OSEAS 11
11
Tumpa oaɨu jëta ipɨarai reve
1Tëta Israel michi vɨteri yave, che aɨu;
jare Egipto güi aru ye cheraɨ.#Ex 4.22; Mt 2.15.
2Ërei jeiete aenɨi yave,
jeiete osɨrɨ reta chegüi.
Baal reta pe omee mɨmba oyeyukagüe,
tumpa-raanga reta pe oapɨ reta ikäti kavi incienso.
3Jeseve che aipoko amboe oguata Efraín;
ërei mbaetɨ oikuaa che ko ayangareko jese vae.
4Kuimbae reta jɨmasa pe rami
aroya cheyé, mboroaɨu rupi;
kia nunga vae oekɨ güeye reta iyatua güi yuvo rami ko che,
jare añono chupe reta tembíu.
5Ngaraa ma yogüɨraja ye ɨvɨ Egipto kotɨ.
Asiria pegua etei ko oikota juvicha guasurä,
echa mbaetɨ oyerova ye chekotɨ.
6Outa ñeraro jëta guasu reta re,
opata omboai tëta raɨ reta,
oyemongeta reta ikavimbae oyapo vaerä jeko pegua.
7Chembae vae reta jekuaeño oyembopɨapochɨ chekotɨ.
Yepe tëi chereenɨi reta Tuichagüe yae ete vae pe;
ërei mbaetɨ etei metei ave chembotuicha.
8¿Maera pa roeyata, Efraín?
¿Maera pa romeeta tovaicho pe, Israel?
¿Maera pa ayapota ndeve tëta Adma rami,
ani ramo Zeboim rami?#Dt 29.23.
¡Chepɨatɨtɨ ko nderé, roaɨu yae ko!
9Ngaraa ayapo chearasɨ jeia rupi:
Ngaraa ave amboai Efraín,
echa Tumpa ko che,
kuimbaeä ko che.
Pepɨte pe Ikɨambae ko che,
ngaraa aike amboai tëta guasu.”
10Jae reta oguatata yandeYa jaɨkue,
jare jae oñeeta yaguapope rami.
Oñeeta, jare imbae vae reta yogüeruta orɨrɨi reve kuaraɨ oikea kotɨ güi.
11“Güɨra reta iñäkua oveve rami yogüeruta Egipto kotɨ güi;
yogüeruta Asiria güi, pɨkasu rami;
jare ameeta yogüɨreko pɨau ye jo ae rupi.
Che ndeYa ko jae kuae.
Tumpa imbae vae reta jeko kavimbae
12Efraín pegua reta jeta iyapu cheve;
Israel pegua reta jeta chembotavɨ.
Judá pegua reta mbaetɨ oyembosɨrɨ chegüi,
ërei añave omboete reta tumpa-raanga.
Currently Selected:
OSEAS 11: GUABD
Highlight
Copy
Compare
Share
Want to have your highlights saved across all your devices? Sign up or sign in
Biblia DC Guaraní Bolivia © Bolivian Bible Society, 2001.
