LAMENTACIONES 5
5
Mbɨatɨtɨ pandepoa
1CheYa Tumpa, nemaendúa rosusere vae re;
emae oreré, kërai mbae jasɨ katu vae jei reta orekotɨ vae re.#Sal 44.9-26; 74; 79.
2Opaete oreɨvɨ opɨta, ketɨgua reta ipo pe;
orero reta opɨta, ïru tëtaguasu pegua reta joorä.
3Tɨ̈reɨ rami ko ore, mbaetɨ oreru;
oresɨ reta opɨta imemano vae rami.
4¡Oreɨ aeño rogua ye rou;
oreyepea aeño rogua ye!
5Roiko yeokuaiasɨ katu rupi; orekangɨ yae ma.
Mbaetɨ oreveguarä mbutuu.
6Egiptoɨgua reta pe jare Asiriaɨgua reta pe royerure tembíu re, rokaru vaerä.
7Oreñemuñagüe reta iyoa,
jare opa ma omano;
ërei ore roiporara jae reta iyoa re.
8Tembiokuairä yogüɨrekose vae, añave güɨnoi mbaepuere oreré;
mbaetɨ kia orereepɨ vaerä chugüi reta.
9Mano pe etei roñemoëgua, rogüeru orerembiurä yave,
jeta ñuu rupi okätɨro vae reta oime reve.
10Orepire jaku orno rami;
oremboaku karuai.
11Oyuvanga reta kuña reta re Sión pe,
Judá pegua tëta guasu reta rupi oyuvanga kuñatai reta re.
12Oipokua reta mburuvicha ombosagüɨu;
mbaetɨ omboete reta ndechi reta.
13Taɨrusu vae reta güɨraja ombaeso vaerä;
kunumi reta opa ombogüɨapi yepea ivoɨ.
14Tenondegua reta mbaetɨ yé ma oyekuaa tëta guasu jöke rupi;
taɨrusu vae reta itairari mbaetɨ ma oyeendu.
15Mbaetɨ ma yerovia rogüɨnoi orepɨa pe;
oreapirai oyepoepɨ mbɨatɨtɨ pe.
16Oreyemboetea opa oregüi;
¡maera pa ko!, echa oreyoa.
17Jáeramo orepɨatɨtɨ yae;
jäve ma romae, royaeo mbatee güi.
18Ɨvɨtɨ Sión ipoä oï;
aguara retaño oguata jokoropi.
19Ërei nde cheYa, reporookuai jekuae avei pegua;
¡ndeporookuaía oiko jekuae avei pegua!#Sal 102.12; 145.13; 146.10.
20¿Maera pa neakañɨ etei oregüi?
¿Maera pa ɨma yae orereeya?#Sal 74.1.
21¡OreYa Tumpa,
orereru ye ndekotɨ,
jare ore royerova yeta!
¡Toroiko ye tenonde yave roiko rami!#Sal 80.3-7; Jer 31.18.
22Yepe tëi nde orereröɨro,
jare ndearasɨ yae orekotɨ.
Currently Selected:
LAMENTACIONES 5: GUABD
Highlight
Copy
Compare
Share
Want to have your highlights saved across all your devices? Sign up or sign in
Biblia DC Guaraní Bolivia © Bolivian Bible Society, 2001.
