HEBREOS 8
8
Jesús jare morogüɨrökuavee ipɨau vae
1Jáeramo, che jae ma peve vae, jae ko oime ñanoi sacerdote tenondegua ete oguapɨ#Sal 110.1. ma oï Tumpa iyakatu kotɨ ara pe vae, 2jae ko o mbaemboetea añetete pegua vae pe tenondegua oparavɨkɨ vae, yandeYa omopüa vae, mbaetɨ kuimbae reta jembiapo.
3Opaete sacerdote tenondegua ete reta ñogüɨnoi ko omee vaerä mbota reta jare mɨmba oyeyukagüe reta. Jáeramo jupi ko kuae sacerdote tenondegua ete vae omee vaerä mbae, 4ɨvɨ peño oiko yave mona, ngaraa etei ko oiko sacerdoterä, oime vɨteri ramboeve ïru sacerdote reta omee vaerä mbota reta mborookuai jei rami. 5Ërei mbaravɨkɨ jae reta oyapo vae ko oyembojaanga ara pegua re. Echa ndei Moisés oyapouka Tumpa jo guakapi pegua mbove, Tumpa oechauka chupe kërai oyapouka vaerä. Jei chupe körai: “Emae kavi, reyapo vaerä ɨvɨtɨ re#Ex 25.40. aechauka ndeve rami kavi.” 6Ërei mbaravɨkɨ Tumpa omee Jesús pe vae ikavi yae mbaravɨkɨ jókuae ïru sacerdote reta oyapo vae güi. Echa jae ko morogüɨrökuavee ikavigüe rupi ñanemoñoövaiti Tumpa ndive vae.
7Echa jókuae tenondegua morogüɨrökuavee päve oporombojupi yave mona, mbaetɨta tëi ko añave oime vae. 8Echa omboeta reve jei chupe:
“Mase, oväeta ara ayapo vaerä morogüɨrökuavee päve ipɨau vae Israel pegua reta jare Judá pegua reta ndive.
9Mbaetɨta peñemuñagüe reta ndive
morogüɨrökuavee päve ayapo rami,
jókuae ara aipoko anoe ɨvɨ Egipto güi rami;
echa yogüɨreko cheporogüɨrökuavee päve pe,
jáeramo che aeya reta;
che peYa ko jae kuae.
10Jáeramo, kuae ko jae
morogüɨrökuavee päve ayapota tëta Israel ndive jókuae ara kuri vae:
Añonota cheporookuai reta
ipɨa pe,
aikuatiata ipɨa re;
aikota jae reta iTumparä jare
jae reta yogüɨrekota chembaerä.
11Jare ngaraa ye ma metei ave omboe japicha vae,
ani ramo jëtara vae, jei reve: ‘Eikuaa yandeYa’;
echa opaete vae chekuaata,
mbaeä etei vae reta güive opaete tuichagüe reta;
12echa aipararekota jupimbae iyapoa,
jare ngaraa ye chemaendúa iyoa reta re.”#Jer 31.31-34.
13Tumpa jei yave “morogüɨrökuavee päve ipɨau vae”, oipota jei tenondegua vae indechi ma ko. Jare mbae indechi vae okañɨ vaerä ma ko oï.
Currently Selected:
HEBREOS 8: GUABD
Highlight
Copy
Compare
Share
Want to have your highlights saved across all your devices? Sign up or sign in
Biblia DC Guaraní Bolivia © Bolivian Bible Society, 2001.
