LAMENTACIONES 3
3
Mbɨatɨtɨ mboapɨa
1Che ko jae, aiporara Tumpa iyarasɨ vae.
2Chereraja pɨtumimbía rupi,
chemboguata tembipe mbaetɨa rupi;#Job 19.8.
3ara ñavo omopüa avei ipo chekotɨ.#Job 7.16-19; Sal; 88.7,15-16.
4Omondechiuka chesoo jare chepire;
opa oakɨo kɨo chekägüe reta;#Job 7.5; 30.30.
5chekëse mbɨatɨtɨ pe jare mbaeporara pe;#Job 19.12.
6chereeya pɨtumimbía pe, arakae yae ma omano vae reta rami.#Sal 88.5-6; 143.3.
7Opaetei chekëse,
mbaetɨ kerupi aë vaerä;#Job 3.23; 19.8.
karena poɨgüe yae oñono cheré;
8yepe tëi asapúkai aeka iporomborɨ,
ërei mbaetɨ oyeapɨsaka cheyerure re;#Job 30.20.
9cherape oyopia chegüi ita oñeopagüe pe,
¡omombia chegüi cherape!
10Jae chevegua, metei yaguapope chepïaro oï vae rami ko,#Job 10.16; 16.9.
metei oso jaema cherepeñata oï vae rami.
11Chemombia tape güi,
opa cherakɨo kɨo
¡chemboai chereeya!
12¡Omoata kavi igüɨrapa,
jare oyembokuaakatu juvɨ pe cheré!
13Juvɨ oekɨ jɨru güi vae pe cherete oñɨvo.#Job 16.12-13.
14Opaete cherëtaɨgua reta cheyóyai yóyai;
ara ñavo cheyóyai yóyai reta vaerä aiko.#Dt 28.37; Job 30.9; Sal 69.10-12; Jer 20.7.
15Tumpa chembopɨatɨtɨ yae;
omee aɨu mbae iro yae vae re.#Job 9.18.
16Cheräi oakɨo ita pe;
chemboyapayerei ɨvɨ rupi.
17Oyembosɨrɨ chegüi mbɨakatu,
cheakañɨ ma aiko kavise vae güi.
18Jare jae: “Chepuere veä ma,
mbaetɨ ma chepuere aäro vaerä cheYa re.”#Job 17.15-16; 19.9-10; 30.19.
19CheYa nemaendúa chepɨatɨtɨ vae re jare chepɨtu vae re,
jare aiporara yae vae re;
20chemaendúa jese yave,
chepɨtu yae.
21Ërei metei mbae añonota cheyeupe chepɨa pe,
jaeño kuae aärota aï:
22YandeYa iporoparareko jeko pegua mbaetɨ opa ñakañɨtei,
echa mbaetɨi opa iporoparareko.
23Ndeimbove ñavo oyembopɨau;
¡tuicha yae ete ko iporoparareko!#Ex 34.6-7; Sal 136.
24Che jae cheyeupe: “¡CheYa ndeño ko jae chembaeyekou;
jáeramo jese aärota!”#Sal 16.5; 119.57.
25YandeYa reño oyeko vae pe,
jae ipɨakavi,
jókuae jeseño oyemboya vae pe.#Is 30.18.
26Ikavi ko kïriiño ñaäro yandeYa iporogüɨroasayepe.
27Ikavi ko kuimbae taɨrusu güive oyapo avei vaerä mborookuai.
28Kuimbae topɨta jaeño jare tikïrii,
echa Tumpa ko oñono jökorai vaerä;
29toñemomichi reve toyetavatɨka itindɨasɨ ɨvɨ re,
güɨramoi oimeño vɨteri oñeñono kavi vaerä;
30emee nderovaɨke, kia nunga vae okua nderé vae pe,
eiporara jeta yeyóyai yóyai.#Mt 5.39.
31Echa yandeYa ngaraa yandereeya jekuae avei pegua.
32Yepe tëi oiporarauka,
ërei iporoparareko vi;
echa iporoparareko tuicha yae ko.#Sal 30.5; Is 54.7-8; 60.10.
33Echa mbaetɨ ipöra chupe ombopɨatɨtɨ vaerä
jare oiporarauka vaerä opaete vae reta pe.
34Tembipɨɨ reta pe oiporaraukaasɨ katu vae,
35Tumpa Tuichagüe yae ete vae jóvai oyererova jupi vae kuimbae güi vae,
36mbaetɨ jupi vae oyeapo kuimbae pe vae;
opaete kuaekuae Tumpa pe mbaetɨ etei ko jaekavi.
37¿Kia pa ipuere jei, mbae oyeapo vae, yandeYa güiä ko ou vae?
38Opaete mbae ikavi vae
jare ikavimbae vae Tumpa Tuichagüe yae ete vae güi ko ou.#Job 2.10; Is 45.7.
39¿Maera pa kuimbae iñeengeta yeño iyoa reve
oikove tëi oï reve?
40Yayemongeta kavi yandereko reta re,
yaeka yayerova ye yandeYa kotɨ.
41Yamondo yandeyemongeta jare yandeyerure yandeYa ara pe oï vae kotɨ.
42OreYa, oreyoa yae jare orepɨapochɨ ndekotɨ,
jare nde mbaetɨ neɨ̈ro oreve.#Is 55.7.
43Oreöva ndearasɨ pe, oreraɨkuemoña, oreyuka
jare mbaetɨ neɨ̈ro oreve.
44Reñeova amapɨtu pe,
agüɨye vaerä oreyerure reendu.
45Oreñono tëta reta rupi roiko vaerä ñemomarai rupi jare ñereröɨro rupi.
46Opaete orerovaicho reta jei mbae orekotɨ;
47roiko kɨɨye, yemomburu, susere jare yemboai rupi.
¡Kuaekuae reta rupi roiko!
48Ɨ rami oyepɨyere cheresaɨ,
cherëta guasu pegua oiporara yae jeko pegua.#Jer 9.1; Lm 2.11.
49Cheresaɨ mbaetɨ opɨta,
echa mbaetɨ chembopɨakatu vae.
50YandeYa omae ara güi regua.
51Ayaeo cherëta guasu pegua reta re vae chembopɨatɨtɨ yae.
52Cherekombae reve cherovaicho reta chepɨɨ güɨra rami;
53aikove reveño chereitɨ reta ɨrɨru pe,
jare ita oñono reta jókuae ɨrɨru jöke re.
54Opaetei ɨ cheasoi,
jare jae cheyeupe: “Jae ma ko amano.”#Jon 2.3-6.
55CheYa Tumpa, che roenɨi,
ɨrɨru jugua güi.#Sal 130.1-2.
56Nde reendu cheñee;
¡reyeapɨsaka ayerure ndeve vae re!
57Che roenɨi yave reyu chekotɨ,
jare rere cheve: “Agüɨye ekɨɨye.”
58CheYa, nde chereroasayepe tovaicho güi,
nde reepɨ cherekove.
59CheYa, nde chereecha jupimbae reve aiporara vae,
¡nde chereepɨ chugüi!
60Nde reecha opaete oyepɨ reta vae,
jare opaete oyemongeta ikavimbae chekotɨ vae.
61CheYa Tumpa, eendu ñee ikavimbae jei reta vae,
jare opaete chemomburu reta yogüɨreko vae;
62cherovaicho reta iñeenguru chekotɨ vae,
jare ara ñavo chemomburu reta vae.
63¡Opaete mbaembae oyapo ñogüɨnoi yave,
chekotɨño mbae jei reta!
64CheYa Tumpa, eiporarauka chupe reta, jeko oï rupi.
65Embopɨatäta reta,
jare ndeyepopeyu toa jese reta.
66CheYa Tumpa, eiporarauka chupe reta ndearasɨ yae reve,
opa emokañɨtei reta kuae ɨvɨ güi.
Currently Selected:
LAMENTACIONES 3: GUABD
Highlight
Copy
Compare
Share
Want to have your highlights saved across all your devices? Sign up or sign in
Biblia DC Guaraní Bolivia © Bolivian Bible Society, 2001.
