EZEQUIEL 25
25
Amón maratuta vae regua
1YandeYa jei cheve: 2“Nde kuimbae, eyerova Amón iñemuña#Jer 49.1-6; Ez 21.28-32; Am 1.13-15; Sof 2.8-11. reta kotɨ, jare emoërakua ikotɨ reta maratuta vae, 3ere chupe reta oyeapɨsaka vaerä ñee amondo chupe reta vae re: ‘Pe reta pesapúkai púkai peyerovia güi, peecha yave chetupao oyemboeteä opa oyemboai, jare ɨvɨ Israel oyemboai, jare Judá pegua reta oyererajauka tembipɨɨrä ïru ɨvɨ pe. 4Jáeramo, che pomeeta tëta kuaraɨ oëa kotɨgua reta ipo pe, jae reta oyemombaeta peɨvɨ re, oyembojeyupata joko pe, oñemoëtata pɨpe. Jou retata peremitɨ iagüe jare perɨmba reta ineche. 5Tëta guasu Rabá oikota jɨmba camello reta jekuarä, jare Amón iñemuña reta iɨvɨ vecha reta ikarúa renda. Jayave pe reta chekuaata che ko jae peYa vae.’
6Echa, che ndeYa Tumpa jae körai: ‘Pe Amón iñemuña reta peyepopete jare pechäguariko peyerovia güi, jare pemotareɨ Israel iɨvɨ. 7Jáeramo, aiporaraukata peve jare pomeeta ïru tëtaguasu reta pe, opɨ̈ro vaerä pegüi opaete pembaembae. Pomokañɨteita ïru tëta reta ipɨte güi, pomboaita ïru tëtaguasu reta güi, opaeteita pomokañɨtei. Jayave pe reta peikuaata che ko jae peYa vae.’ ”
Moab maratuta vae regua
8Che peYa Tumpa jae körai: “Moab#Is 15.1—16.14; 25.10-12; Jer 48; Am 2.1-3; Sof 2.8-11. jare Seir pegua reta jei Judá pegua reta oyovakeño ïru tëtaguasu reta ndive. 9Jáeramo amombuta jare aipeata tape Amón pegua reta iɨvɨ jembeɨ kotɨ, tëta guasu reta jembeɨ pegua rupi; opaeteita amboai tëta guasu jërakua yae vae reta Bet-jesimot, Baal-meón jare Quiriataim. 10Kuaraɨ oëa kotɨgua reta pe apɨ̈roukata peɨvɨ, jare Amón iñemuña reta güi vi, agüɨye vaerä kia nunga tëtaguasu pegua reta imaendúa ye Amón iñemuña reta re. 11Aiporaraukata Moab pegua reta pe. Jayave chekuaa retata che ko jae Tumpa vae.”
Edom maratuta vae regua
12Che ndeYa Tumpa jae körai: “Edom#Is 34.5-17; 63.1-6; Jer 49.7-22; Ez 35; Am 1.11-12; Abd 1-14; Mal 1.2-5. oyepɨ Judá re, jare kuae oyapo vae rupi oyemboeko tuicha. 13Jáeramo, che ndeYa Tumpa jae körai: Aiporaraukata vi Edom pe, amokañɨteita opaete vae reta jare mɨmba reta. Aeyata ipombae. Temán güive Dedán kotɨ, opata amokañɨtei reta ñeraro pe. 14Aiporaraukata Edom pe Israel tëta chembae vae rupi; jae reta oyapota Edom pegua reta pe chearasɨ oï ikotɨ reta rupi. Jökorai oikuaa retata che ko aiporarauka chupe reta vae. Che peYa Tumpa jae kuae.”
Filisteo reta maratuta vae regua
15Che ndeYa Tumpa jae körai: “Filisteo#Is 14.29-31; Jer 47.1-7; Jl 3.4-8; Am 1.6-8; Sof 2.4-7; Zac 9.5-7. reta oyepɨ Israel pegua reta re omotareɨ yae reve, jovaichorä ñomai güɨreko ramo. 16Jáeramo, che peYa jae körai: ‘Aiporaraukata filisteo reta pe, amokañɨteita cereteo reta jare jembɨregüe ɨguasu jembeɨ rupi ñogüɨnoi vae. 17Aiporarauka yaeta chupe reta chearasɨ yae reve. Kuae ayapo vae rupi chekuaa retata che ko jae Tumpa vae.’ ”
Currently Selected:
EZEQUIEL 25: GUABD
Highlight
Copy
Compare
Share
Want to have your highlights saved across all your devices? Sign up or sign in
Biblia DC Guaraní Bolivia © Bolivian Bible Society, 2001.
