MIQUEAS 7
7
Teko kavi reta oikomegua Israel pe
1¡Tataɨ re! Kuaraɨ guasu pe temitɨ iagüe oeka vae rami ko aï,
uva iagüe re oyevɨka reta vae rami,
ërei mbaetɨ etei kërai yepe aväe;
ayúe tëi mbaagüɨyerɨpɨ.
2Mbaetɨ ma iporoparareko vae ɨvɨ pe;
metei ave mbaetɨ jeko sɨmbi vae#Sal 12.1. kuimbae reta ipɨte pe;
metei ñavo oäro oporoyuka vaerä;
metei ñavo oeka kërai omboeko vaerä japicha.
3Oikatu yae oyapo reta vaerä ikavimbae;
mburuvicha reta oekɨ mbae iyeupe ïru vae reta güi,
jare oporojäa vae reta oporojäa jepɨ chupe ramoño;
mbaepuere güɨnoi vae imiari ipɨa jeiaño,
jare opaete vae reta omborɨ katu.
4Ipɨte reta güi jeko kavi vae ñurati rami ko;
jeko sɨmbi vae, temitɨ jäti vae rami ko.
Ërei oväeta ara reiporara vaerä,
sundaro reta ɨvate güi omae vae omoërakua reta vae;
jayave ramo reyembokepeguata.
5Agüɨye erovia ndevɨa-ïru, agüɨye erovia mburuvicha iñee ave;
nderembireko güi eyeandu, agüɨye emoë neñee.
6Echa kunumi omboeteä tu,
kuñatai oñemopüa ichɨ kotɨ
jare membɨtatɨ imesɨ kotɨ;
metei o pegua reta oyovaicho oyokotɨ.#Mt 10.35-36; Lc 12.53.
7Ërei ngatu, che, yandeYa reño amaeta,
Tumpa chereroasayepe vae reño ayekota;
jókuae cheTumpa ko chereenduta.
YandeYa güeru tembipe jare yereroasayepe vae
8Nde, cherovaicho agüɨye epuka emae cheré,
echa yepe tëi agüɨapi, ërei apüa yeta ko;
yepe tëi aiko pɨtumimbi rupi;
ërei yandeYa oikota tembipe cheveguarä.
9Aropɨata yandeYa iyarasɨ;
echa cheyoa ikotɨ,
ojäa regua chereko jare chembojupi regua.
Jae cherenoeta tembipe pe jare aechata iporombojupi.
10Kuae oechata cherovaicho reta jare imarata opɨta reta;
jeise reta cheve: “¿Ketɨ pa oime oï ndeYa Tumpa?”#Sal 79.10; Jl 2.17.
Ërei añave aecha retata opa oñepɨ̈ro jese tuyuapo re tape rupi rami.
11Jerusalén, oväeta ara oñemopüa pɨau ye vaerä nekësea reta
jókuae ara rupi ɨvɨ oñejäagüe oyembopɨguasuta.
12Jókuae ara rupi yogüeruta ndekotɨ opaete ketɨ ketɨ güi:
Asiria güive Egipto kotɨ güi,
ɨ̈aka Nilo güive ɨ̈aka Éufrates kotɨ güi,
metei ɨguasu güive ïru ɨguasu kotɨ güi,
metei ɨvɨtɨ guasu güive ïru ɨvɨtɨ guasu kotɨ güi.
13Ɨvɨ opɨtata ñuurä, pɨpegua reta jeko pegua;
teko pɨ̈chɨi oyapo reta jeko pegua.
YandeYa iporoparareko Israel re
14¡Eyangareko ndembae vae reta re ndepopoka pe;
ndevecha reta yogüɨreko ndeɨvɨ pe vae re,
ñana rupiño, ɨvɨ kavía rupi yogüɨreko vae re!
Eeka kapii Basán pe jare Galaad pe;
ïru ara oasagüe rupi reyapo rami.
15Eechauka chupe reta mɨakañɨ;
Egipto güi renoe reta ramo yave rami.
16¡Toecha ïru tëtaguasu reta,
jare timara reta imbaepuere yae tëi reve!
¡Topɨta reta iñeembae jare iyapɨsambae rami!
17¡Ɨvɨ toere reta mboi rami,
ipɨtía re oguata vae reta rami!
¡Torɨrɨi toñogüɨnoe jare tokɨɨye reve toyogüeru ndekotɨ,
cheYa Tumpa!
18Mbaetɨ ïru Tumpa nde rami;
echa nde neɨ̈ro ikavimbae iyapoa pe
jare neakañɨ ndembae vae reta jembɨregüe iyoa güi,
mbaetɨ ndearasɨ avei;
echa ndeporoparareko nekɨ̈reɨ ngatu reve.
19Enoi ye mboroparareko orekotɨ;
eñotɨ orereko jupimbae reta
jare emombo ɨguasu pe opaete oreyoa reta.
20¡CheYa, embopo neñee,
arakae güive rerökuavee nderee re mboroparareko
oreñemuñagüe Abraham jare Jacob pe vae!#Gn 12.1-3; 17.6-8; 28.13-15; Lc 1.55,73.
Currently Selected:
MIQUEAS 7: GUABD
Highlight
Copy
Compare
Share
Want to have your highlights saved across all your devices? Sign up or sign in
Biblia DC Guaraní Bolivia © Bolivian Bible Society, 2001.
