SAN MATEO 2
2
Kuimbae yasɨtata re oyemboe vae reta regua
1Jesús oa tëta Belén ɨvɨ Judea pegua pe, Herodes oiko yave mburuvicha guasurä. Jayave yogüeru oväe Jerusalén pe kuimbae reta yasɨtata re oyemboe vae reta kuaraɨ oëa kotɨ güi. 2Jare oparandu reta:
—¿Kia pe pa oime oï michia judío reta juvicha guasurä oikota vae? Echa roecha iyasɨtata kuaraɨ oëa kotɨ güi. Jáeramo royu romboete vaerä.
3Mburuvicha guasu Herodes kuae oendu yave, okɨɨye. Jare opaete Jerusalén pegua reta okɨɨye vi. 4Jayave Herodes oenɨiuka opaete sacerdote reta itenondegua reta jare mborookuai re oporomboe vae reta, jare oparandu chupe reta kia pe ra oata Cristo. 5Jare jae reta jei chupe:
—Oata tëta Belén Judea pegua pe. Echa ñeemombeúa oikuatía körai:
6“Nde Belén, ɨvɨ Judá pegua
michi yae vaeä ko nde Judá pegua tëta guasu reta güi.
Echa ndegüi oëta oporogüɨroata vae.
Jae oyangarekota Israel pegua chembae vae reta re.”#Miq 5.2.
7Jayave Herodes oenɨiuka vɨari jókuae yasɨtata re oyemboe vae reta, jare oparandu kavi chupe reta kërai yave etei ma ra oyekuaa jókuae yasɨtata vae. 8Jayave Herodes jei chupe reta:
—Pekua Belén pe peeka kavi jókuae michia. Jare peväe ma chupe yave, peyu ye kuae pe pemombeu cheve, che vi aja vaerä amboete.
9Oendu reta ma yave mburuvicha guasu jei vae, opa yogüɨraja. Jare oecha reta ye jókuae yasɨtata kuaraɨ oëa kotɨ güi oecha vae. Jare jókuae yasɨtata ojo jae reta jenonde, jare ojo opɨta michia oïa iárambo. 10Jare oecha reta jókuae yasɨtata yave, oyerovia yae reta. 11Oike reta o pe yave, oecha reta michia ichɨ María ndive. Jayave jae reta oyetavatɨka omboete reta michia. Jayave oipea reta imbaerɨru jare omee reta michia pe oro, mbae ikäti kavi vae incienso jare mirra. 12Ërei Tumpa oechauka jókuae kuimbae reta pe ipaɨu rupi agüɨye vaerä oyerova reta ye Herodes jëta rupi. Jáeramo yogüɨraja reta ye iɨvɨ pe ïru tape rupi.
Egipto kotɨ otekuarai vae regua
13Jare jókuae kuimbae reta yasɨtata re oyemboe vae reta yogüɨraja ma yave, metei araɨgua yandeYa pe oyeokuai vae oyekuaa José pe ipaɨu pe jare jei chupe: “Epüa, jare eraja michia jare ichɨ Egipto kotɨ. Pepɨta joko pe amombeu ye ndeve regua. Echa Herodes oekata michia Oyuka vaerä.”
14Jayave José opüa, jare pɨ̈tu reve güɨraja michia jare ichɨ ɨvɨ Egipto kotɨ. 15Jare yogüɨreko joko pe Herodes omano regua. Jökorai oyembopo vaerä yandeYa omombeu arakae ñeemombeúa rupi vae Echa jei: “Egipto güi aru ye cheRaɨ.”#Os 11.1.
Herodes oyukauka michia reta
16Jayave Herodes oikuaa jókuae yasɨtata re oyemboe vae reta mbaetɨ oyapo jae jei vae, iyarasɨ yae, jare omondo sundaro reta oyuka vaerä opaete michia kuimbae Belén pe jare Belén iyɨpɨ rupi ñogüɨnoi vae reta ndei mókoi año güɨnoi vae güi ɨ́vɨkotɨ. Yasɨtata re oyemboe vae reta omombeu Herodes pe kërai yave güi ma ko oecha reta yasɨtata vae rami. 17Jökorai oyembopo ñeemombeúa Jeremías jei vae.
18Echa jei:
“Ramá pe oyeendu yaeo.
Oyeendu oyaeo jasɨ katu reve vae.
Raquel oapïro imembɨ reta.
Mbaetɨ etei oipota kia ombopɨakatu echa imembɨ reta omano.”#Jer 31.15.
Egipto güi oyerova ye vae regua
19Ërei Herodes omano ma yave, José Egipto pe oï ramboeve, metei yandeYa iaraɨgua oyekuaa José pe ipaɨu pe. 20Jare jei chupe: “Epüa, eraja ye michia jare ichɨ ɨvɨ Israel pe. Echa oipota tëi oyukauka michia vae reta omano ma.”
21Jayave José opüa jare güɨraja michia jare ichɨ ɨvɨ Israel pe. 22Ërei oikuaa Arquelao ko oï mburuvicha guasurä Judea pe tu Herodes jekovia pe yave, José okɨɨye ojo vaerä Judea pe. Ërei Tumpa omombeu José pe ipaɨu pe ojo vaerä ɨvɨ Galilea pe. Jáeramo jokotɨ ojo. 23Jare José ojo oiko tëta Nazaret#Mc 1.24; Lc 2.39; Jn 1.45. jee vae pe, oyembopo vaerä ñeemombeúa reta jei vae. Echa jei reta: “Oyembojeeta Nazaret-ɨgua.”
Currently Selected:
SAN MATEO 2: GUABD
Highlight
Share
Copy
Want to have your highlights saved across all your devices? Sign up or sign in
Biblia DC Guaraní Bolivia © Bolivian Bible Society, 2001.
SAN MATEO 2
2
Kuimbae yasɨtata re oyemboe vae reta regua
1Jesús oa tëta Belén ɨvɨ Judea pegua pe, Herodes oiko yave mburuvicha guasurä. Jayave yogüeru oväe Jerusalén pe kuimbae reta yasɨtata re oyemboe vae reta kuaraɨ oëa kotɨ güi. 2Jare oparandu reta:
—¿Kia pe pa oime oï michia judío reta juvicha guasurä oikota vae? Echa roecha iyasɨtata kuaraɨ oëa kotɨ güi. Jáeramo royu romboete vaerä.
3Mburuvicha guasu Herodes kuae oendu yave, okɨɨye. Jare opaete Jerusalén pegua reta okɨɨye vi. 4Jayave Herodes oenɨiuka opaete sacerdote reta itenondegua reta jare mborookuai re oporomboe vae reta, jare oparandu chupe reta kia pe ra oata Cristo. 5Jare jae reta jei chupe:
—Oata tëta Belén Judea pegua pe. Echa ñeemombeúa oikuatía körai:
6“Nde Belén, ɨvɨ Judá pegua
michi yae vaeä ko nde Judá pegua tëta guasu reta güi.
Echa ndegüi oëta oporogüɨroata vae.
Jae oyangarekota Israel pegua chembae vae reta re.”#Miq 5.2.
7Jayave Herodes oenɨiuka vɨari jókuae yasɨtata re oyemboe vae reta, jare oparandu kavi chupe reta kërai yave etei ma ra oyekuaa jókuae yasɨtata vae. 8Jayave Herodes jei chupe reta:
—Pekua Belén pe peeka kavi jókuae michia. Jare peväe ma chupe yave, peyu ye kuae pe pemombeu cheve, che vi aja vaerä amboete.
9Oendu reta ma yave mburuvicha guasu jei vae, opa yogüɨraja. Jare oecha reta ye jókuae yasɨtata kuaraɨ oëa kotɨ güi oecha vae. Jare jókuae yasɨtata ojo jae reta jenonde, jare ojo opɨta michia oïa iárambo. 10Jare oecha reta jókuae yasɨtata yave, oyerovia yae reta. 11Oike reta o pe yave, oecha reta michia ichɨ María ndive. Jayave jae reta oyetavatɨka omboete reta michia. Jayave oipea reta imbaerɨru jare omee reta michia pe oro, mbae ikäti kavi vae incienso jare mirra. 12Ërei Tumpa oechauka jókuae kuimbae reta pe ipaɨu rupi agüɨye vaerä oyerova reta ye Herodes jëta rupi. Jáeramo yogüɨraja reta ye iɨvɨ pe ïru tape rupi.
Egipto kotɨ otekuarai vae regua
13Jare jókuae kuimbae reta yasɨtata re oyemboe vae reta yogüɨraja ma yave, metei araɨgua yandeYa pe oyeokuai vae oyekuaa José pe ipaɨu pe jare jei chupe: “Epüa, jare eraja michia jare ichɨ Egipto kotɨ. Pepɨta joko pe amombeu ye ndeve regua. Echa Herodes oekata michia Oyuka vaerä.”
14Jayave José opüa, jare pɨ̈tu reve güɨraja michia jare ichɨ ɨvɨ Egipto kotɨ. 15Jare yogüɨreko joko pe Herodes omano regua. Jökorai oyembopo vaerä yandeYa omombeu arakae ñeemombeúa rupi vae Echa jei: “Egipto güi aru ye cheRaɨ.”#Os 11.1.
Herodes oyukauka michia reta
16Jayave Herodes oikuaa jókuae yasɨtata re oyemboe vae reta mbaetɨ oyapo jae jei vae, iyarasɨ yae, jare omondo sundaro reta oyuka vaerä opaete michia kuimbae Belén pe jare Belén iyɨpɨ rupi ñogüɨnoi vae reta ndei mókoi año güɨnoi vae güi ɨ́vɨkotɨ. Yasɨtata re oyemboe vae reta omombeu Herodes pe kërai yave güi ma ko oecha reta yasɨtata vae rami. 17Jökorai oyembopo ñeemombeúa Jeremías jei vae.
18Echa jei:
“Ramá pe oyeendu yaeo.
Oyeendu oyaeo jasɨ katu reve vae.
Raquel oapïro imembɨ reta.
Mbaetɨ etei oipota kia ombopɨakatu echa imembɨ reta omano.”#Jer 31.15.
Egipto güi oyerova ye vae regua
19Ërei Herodes omano ma yave, José Egipto pe oï ramboeve, metei yandeYa iaraɨgua oyekuaa José pe ipaɨu pe. 20Jare jei chupe: “Epüa, eraja ye michia jare ichɨ ɨvɨ Israel pe. Echa oipota tëi oyukauka michia vae reta omano ma.”
21Jayave José opüa jare güɨraja michia jare ichɨ ɨvɨ Israel pe. 22Ërei oikuaa Arquelao ko oï mburuvicha guasurä Judea pe tu Herodes jekovia pe yave, José okɨɨye ojo vaerä Judea pe. Ërei Tumpa omombeu José pe ipaɨu pe ojo vaerä ɨvɨ Galilea pe. Jáeramo jokotɨ ojo. 23Jare José ojo oiko tëta Nazaret#Mc 1.24; Lc 2.39; Jn 1.45. jee vae pe, oyembopo vaerä ñeemombeúa reta jei vae. Echa jei reta: “Oyembojeeta Nazaret-ɨgua.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblia DC Guaraní Bolivia © Bolivian Bible Society, 2001.