AMÓS 8
8
Temitɨ iagüe kanata pe
1Körai oechauka cheve yandeYa Tumpa: YandeYa Tumpa oechauka cheve metei kanata tɨnɨe oï pɨpe temitɨ ia yagüɨyegüe. 2Jare oparandu cheve:
—¿Mbae pa reecha Amós?
Che jae chupe:
—Metei kanata temitɨ ia yagüɨyegüe.
Jare yandeYa jei cheve:
—Ou ma oväe ara iyapɨ, Israel tëta chembae vae re; mbaetɨta ma aropɨa chupe. 3Jókuae ara tupao pe otairari vae reta jäsembaita oyaeo. Jei yandeYa. Jeta yaeta omanogüe, oipota rupi kïrii ngatuño omombo retata.
Israel oñejäa vaerä oyearo ma
4Peendu, oñemomichi vae reta re peyuvanga vae reta jare paravete vae reta re peyuvanga vae reta, 5pere körai: “¿Kërai yave ra oasata arete yasɨ pɨau regua ñamee vaerä trigo? ¿Jare mbutuu iara, yaipea vaerä tembíu rɨru reta; ñamomichi äve vaerä mbaejäaka#Lv 19.35-36; Dt 25.13-16; Pr 11.1; 20.10,13; Miq 6.10-11. jare yaupi vaerä jepɨ? 6¡Yagua vaerä korepoti re paravete vae reta, jare poriau vae reta yagua vaerä pɨapaa re! ¡Trigo ikavimbae ave ñameeta!” 7YandeYa jei jee re aeño Jacob kotɨ: “Ngaraai cheakañɨ opaete jembiapo reta güi.”
8Jáeramo, ¿mbaetɨta pa ɨvɨ okana? ¿Ɨvɨ ipo reta mbaetɨta pa oyaeo jókuae jeko pegua?
¡Tuichata ɨ ɨ̈aka pe rami, jare jagüeta ɨ̈aka Egipto pegua rami!
9“¡Jókuae ara! Jei yandeYa Tumpa:
Amoingeta kuaraɨ ara mbɨte peño,
ara jembipe katu oï reve ambopɨtumimbita.#Jl 2.10.
10Aipoepɨta pearete reta mbɨatɨtɨ pe,
jare aipoepɨta petairari reta yaeo pe;
jare amondeukata temimonde mbɨatɨtɨ pegua opaete vae pe,
jare opaete vae ia oñapita;
jókuae ara opaete vae oyaeota membɨrɨpɨ re rami,
jare ojoita iyapɨ mbɨatɨtɨ tuicha vae ndive.
11YandeYa Tumpa jei:
Mase, ambouta yɨmbɨaɨ iara kuae ɨvɨ pe;
ërei mbaetɨta yɨmbɨaɨ tembíu regua, ani ɨuve ɨ regua,
¡yandeYa iñee re ko!
12Matɨ rupi ko oeka reta tëita yandeYa iñee;
ɨvɨtuguasu güive kuaraɨ oëa kotɨ;
ërei mbaetɨta oväe chupe.
13Jókuae ara, kuñatai pöra reta jare kunumi reta
ipɨtuta iɨuve güi.
14Samaria pegua tumpa-raanga reta omboete reta vae jei:
‘Dan iñemuña reta, oikove ko netumpa’,
jare ‘Beerseba pegua tumpa-raanga reta’,
jókuae reta ogüɨapita, ngaraa ye ma opüa reta.”
Currently Selected:
AMÓS 8: GUABD
Highlight
Copy
Compare
Share
Want to have your highlights saved across all your devices? Sign up or sign in
Biblia DC Guaraní Bolivia © Bolivian Bible Society, 2001.
