JOEL 2
2
1Pemoñee mimbɨguasu ɨvɨtɨ Sión pe;
pemoñee yemombarandu cheɨvɨtɨ oñeñono tee vae re,
perɨrɨi opaete, pe kuae ɨvɨ ipo reta,
echa yandeYa iporojäa iara köi ma oï.
2Pɨtumimbi yaeta jókuae ara,
oyeasoita jare jüu yaeta jókuae ara.
Köe jembipe oyekuaa ou ɨvɨtɨ re vae rami,
jökoraita ou metei tëta tuichagüe jare imbaepuere yae vae,
jókuae nunga mbaetɨi oyekuaa jare ngaraa ye ma oime kuri.
3Tata opaetei oapɨ mbae vae rami ko;
opaeteita mbae omboai oeya.
Oasa yave, ɨvɨ ikavi vae
opaeteita ko omboai oeya ɨvɨ ipombae rami;
¡ngaraa vi oime kia ojoyepe chugüi vae!
4Jókuae tuku kavayuecha,
osɨi reta sundaro reta kavayu reguaecha.
5Käretou ñeraro pegua opärara vae rami osɨi reta ɨvɨtɨ guasu iyapɨte rupi,
ɨvɨra joogüe opiriri ókai tata pe rami,
sundaro jeta yae vae oyupavo kavi oñeraro#Ap 9.7-9. vaerä vae rami.
6Yogüeru reta yave,
orɨrɨi chugüi reta opaete vae,
opaete vae jovaiyuta okɨɨye güi.
7Ñeraro pegua kuimbae reta jëia yae reve osɨi retata,
oyeupi retata tëta guasu ikësea re,
jape jape ae omomoe retata,
mbaetɨ opia jape güi vae.
8Mbaetɨ metei ave oa oyoe,
jape jape ae omomoe reta,
uvɨ reta ipäu rupi oasa reta omboaimbae reve iñesɨro.
9Oike reta tëta guasu pe,
osɨi reta tëta guasu ikësea rupi,
oyeupi reta o re, oike reta ventana rupi imonda vae reta rami.
10Kuae oporepeña vae reta güi orɨrɨi tëta ipo reta,
ara okana, kuaraɨ jare yasɨ ogüe,
yasɨtata reta jäve#Am 8.9; Ap 8.12. jendɨ.
11YandeYa oenduka iñee isundaro reta jenonde;
jeta yae ko isundaro reta,
jëia yae ko oyeokuai chupe vae reta;
¡tuicha jare yavaete yae ko yandeYa iporojäa iara!
¿Kia pa ipuereta güɨropɨa?#Ap 6.17.
YandeYa iporoparareko
12YandeYa jei:
“Jáeramo añave peyerova ye chekotɨ opaete pepɨa ndive,
¡peyekuaku tembíu güi, peräse jare peyaeo!”#Dt 4.29; Jer 29.13.
13Peyembopɨatɨtɨ, agüɨye pemondoroiño peremimonde; peyerova ye yandeYa Tumpa kotɨ;
echa iporoparareko yae vae ko jae jare iyeaeä vae ko,
mbaetɨ iyarasɨ raivi vae ko,
tuicha yae mboroparareko#Ex 34.6; Neh 9.17; Sal 86.15. pe, ñenupa oeyaño vae ko.
14Mbaetɨ yaikuaa oipoepɨta ra iyemongeta agüɨye vaerä oiporarauka peve,
jare ombou mborerekua peve,
oime vaerä temitɨ jäɨgüe jare mbota vino oyepɨyere vae,
yandeYa Tumpa pe mbota oñemee vaerä.
15¡Pemoñee mimbɨguasu Sión pe!
Pemoërakua yemboatɨ jare yekuaku tembíu güi vae;
16pemboatɨ tëta pegua reta, peñono tee kuae yemboatɨ,
pemboatɨ ndechi reta, michia reta,
jare michia okambu vɨteri vae reta,
¡omenda ramo vae reta topüa jupa güi!
17Tupao joka pe toyaeo sacerdote yandeYa jembiokuai reta,
jare tei reta:
“Neïro oreYa, kuae tëta ndembae pe,
agüɨye emee ñemomarai pe ndembae vae reta; agüɨye ïru tëtaguasu reta toyuvanga jese.
¿Remaeñota pa ïru tëtaguasu reta jei vaerä:
‘Jama pa neTumpa’?”#Sal 79.10.
18Jayave yandeYa oipararekota imbae vae reta jare iñïrota chupe reta, 19jare jeita:
“Ambouta peve tembíu, vino jare olivo iasaite,
jare perïvɨatata jese;
jare ngaraa ye ma amaeño ïru tëtaguasu reta oyuvanga peré.
20Tuku reta ɨvɨtuguasu kotɨ güi yogüeru vae,
opata amondo ñuu kotɨ;
jenonde yogüɨraja vae reta opata aitɨ Iguasu Jembochɨ vae pe,
jare taɨkue yogüɨreko vae reta íguasu Mediterráneo jee vae pe;
jare jetegüe opata juumbi jare iineta.
¡Echa ayapota mɨakañɨ tuichagüe!”
21lvɨ agüɨye ekɨɨye; eyerovia yae,
echa yandeYa oyapota mɨakañɨ tuichagüe.
22Jevae ñana rupigua reta, agüɨye pekɨɨye;
echa kapii reta ñuu rupigua jokɨ yeta,
jare ɨvɨra reta ia yeta,
ɨva jare uva reta ia yeta ko.
23¡Sión pegua reta,
pe reta vi peyerovia katu jare
pevɨakatu yandeYa Tumpa re!
Echa ombou peve iara pe kavi tenondegua ama;
jare ombou ñotai peve tenondegua ama jare taɨkuegua ete,
tenonde rupi rami.
24Trigo jɨru reta tɨnɨeta, jare uva iñetɨamía reta tɨnɨeasɨta vino pe jare olivo iasaite pe.
25Amboekoviata peve jókuae año reta rupi,
taso jare tuku reta opa jou pegüi vae,
jókuae chesundaro jetagüe ambou pekotɨ vae.
26Pekaruta perïvɨata regua,
pemboeteta peYa Tumpa jee,
jeta mɨakañɨ reta oyapo pe ndive vae;
jare ngaraa ye ma chembae vae reta oñemomaraiuka,
27jökorai peikuaata oime ko tëta Israel ipɨte pe che aï vae,
jare che ko, jae peYa Tumpa jare mbaetɨ ye#Is 42.8; 45.5-6,18; Ez 36.11. ko ïru;
¡jare chembae vae reta ngaraa ye ma oñemomaraiuka!
Tumpa iEspíritu ou
28“Kuae jaɨkue rupi
ambouta cheEspíritu opaete vae reta re;#Hch 2.17-21.
jare peraɨ reta jare perayɨ reta oñemoñeeta cheregua;
jare ndechi reta opaɨuta
jare taɨrusu reta oechata Tumpa oechauka vae.
29Jaeramiño vi tembiokuai kuimbae reta
jare tembiokuai kuña reta re ambouta kuri cheEspíritu jókuae ara rupi;
30jare ayapota mɨakañɨ tuichagüe ara re,
jare ɨvɨ re tugüɨ, tata jare tätatina pɨtumimbi vae oimeta.
31Kuaraɨ pɨtumimbita jare yasɨ pïtata tugüɨ rami,#Mt 24.29; Mc 13.24-25; Lc 21.25; Ap 6.12-13.
ndei ou cheporojäa iara mbove, tuicha jare yavaete yae vae.”
32Jare kia nunga ñavo oyerure yave cheve, oyereroasayepeukata;#Ro 10.13.
echa ɨvɨtɨ Sión jae ko Jerusalén,
joko pe oimeta yereroasayepe, che jae rami.
Jare aiparavogüe jembɨregüe güi oyereroasayepeta aenɨi vae.
Currently Selected:
JOEL 2: GUABD
Highlight
Copy
Compare
Share
Want to have your highlights saved across all your devices? Sign up or sign in
Biblia DC Guaraní Bolivia © Bolivian Bible Society, 2001.
