SAN MATEO 17

Jesús oyemoambuae

(Mc 9.2-13; Lc 9.28-36)

1Ova ara ma oasa yave, Jesús güɨraja Pedro, Jacobo jare tɨvɨ Juan ïru reta ipɨte güi, metei ɨvɨtɨ guasu ɨvate vae re. 2Jare joko pe oyemoambuae jae reta jóvai. Jova jembipe kuaraɨ jembipe rami, jare jemimonde tïiasɨ jembipe. 3Jare oyekuaa chupe reta Moisés jare Elías imiari ñogüɨnoi Jesús ndive. 4Jayave Pedro jei Jesús pe:

—OreYa, jaekavi roï kuae pe. Nde reipota yave, toroyapo kuae pe mboapɨ küaraɨa ñairaka pegua, metei ndeveguarä, metei Moisés peguarä jare metei Elías peguarä.

5Pedro imiari oï ramboeve, amapɨtu jembipe vae omboyasoi reta, jare jókuae amapɨtu güi oyeendu ñee jei: “Kuae ko jae cheRaɨ aaɨu yae vae. Chemboyerovia vae.#Gn 22.2; Sal 2.7; Is 42.1; Mt 3.17; 12.18; Mc 1.11; Lc 3.22. Peyeapɨsaka jese.”#Dt 18.15. #2 P 1.17-18.

6Jare Jesús jemimboe reta kuae oendu yave, oyetavatɨka reta itindɨ reve ɨvɨ re. Jare okɨɨye yae reta. 7Jayave Jesús ou opoko jese reta jare jei chupe reta:

—Pepüa. Agüɨye pekɨɨye.

8Jare omae reta yave, mbaetɨ etei kia oecha, jaeño Jesús.

9Jare ɨvɨtɨ guasu güi ogüeyɨ yogüeru ramboeve, Jesús oyókuai reta jei:

—Agüɨye pemombeu kia pe ave kuae peecha vae, che Kuimbaerä ayeapo vae ndei aikove ye omanogüe vae reta ipɨte güi mbove.

10Jayave jemimboe reta oparandu chupe:

—¿Maera pa mborookuai re oporomboe vae reta jei Elías ko tenonde outa?#Mal 4.5.

11Jare Jesús jei:

—¡Añete! Elías ko tenonde outa, jare jae oñono kavita opaete mbaembae. 12Ërei che jae peve, Elías ou ma ko,#Mt 11.14. ërei jae reta mbaetɨ oikuaa. Jare oyapo reta chupe jae reta jeigüe. Jökoraita vi che Kuimbaerä ayeapo vae oiporara jae reta ipo pe.

13Jayave Jesús jemimboe reta oikuaa jae imiari ko oï chupe reta Juan oporombobautisa vae regua.

Jesús ombogüera kunumi omano mano vae

(Mc 9.14-29; Lc 9.37-43)

14Jare yogüeru oväe yave jeta ñogüɨnoia pe, metei kuimbae ou oövaiti Jesús. Jare oyetavatɨka jóvai, jei reve:

15—CheYa, eiparareko cheraɨ. Echa omano mano ko imbaerasɨ jare oiporara yae. Mbovɨ ye ma oa tata pe jare ɨ pe. 16Aru tëi nderemimboe reta pe, ërei jae reta ipuereä ombogüera.

17Jayave Jesús jei:

—Oporogüɨroviambae jare ipɨapochɨ vae reta. ¿Kërai regua pa aikota pe reta ndive? ¿Kërai regua pa pogüɨropɨata? Peru cheve kuae pe.

18Jayave Jesús oñeengata aña pe, jare aña oë kunumi güi. Jare jupiveiño okuera.

19Jayave Jesús jemimboe reta yogüeru jae oïa pe oparandu chupe, jae retaño ñogüɨnoi yave:

—¿Maera pa ore orepuereä rombosɨrɨ jókuae aña?

20Jare Jesús chupe reta:

—Michi yae peporogüɨrovia ramo. Añete che jae peve, peporogüɨrovia mostaza jäɨ rami mona yave. Pepuereta pere kuae ɨvɨtɨ guasu pe: “Esɨrɨ kuae güi pea pe”, jare ojota ko.#Mt 21.21; Mc 11.23; 1 Co 13.2. Jare ngaraa mbae yavai peve. 21Kuae nunga aña mbaetɨ ko oëiño, jaeño yerure rupi jare tembíu güi yekuaku rupi.

Jesús omombeu ye omanota vae regua

(Mc 9.30-32; Lc 9.43-45)

22Jare Galilea pe ñogüɨnoi ramboeve, Jesús jei jemimboe reta pe:

—Che Kuimbaerä ayeapo vae, chemeeta ïru vae reta ipo pe vae. 23Cheyuka retata. Ërei mboapɨ araa pe aikove yeta.

Kuae jemimboe reta ombopɨatɨtɨ yae tuicha.

Tupao peguarä okovara vae

24Capernaum pe yogüeru oväe yave, tupao peguarä okovara vae reta yogüeru oparandu Pedro pe:

—¿Omboepɨ pa pemboe vae mókoi dracma#17.24 Emae Glosario pe. mburuvicha okovara vae?#Ex 30.13; 38.26.

25—Omboepɨ —jei Pedro chupe reta.

Jare oike yave o pe, Jesús omoë iñee Simón Pedro pe, jei:

—Simón, mburuvicha reta ɨvɨ pegua okovara yave. ¿Okovara reta vi pa taɨ reta pe ani ïru vae reta peño pa? ¿Mbae pa reyemongeta kuae re?

26Jayave Pedro jei:

—Ïru vae reta peño.

Jesús jei chupe:

—Jáeramo taɨ reta mbaetɨ ombaemboepɨ. 27Ërei agüɨye vaerä yamboarasɨ, ekua epindapo ɨguasu pe. Jare tenonde pira renoe vae epopira iyuru. Joko pe reväeta metei reare irundɨ dracma pegua vae. Eraja emee okovara vae reta pe cheveguarä jare ndeveguarä.

Currently Selected:

SAN MATEO 17: GUABD

Highlight

Copy

Compare