EFESIOS 6

1Kunumi reta jare kuñatai reta toyapo tu jare ichɨ jei vae, yandeYa re güɨrovia ramo, echa kuae jupi ko.#Col 3.20. 2Emboete nderu jare ndesɨ, echa kuae ko jae mborookuai tenondegua morogüɨrökuavee ndive vae, 3reiko kavi vaerä, jare reikopuku vaerä ɨvɨ pe.#Ex 20.12; Dt 5.16.

4Jare pe tu reta agüɨye pemboarasɨuka pemichia reta,#Col 3.21. jaeño pembokuakuaa pemboe kavi reve yandeYa re.

5Tembiokuai reta, peyapo peya reta jei vae pemboete reve jare peipoɨu reve, jupi reve kavi, Cristo pe peyeokuai rami. 6Agüɨye peyeokuai kavi peya reta pe jae omae oï yaveño, jare pemboyerovia vaeräño. Peyeokuai chupe, Cristo pe peyeokuai rami, pepɨakatu reve peyapo Tumpa jemimbota. 7Peyeokuai pekɨ̈reɨ ngatu reve kavi, yandeYa pe rami, mbaetɨ kuimbae reta pe rami. 8Peikuaa kuae: Oyeokuai vae ani oyeokuaimbae vae oyapo mbae ikavi vae yave,#Col 3.22-25. yandeYa omeeta chupe mbae ikavi vae oyapo rupi.

9Jare pe mbaravɨkɨ iya reta peyapo jupi vae perembiokuai reta pe, agüɨye “ronupata” pere chupe reta. Echa peikuaa jae reta iYa#Col 4.1. jare peYa ara pe oï vae, mbaetɨ ko oporomboyoavɨ.#Dt 10.17; Col 3.25.

Tembiporu reta ñeraro pegua Tumpa omee vae

10Jare añave cherɨvɨ reta, peñemomɨ̈rata yandeYa re, imbaepuere yae rupi. 11Peyemonde tembiporu ñeraro pegua Tumpa omee vae pe,#Ro 13.12-14; 1 Ts 5.8. pepuere vaerä täta peï opaete mbae ikavimbae vae aña guasu oipota oyapo peve vae güi. 12Echa mbaetɨ ñañeraro ñaï ɨvɨ pegua reta ndive. Ñañeraro ko ñaï mburuvicha reta, imbaepuere vae reta, tenondegua ete mburuvicha pɨtumimbi pegua reta ndive, jeta vae ara rupigua reta ikavimbae pegua reta ndive. 13Jáeramo, peiporu opaete tembiporu ñeraro pegua Tumpa omee vae, pepuere vaerä peropɨa ikavimbae iara pe, jare pemoamɨri güire pepɨ̈rata vaerä pepɨta.

14Jáeramo peñemomɨ̈rata, peyeumbɨkua añetegüe#Is 11.5. pe, peyemonde mbaejupi pe,#Is 59.17. temimonde ñeraro pegua pe rami, 15jare pemonde pepɨapaa jae ko peïndaivi peraja vaerä ñee ikavi vae mbɨakatu pegua.#Is 52.7. 16Jare opaete kuaekuae güi, peipɨɨ yeopiaka jae ko mborogüɨrovia, agüɨye vaerä aña imii raɨ jendɨ vae oa peré.#Sal 7.13. 17Peñono peäka re äka-ɨru jiero pegua yemboasa pegua,#Is 59.17. jare peiporu Tumpa iñee, jae ko kɨsepuku Espíritu pegua.#Heb 4.12. 18Peyerure#Col 4.2-4. avei, pemoñera Tumpa Espíritu rupi. Peyerure avei agüɨye vaerä pekuérai. Jekuaeño peyerure Tumpa pe opaete oporogüɨrovia vae reta re; 19jare cheré vi, Tumpa omee vaerä cheve ñee, akɨɨyembae reve aikuaauka vaerä yaikuaa rapembae vae ñee ikavi regua. 20Echa Tumpa chembou jekovia pe amoërakua vaerä; kuae jeko pegua tembipɨɨ aï. Peyerure cheré, amoërakua vaerä akɨɨyembae reve.

Tamaraeme reta

21Tíquico#Hch 20.4; 2 Ti 4.12. omombeuta peve opaete mbaembae, peikuaa vaerä cheregua jare ayapo aï vae regua. Tíquico ko jae yanderɨvɨ aaɨu vae. Jae oyeokuai kavi yandeYa pe. 22Jáeramo amondo pépɨri, peikuaa vaerä oreregua, jare jae pembopɨakatu vaerä.#Col 4.7-8.

23Cherɨvɨ reta, yandeRu Tumpa jare yandeYa Jesucristo ipɨakatu, iporoaɨu jare mborogüɨrovia toï pe ndive. 24Tumpa ipɨakavi toï opaete yandeYa Jesucristo oaɨu yae añetete pegua vae reta ndive. ¡Amén!

Currently Selected:

EFESIOS 6: GUABD

Highlight

Copy

Compare