SAN JUAN 7
7
Jesús tɨvɨ reta mbaetɨ güɨrovia jese
1Kuae jaɨkue rupi Jesús ojo ɨvɨ Galilea pe. Mbaetɨ ojo Judea pe. Echa judío reta oipota oyuka. 2Jare oyearo ma judío reta iarete, o ñairaka pegua#Lv 23.34; Dt 16.13. arete. 3Jayave Jesús tɨvɨ reta jei chupe:
—Ekua kuae güi Judea pe, nderupiegua reta oecha vaerä mbaravɨkɨ reyapo vae. 4Echa kia oipota oyekuaauka ïru vae reta pe vae yave, mbaetɨ oyapo vɨari iparavɨkɨ. Kuae reyapo vae, eyapo opaete vae reta jovake.
5Echa tɨvɨ reta ave vi mbaetɨ güɨrovia jese. 6Jayave Jesús jei chupe reta:
—Ndei vɨteri ko jókuae ara oväe cheve, ërei peve reta ko ara jaekavi avei. 7Ɨvɨ pegua reta mbaetɨ mbae re pemotareɨ vaerä, ërei che chemotareɨ reta. Echa che amombeu chupe reta ikavimbae vae ko jae reta oyapo vae. 8Pekua pe reta aretea pe. Che ndei räri aja vaerä jókuae arete pe. Echa ndei vɨteri ko oväe cheara aja vaerä joko pe.
9Jökorai jei Jesús chupe reta, jare opɨta Galilea pe.
Jesús ojo arete o ñairaka pegua pe
10Ërei tɨvɨ reta opa yogüɨraja güire aretea pe, Jesús ojo vi jókuae aretea pe. Ojo vɨariño, oechambae reve ïru vae reta. 11Jare judío reta itenondegua reta oeka tëi Jesús aretea pe, jei reve:
—¿Jama pa jókuae kuimbae?
12Jare joko pe ñogüɨnoi vae reta oyoaka oyoupii Jesús re. Amogüe vae reta jei: “Kuimbae jeko kavi vae ko jae.” Ërei ïru vae reta jei: “Mbaetɨ ko. Oporombotavɨ vae ko.”
13Ërei itenondegua reta güi oipoɨu jeko pegua mbaetɨ metei ave imiari jese oipoɨumbae reve opaete vae reta jóvai.
14Jare arete mbɨte ma oyeapo yave, Jesús ojo tupao pe jare omboɨpɨ oporomboe. 15Jare judío reta ipɨakañɨ, jare jei reta:
—¿Kërai pa kuae kuimbae oikuaa jeta mbaembae oyemboembae reve?
16Jayave Jesús jei chupe reta:
—Cheporomboe chembaeä ko. Chembou vae iporomboe ko. 17Oipotagüe ikɨ̈reɨ oyapo Tumpa jemimbota vae, oikuaata cheporomboe Tumpa iporomboe ra ko, ani cheyeugüi aeño ra chemiari vae. 18Iyeugüi aeño imiari vae oeka oyemboeteuka vaeräño, ërei oeka omboeteuka vaerä imboúa vae, jae oporomboe añete vae re. Mbaetɨ oñeväe jese jupimbae.
19¿Moisés omeeä pa ko peve mborookuai? Ërei metei ave pe reta peyapoä mborookuai jei vae. ¿Maera pa peipota cheyuka?
20Jayave jeta vae reta jei:
—¡Aña oya ma nderé! ¿Kia pa oipota ndeyuka?
21Jare Jesús jei chupe reta:
—Ayapo metei mbae ara mbutuu pe, jare opaete pe reta pepɨakañɨ jese. 22Moisés peokuai peyembocircuncida vaerä.#Lv 12.3. Ërei mbaetɨ ko Moisés omboɨpɨ, peñemuñagüe reta güi ko ou.#Gn 17.10. Jare pe reta peporombocircuncida ara mbutuu pe ave. 23Peporombocircuncida ara mbutuu pe mborookuai Moisés omombeu peve vae mbatɨ peipota peyavɨ ramo.#Jn 5.9. ¿Maera pa pearasɨ chekotɨ ambogüera metei kuimbae jete ara mbutuu pe vae re? 24Agüɨye peporojäa peecha vae rupiño. Peporojäa kavi jupi rupi.
¿Jae ra kuae Cristo?
25Jayave amogüe Jerusalén pegua reta jei:
—¿Jaeä ra kuae oeka reta oyuka vaerä vae? 26Ërei mase, ko oï kuae pe, imiari oï opaete vae jóvai. Ërei mbaetɨ kia mbae jei chupe. ¿Oikuaa ma ra yanderuvicha reta jae ko Cristo vae? 27Yande yaikuaa ketɨ güi ou kuae kuimbae vae. Ërei Cristo ou yave, ngaraa kia oikuaa ketɨ güi ko ou vae.
28Jáeramo Jesús oporomboe tupao pe oï yave, iñeeäta reve jei:
—Pe reta chekuaa ko, jare peikuaa ko ketɨ güi ayu vae. Ërei mbaetɨ ko ayu cheyeugüi aeño. Echa chembou vae añetete vae ko, pe reta mbaetɨ peikuaa vae. 29Ërei che aikuaa. Echa chugüi ko ayu. Jae ko chembou.
30Jayave judío reta oipota tëi oipɨɨ. Ërei mbaetɨ kia ave oipɨɨ. Echa ndei iora oyepɨɨ vaerä. 31Jare joko pe ñogüɨnoi vae güi jeta güɨrovia jese vae, echa jei reta:
—Cristo ou yave, ¿oyapota ra jeta yae ete mɨakañɨ kuae kuimbae oyapo vae güi?
Fariseo reta ombou jembiokuai reta oipɨɨ vaerä Jesús
32Jare fariseo reta oendu jeta vae reta imiari ñogüɨnoi Jesús re. Jayave sacerdote reta itenondegua reta jare fariseo reta ombou jembiokuai reta oipɨɨ vaerä Jesús. 33Jayave Jesús jei:
—Aïta pe reta ndive michi peguaño ma. Jare ajata chembou vae pɨri. 34Chereekata ko, ërei ngaraa cheväe. Ngaraa pepuere peo che aïtaa pe.
35Jayave judío reta jei oyoupe:
—¿Ketɨ ra ojota kuae kuimbae mbaetɨ vaerä ñaväe chupe? ¿Ojota ra judío reta tëta ambuae rupi ñogüɨnoia pe? ¿Ojota ra omboe judiombae vae reta? 36¿Mbae ra oipota jei, jei yave: “Chereekata ko, ërei ngaraa cheväe. Ngaraa pepuere peo che aïtaa pe”?
Ɨ tekove pegua
37Jókuae ara ma arete opata#Lv 23.36; Nm 29.35. yave, arete tuichagüe jare ikavi yae vae pe, Jesús oyemboɨ jare iñeeäta reve jei:
—Oime yave kia iɨuve vae, tou chekotɨ jare toɨu.#Jn 4.10-14. 38Cheré güɨrovia vae güi osɨrɨta#Ez 47.1; Zac 14.8. jeta ɨ tekove pegua. Jökorai Tumpa Iñee pe oyekuatía oï.
39Jökorai imiari Jesús Espíritu omeeta güɨrovia jese vae reta pe vae re. Echa ndei ou Espíritu Santo, ndei Jesús oyemboeteuka#7.39 Kuae oipota jei imano re, oikove ye vae re jare ara pe ojo ye vae re (emae vi 12.16,23 pe). ramo.
Jeta vae reta oyoaka oyoupii
40Kuae oendu amogüe joko pe ñogüɨnoi vae yave jei:
—Añetete, kuae kuimbae jae ko jókuae ñeemombeúa.
41Ïru vae reta jei:
—Kuae kuimbae jae ko Cristo.
Ërei amogüe vae jei:
—¿Galilea güi ra oëta Cristo? 42Echa Tumpa Iñee pe jei David iñemuña#2 S 7.12-13; Sal 89.3-4; 132.11-12. güi jare tëta Belén#Miq 5.2. David jëta güi ko oëta Cristo.
43Jókuae jeko pegua, joko pe ñogüɨnoi vae reta oyoaka oyoupii. 44Jare amogüe reta oipota tëi oipɨɨ Jesús, ërei mbaetɨ kia ave oipɨɨ.
Mbaetɨi kia imiari jökorai
45Jayave sacerdote reta itenondegua reta jare fariseo reta jembiokuai reta yogüeru ye jökoraiño chupe reta. Jayave oparandu reta:
—¿Maera pa perúä?
46Jembiokuai reta jei:
—¡Echa mbaetɨi kia imiari jókuae kuimbae imiari rami!
47Jayave fariseo reta jei:
—¿Peyembotavɨuka ma pa pe reta vi? 48¿Güɨrovia ma ra jese kia nunga vae mburuvicha reta ani amogüe fariseo reta? 49Kuae jeta vae reta oikuaaä mborookuai pe oyekuatía oï vae. Tumpa iyepopeyu toa jese reta.
50Jayave iñeïru Nicodemo jei chupe reta, jae ko metei pɨ̈tu ojo Jesús pɨri vae: #Jn 3.1-2.
51—Mborookuai ñanoi vae, ¿ipuere yera kia ojäa ndei yayeapɨsaka jese mbove?, jare ¿ndei yaikuaa kavi mbove mbae ra oyapo vae?
52Ïru reta jei chupe:
—¿Nde jae vi pa Galileaɨgua? Emongeta kavi Tembikuatía, jare eecha mbaetɨi ko metei ave ñeemombeúa oë Galilea güi vae.
Kuña menda re oyuvanga vae
53Jayave metei ñavo opa yogüɨraja jëta jëta rupi.
Currently Selected:
SAN JUAN 7: GUABD
Highlight
Share
Copy
Want to have your highlights saved across all your devices? Sign up or sign in
Biblia DC Guaraní Bolivia © Bolivian Bible Society, 2001.