae,

tuicha yae jare oremopɨakañɨ yae ko nderembiapo reta.

Jupi jare añetete ko nderemimbota reta,

oporogüɨrovia vae reta Juvicha Guasu.

4¡Opaete vae okɨɨyeta ndegüi, oreYa!

¡Opaete vae omboeteta nderee!#Jer 10.7.

Echa ndeño ko jae iyoambae vae.

Jáeramo opaete tëtaguasu reta yogüeruta jare ndemboete retata,#Sal 86.9.

echa oyekuaa ma neporojäa reta.”

5Kuae jaɨkue rupi amae jare aecha oyepea tupao ara pe, tupao yemomaendúa pegua.#Ex 38.21. 6Jare jókuae tupao güi oë chiu araɨgua reta güɨnoi reta chiu mbaesusere vae. Jemimonde lino ikɨambae pegua jare jembipe, oyekuakua reta metei kuakuaa ipeguasu yae vae oro pegua pe. 7Jare jókuae irundɨ oikove vae reta güi metei omee jókuae chiu araɨgua reta pe chiu kopa oro pegua, jókuae kopa reta tɨnɨe Tumpa iyarasɨ pe, jae ko oiko jekuaekuae avei rupi vae. 8Jare tupao tɨnɨe tätati#Ex 40.34; 1 R 8.10-11; 2 Cr 5.13-14; Is 6.4. pe, Tumpa iyemboetea jare imbaepuere rupi. Jare mbaetɨ etei kia ipuere oike tupao pe, ndei jókuae chiu mbaesusere jókuae chiu araɨgua reta güɨnoi vae oyeapo mbove.

Currently Selected:

APOCALIPSIS 15: GUABD

Highlight

Copy

Compare