COLOSENSES 1

Tamaraeme

1Che Pablo, Jesucristo jemimondo Tumpa jemimbota rupi, jare yanderɨvɨ Timoteo ndive, 2roikuatía peve kuae tupapire cherɨvɨ reta Colosas pe peiko vae pe. YandeRu Tumpa jare yandeYa Jesucristo ipɨakavi jare ipɨakatu toï pe ndive.

Pablo oyerure Tumpa pe omee vaerä arakuaa oporogüɨrovia vae reta pe

3Jekuaeño royerure peré romee reve yasoropai Tumpa pe. Jae ko yandeYa Jesucristo Tu. 4Körai roendu perovia Cristo Jesús re, jare kërai peaɨu opaete oporogüɨrovia vae reta, 5peäro peï reve Tumpa oñovatu ma peve ara pe vae ramo. Pe reta peikuaa kuae regua, ñee ikavi vae añete vae peendu yave. 6Kuae ñee jërakua peve vae jërakua vi opaete ɨvɨ rupi. Jare opaete kerupi oporogüɨrovia vae reta, jare oyeokuai pe reta rami Tumpa pe. Jókuae ara Tumpa ipɨakavi añete vae peendu jare peikuaa güive. 7Kuae re pemboe Epafras#Col 4.12; Flm 23. oreïru roaɨu vae, jae ko oyeokuai Cristo pe ore ndive, jae ko metei Cristo jembiokuai añete vae. 8Jae vi omombeu oreve mboroaɨu Espíritu Santo omee peve vae.

9Jáeramo ore vi kuae roendu güive, royerure avei peré Tumpa pe, jae oikuaauka kavi vaerä peve jemimbota opaete Espíritu pegua rupi. 10Peguata kavi vaerä, Tumpa oenɨigüe reta oguata rami kavi, pemboyerovia opaete mbaembae pe. Peyapo avei opaete mbaembae ikavi vae. Peikuaa kavi ete avei Tumpa. 11Tumpa tapemomɨ̈rata imbaepuere tuicha yae vae pe, pepɨaguasu jare peropɨa avei vaerä. 12Peyerovia reve pemee yasoropai yandeRu pe, echa jae omee ma peve penoi vaerä pembaerä opaete ïru oporogüɨrovia vae reta tembipe pegua pe oñemeeta vae. 13YandeRu yandereepɨ ma mbaepuere pɨtumimbi#Ef 6.12. pegua güi, jare yandereroyakavo ma Taɨ oaɨu vae iporookuaía pe; 14yandeRu yandereepɨ Taɨ imano rupi, jare iñɨ̈ro yandeyoa reta re.#Ef 1.7.

Cristo yandembopɨakatu Tumpa ndive imano rupi

15Cristo rupi yaecha Tumpa oyekuaambae vae; Taɨ jae ko opaete mbaembae oyeapogüe iYa. 16Echa jae rupi Tumpa oyapo opaete mbaembae ara pe oï vae jare ɨvɨ pe oï vae, yaecha vae jare yaechambae vae; mburuvicha reta ara pegua jare ɨvɨ pegua, jare opaete mbaepuere#Ef 6.12. güɨnoi vae. Jae rupi etei oyeapo opaete jare chupeguarä. 17Jare jae oiko ñomai ndei opaete mbaembae oyeapo mbove, jare jese#Jn 1.1-3,18; Heb 1.2-3. yogüɨreko opaete mbaembae. 18Jae ko oporogüɨrovia#Ef 1.22-23; 4.15. vae reta iñäka, jare jae ko tenondegua vae. Echa jae tenonde voi oikove ye omanogüe reta ipɨte güi, jae oiko vaerä opaete vae itenondeguarä.#Hch 26.23; Ap 1.5. 19Echa yandeRu oipota vae ko jae, oï vaerä opaete mbaepuere Cristo re; 20jare ombopɨakatu jae ndive Cristo rupi opaete mbaembae, ɨvɨ pe jare ara pe ñogüɨnoi vae reta, oyapo mbɨakatu kurusu#Ef 2.16. re jugüɨ oyepɨyere vae rupi.

21Jare tenonde yave pe reta mombɨrɨ yae peiko Tumpa güi, jare peyovaicho jese pepɨa pe, peyapose ikavimbae vae. Ërei añave pembopɨakatu ma Tumpa ndive, 22jae jete omano vae rupi. Jökorai oyapo, peñono tee vaerä, ikɨambae, jekombae vae iyeupeguarä jae jóvai. 23Jekuaeño peñemomɨ̈rata jare peñemoäta ngatu peporogüɨrovia re yave, jare pesɨrɨmbae reve peäro yave ñee ikavi vae peendu vae. Jókuae ñee ikavi vae oñemoërakua opaete ɨvɨ rupi, jare che Pablo, Tumpa cheapo jókuae amoërakua vaerä.

Pablo oyeokuai judiombae vae reta pe

24Añave ayerovia aiporara aï peré vae re. Echa aiporara aï cherete pe jókuae oataño Cristo jete re oiporara vaerä vae, jae ko oporogüɨrovia vae reta. 25Tumpa etei cheapo jae jembiokuairä, che ayeokuai vaerä peve, jare amoërakua kavi vaerä peve#Ef 3.2. opaete Tumpa iñee. 26Kuae ko jókuae iyɨpɨ güive yaikuaambae vae. Ërei añave Tumpa oikuaauka ko oporogüɨrovia vae reta pe. 27Echa Tumpa ikɨ̈reɨ oikuaauka chupe reta kërai kuae yaikuaambae vae iyemboetea tuicha yae judiombae vae reta peguarä vae; jae ko Cristo oiko pepɨa pe vae, jese peäro mbaemboetea vae.

28Ore romoërakua Cristo, romboarakuaa jare romboe reve opaete vae, arakuaa re, opaete vae okuakuaa kavi vaerä Cristo Jesús re. 29Kuae jeko pegua che vi aparavɨkɨ aï Tumpa pe. Täta aparavɨkɨ aï aiporara reve Cristo imbaepuere rupi, echa jae täta oparavɨkɨ oï chepɨa pe.

Currently Selected:

COLOSENSES 1: GUABD

Highlight

Copy

Compare