OSEAS 4
4
YandeYa oyoaka Israel iñemuña reta ndive
1Israel iñemuña reta, peyeapɨsaka yandeYa iñee re,
echa jae oyoaka kuae#Miq 6.2. ɨvɨ pe yogüɨreko vae ndive,
echa kuae ɨvɨ pe mbaetɨ ma añete vae,
oyoparareko vae, ani Tumpa oikuaa vae.
2Jei raangaiño mbae oyapo vaerä,
apu, yoyuka, maeñomi, aguasa;
kuaekuae reta jeta jare oyoyuka vae oyoaɨkue yoaɨkueño.
3Jáeramo ɨvɨ ipɨatɨtɨ;
mbaetɨta mɨ̈rata güɨnoi joko pe yogüɨreko vae,
mɨmba pochɨ vae ñana rupigua, güɨra reta,
jare jevae reta ɨ rupigua ave omano ñogüɨnoi.
YandeYa omboeko sacerdote reta
4YandeYa jei:
“¡Agüɨye kia tomboeko ani tomboeta ïru vae pe!,
echa sacerdote reta kotɨño ayovaicho.
5Jáeramo ara pe ani pɨ̈tu yave peata
ñeemombeúa oata vi pe ndive,
jare ndesɨ amokañɨteita.
6Chembae vae reta opa okañɨtei,
mbaetɨ ramo oipota chekuaa.
Nde sacerdote reröɨro yemboarakuaa amee ndeve vae jeko pegua,
che rogüɨnoeta sacerdote pegua mbaravɨkɨ güi.
Neakañɨ neTumpa iporookuai güi jeko pegua,
che cheakañɨta vi neñemuña reta güi.
7Jeta yae peñemuña, jökorai vi jeta peyoa,
jáeramo che aipoepɨta peyemboetea ñemomarai pe.
8Chembae vae reta mbaeyoa oyapo vae re peiko;
jáeramo peipota yae oyapo reta mbaeyoa.
9Opaete vae reta, sacerdote reta ramiño vi,
aiporaraukata chupe reta jeko re.
10Okaru retata, ërei mbaetɨta jɨ̈vɨata reta;
yogüɨreko retata aguasa rupi,
ërei mbaetɨta iñemuña,
echa mbaetɨ ma oyeokuai reta cheve.
Israel pegua reta itumpa-raanga pota
11Aguasa pota, jare vino jasɨ vae jare vino ipɨau vae oporombopɨajopa.
12Chembae vae reta oparandu
itumpa-raanga reta ɨvɨra pegua pe;
jare jókuae ɨvɨra omboyevɨ suerte rupi.
Echa ipɨa jese reteiño vae oyavɨuka chupe reta;
jare oeya reta iTumpa oyapo vaerä ikavimbae.
13Ɨvɨtɨ reta iyapɨte re
jare ɨvɨra reta encina, álamo jare olmo jee vae iküaraɨa igüɨ rupi;
jokoropi omee reta mɨmba oyeyukagüe jare oapɨ reta ikäti kavi vae incienso.
Jáeramo tayɨ reta iyaguasa pota jare taɨtatɨ reta oyuvanga menda re.
14Ngaraa aiporarauka tayɨ reta pe iyaguasa pota jeko pegua
ani taɨtatɨ reta pe, menda re oyuvanga jeko pegua,
echa jae reta etei ko yogüɨraja
kuña iyaguasa pota vae ndive
jare kuña jeko kavimbae ndive;
oyogüɨroyapakua vae rupi omee reta mbaemboete.
¡Jáeramo oñemokañɨtei tëta mbaetɨ arakuaa güɨnoi vae!#Jer 2.23-27; 3.1-2; Os 2.5.
15Pe Israel pegua reta, peyoa ko yave,
pe Judá pegua reta, agüɨye peyoa.
¡Agüɨye pekua Gilgal pe ani Bet-avén pe,
agüɨye peñererökuavee mbae peyapo vaerä yandeYa jee re!#Am 4.4; 5.5.
16Echa Israel pegua reta oyembopɨapochɨ
metei guaka taɨrusu vae imasombae rami;
¿oyangarekota ra yandeYa jese metei vecha re rami jembíu katúa pe?
17¡Efraín#4.17 Emae Glosario pe (oime vi 5.3,5; 11.8 pe). pegua reta itumpa-raanga pota yae! ¡Peeya!
18¡Mbaetɨ ipɨ̈rata osavaɨpo vae reta rami!
Jekuaekuae oyapo reta mbaeyoa
juvicha reta oaɨu teko pɨ̈chɨiño.
19¡Ɨvɨtu güɨroveve vae rami opata okañɨtei reta,
jare oñemomaraiukata
itumpa-raanga pota rupi!
Currently Selected:
OSEAS 4: GUABD
Highlight
Copy
Compare
Share
Want to have your highlights saved across all your devices? Sign up or sign in
Biblia DC Guaraní Bolivia © Bolivian Bible Society, 2001.
