OSEAS 14
14
Oseas omoñera Israel oyerova ye vaerä yandeYa kotɨ
1¡Israel, eyerova ye ndeYa Tumpa kotɨ,
echa ndeyoa jeko pegua regüɨapi ma!
2Peyu peYa kotɨ jare pere pemoñera reve:
“Neɨ̈ro oreve opaete oreyoa re,
ndepɨakatu oreve, mbaemboete romee ndeve vae re.#Is 55.6-7.
3Asiria pegua reta ngaraa ipuere orereroasayepe,
ngaraa vi orepuere rotekuarai kavayu re.
Ngaraa ye ma roe ‘oretumpa’,
mbae iä royapo orepo pe vae pe,
oreYa, ndeño reiparareko tɨ̈reɨ.”
YandeYa güɨrökuavee tekove ipɨau vae Israel pe
4YandeYa jei:
“Aipoano retata ipɨapochɨ güi;
aaɨu retata, yepe tëi mbaetɨ jupi yogüɨreko,
echa osɨrɨ ma chugüi reta chearasɨ.#Jer 30.15-17.
5Aïta Israel pe ɨsápɨi rami,
jae reta ipotɨta tüpa-ɨpɨ rami.
Japo reta mombɨrɨ ojota ɨvɨtɨ Líbano rami;
6jäka reta oñemoaita ipörata ɨvɨra olivo jäka rami,
jare ipiche kavita ɨvɨtɨ Líbano rami.
7Israel yogüɨreko yeta cheporoangareko rupi;
jayave okuakuaata trigo rami,
ipotɨ retata uva ipotɨ rami,
ipiche kavita ɨvɨtɨ Líbano pegua vino rami.
8Efraín jeita: ‘Ngaraa ye ma aeka tumpa-raanga reta.’
¡Che ayeapɨsakata jare ayangarekota chembae vae reta re!
Che ko jae metei ɨvɨra jokɨ katu avei vae rami,
cheré toväe chembae vae reta mbae ikavi vae.”
Tembikuatía iyapɨ
9Yarakuaa katu vae jare oyeandu katu vae reta toikuaa kuae ñee:
YandeYa jemimbota sɨmbi ko,
jupi vae reta oguatata jokoropi,
ërei ipɨapochɨ vae reta, oyepɨakata jokoropi.#Sal 1.6; Pr 4.7-12,18-19.
Currently Selected:
OSEAS 14: GUABD
Highlight
Copy
Compare
Share
Want to have your highlights saved across all your devices? Sign up or sign in
Biblia DC Guaraní Bolivia © Bolivian Bible Society, 2001.
