Daniel (dc) 9
9
Daniel oyerure jëta re
1Darío, Asuero taɨ, Media pegua, oiko mburuvicha guasurä Caldeaɨgua reta iporookuaía re. 2Tenondegua añoa re oiko mburuvicha guasurä yave, che, Daniel, ayemboe mbegüe pe kavi Jeremías jembikuatía re, kërai setenta año#Jer 25.11; 29.10. rupi Jerusalén oyemboai oiko, yandeYa jei iñeemombeúa Jeremías pe rami. 3Ayerure cheYa Tumpa pe yemborɨ re, ayekuaku reve tembíu güi, ayemonde temimonde mbɨatɨtɨ pegua pe jare aguapɨ tanimbu re chepɨatɨtɨ güi. 4Ayerure cheYa Tumpa pe, ayemombeu reve chupe körai: #Neh 1.5-11; 9.6-37.
‘CheYa, Tumpa tuicha yae vae, jupi ko oyepoɨu vaerä ndegüi, reñererökuavee vae rembopo avei; nde ndeporoparareko, nderaɨu vae reta re jare ndeporookuai oyapo vae reta re; 5oreyoa, royapo ikavimbae, royapo jupimbae; orepɨa pochɨ jare royembosɨrɨ ndeporookuai reta güi. 6Mbaetɨ roendu nderembiokuai ñeemombeúa reta, nderee re imiari oreruvicha guasu reta pe vae, oreruvicha reta pe jare oreñemuñagüe reta pe vae, jare opaete Israel pegua reta pe vae. 7Nde cheYa, jupi vae ko nde, ërei ore Judáɨgua reta royandu oremara; jökoraiño vi Jerusalén pe yogüɨreko vae jare opaete ïru Israel iñemuña reta, köiño jare mombɨrɨ remondo tëtaguasu reta rupi yogüɨreko vae, oyembopɨa pochɨ reta ndekotɨ jeko pegua vae. 8CheYa Tumpa, ore jare jökoraiño vi oreruvicha guasu reta, oreruvicha reta jare oreñemuñagüe reta royandu oremara, echa oreyoa ndekotɨ. 9OreYa Tumpa, ndegüi ko outa mboroparareko jare ñɨ̈ro. Yepe tëi ore orepɨa pochɨ ndekotɨ, 10jare mbaetɨ roendu neñee oreYa Tumpa, mbaetɨ vi royapo ndeporomboe nderembiokuai ñeemombeúa reta rupi remee oreve vae. 11Opaete Israel iñemuña reta mbaetɨ oyapo ndeporomboe jare mbaetɨ oipota reta oyapo ndeporookuai reta; jáeramo oa oreré ikavimbae jare yepopeyu reta nderembiokuai Moisés#Lv 26.14-39; Dt 28.15-68. iporookuai pe oyekuatía oï vae, echa oreyoa ndekotɨ. 12Nde, rembou ikavimbae yae vae oreré vae rupi, rembopo jókuae reñererökuavee rembou vaerä oreve vae jare oreruvicha reta re vae; echa mbaetɨi rembou mbaeporara ɨvɨ re, Jerusalén re rembou rami. 13Opaete kuae ikavimbae rembou oreré, Moisés iporookuai pe oyekuatía oï rami etei; ërei ore mbaetɨ roeka nde oreYa Tumpa, mbaetɨ roeya orereko ikavimbae, mbaetɨ vi roiko ndeporomboe añetete vae rupi. 14CheYa, jáeramo remokätɨro kuae ikavimbae jare rembou oreré; echa nde, oreYa Tumpa, jupi ko opaete mbae reyapo vae rupi; ërei ore mbaetɨ roipota roendu ndeve.
15OreYa Tumpa, ndembae vae reta renoe ɨvɨ Egipto güi ndembaepuere pe,#Ex 20.2; Dt 6.21; Jer 32.20-21. jökorai rembotuicha nderee jókuae ara güive añave regua; ërei ore oreyoa, royapo ikavimbae. 16OreYa Tumpa, roikuaa ko ndepɨakavi yae vae. Romoñera rembosɨrɨ vaerä ndearasɨ nerëta guasu Jerusalén güi, ndeɨvɨtɨ oñeñono tee vae. Opaete tëta guasu reta iyɨ́vɨri ñogüɨnoi vae pegua reta opuka puka omae reta Jerusalén re jare ndembae vae reta re, ore jare oreñemuñagüe reta iyoa jeko pegua. 17Añave oreYa Tumpa, eendu che nderembiokuai iyerure jare iporomoñera; reyeaɨu jeko pegua cheYa, emae ikaviä yae ndero mbaemboetea opɨta vae re. 18OreYa Tumpa, emboɨke ndeapɨsa jare eendu; emae kavi opa royemboai roï vae re, jare tëta guasu nderee oñeenɨia opa oyemboai oï vae re. Mbaetɨ roeka ndeve yemborɨ jupi rupi roiko jeko pegua, jaeño ndeporoparareko tuicha yae jeko pegua ko.#Neh 9.17-19,27-28; Sal 51.1-4; 57.1-3; Is 54.8,10; Tit 3.5. 19¡OreYa Tumpa! ¡Eendu oreve, neɨ̈ro oreve! ¡Eyeapɨsaka oreré, oreYa, eyu oremborɨ! ¡Reyeaɨu jeko pegua, eyapo oreve jarembae oreTumpa; echa nerëta guasu re jare ndembae vae reta re nderee oñeenɨi!’
Setenta semana regua
20Che jekuaeñoi ayerure jare ayemombeu cheyoa re jare cherëta Israel iyoa re, aeka yemborɨ cheYa Tumpa pe iɨvɨtɨ oñeñono tee vae peguarä. 21Che ayerure aï ramboeve, araɨgua Gabriel,#Lc 1.19,26. tenonde yave oyekuaa cheve vae, jarembae pegua oveve ou oväe che aïa pe. Kaaru yave Tumpa pe mɨmba oyuka oñemee vae iorata ma yave. 22Jare jei cheve:
‘Daniel, ayu ko añave aikuaauka vaerä ndeve kuaekuae reta. 23Remboɨpɨ reyerure rupive Tumpa oendu, jare chembou aikuaauka vaerä ndeve, echa jae nderaɨu yae. Añave eyeapɨsaka kavi, reikuaa kavi vaerä kuae reecha vae regua:
24Setenta semana oasata
nerëtaɨgua reta re jare nerëta guasu oñeñono tee vae re,
opa vaerä oyemboai mbaeyoa yavaetegüe jare ikavimbae,
oime vaerä ñɨ̈ro mbae ikavimbae re,
jare jupi vae oime vaerä jekuae avei pegua,
oyembopo vaerä jókuae mbae oyeecha jare maratuta vae,
jare oñeñono tee vaerä Tumpa pe oñeñono tee kavi yae vae.
25Nde eikuaa kavi kuae:
Jókuae mborookuai oñemee oñemopüa ye
jare oñeñono kavi ye vaerä Jerusalén güive,
oväe regua Mesías,#9.25 Mesías, oipota jei: Oñeñono tee vae. oasata chiu semana, jare sesenta y dos semana;
Jerusalén ikaye reta jare ikësea reta oñemopüa ye yave mbɨatɨtɨ yaeta jókuae ara rupi.
26Sesenta y dos semana jaɨkue rupi
oyuka retata Mesías.
Jerusalén jare tupao opata oyemboai,
metei mburuvicha guasu outa vae isundaro reta imbaepuere rupi.
Jare iyapɨta, metei ɨporu guasu ou rami.
Iyapɨ regua oimeta ñeraro jare kañɨtei.
27Metei semana vae re
jae oyapota metei morogüɨrökuavee päve jeta vae ndive;
ërei semana mbɨte rupi
oyopiata agüɨye vaerä ma oyeapo mɨmba oyeyukagüe jare mbota reta oñemee vae.
Ikavimbae yae vae oyeapota#Dn 11.31; 12.11; Mt 24.15; Mc 13.14. tupao pe,
ou regua oväe kañɨtei ikavimbae yae vae iyapoa re.’ ”
Currently Selected:
Daniel (dc) 9: GUABD
Highlight
Copy
Compare
Share
Want to have your highlights saved across all your devices? Sign up or sign in
Biblia DC Guaraní Bolivia © Bolivian Bible Society, 2001.