JONÁS 2
2
Jonás iyerure
1Jayave Jonás oyerure yandeYa Tumpa pe jevae ɨ rupigua jɨe güi, 2jei körai:
“CheYa, roenɨi chepɨatɨtɨa güi, jare nde chereendu;#2 S 22.7; Sal 18.6; 120.1.
omanogüe reta ñogüɨnoia güi asapúkai jare reendu cheñee.#Sal 130.1; Lm 3.55.
3Chemombo ɨguasu iyɨvɨte pe; jare cheöva ɨ,
ɨ omembe vae opaetei cheasoi.#Sal 42.7; 88.3-7.
4Jayave jae: Chemombo ma nderesa róvai güi;#Sal 31.22.
ërei aecha vɨterita nerëta ikɨambae.
5Ɨ opaetei cheasoiasɨ,
ɨvɨsoro guasu cheöva;
yaguapei oñemama cheäka re.
6Aja ɨvɨtɨ reta iguapɨa pe;#Sal 69.2.
¡ɨvɨ oyokenda jöke cheárambo jekuae avei pegua!
Ërei nde cheYa Tumpa cherenoe tɨvɨa güi.#Sal 30.3.
7Cherekove ipɨtu yae ma yave,
chemaendúa nderé, cheYa,
jare cheyerure ojo oväe ndeve,
ndero ikɨambaea pe.
8Ikavimbae omomoe vae reta
ndeporoparareko güi ko osɨrɨ reta.
9Ërei che cheñee pe romboete reve, tamee ndeve mɨmba oyeyukagüe;
tambopo arökuavee ndeve vae.#Sal 22.25.
¡Yereroasayepe yandeYa imbae ko!”
10Jare yandeYa omondo jevae ɨ rupigua ɨ jembeɨ kotɨ jare joko pe ogüëe, jare omoë Jonás ɨ jembeɨ pe.
Currently Selected:
JONÁS 2: GUABD
Highlight
Copy
Compare
Share
Want to have your highlights saved across all your devices? Sign up or sign in
Biblia DC Guaraní Bolivia © Bolivian Bible Society, 2001.
