2 CORINTIOS 3
3
Morogüɨrökuavee päve ipɨau vae
1¿Jekuae pa romboɨpɨ yeta roñemoërakua ore aeño?, ani ¿jekuae pa rogüɨraja pɨau yeta peve tupapire oreregua ani pe pemee vaerä oreve, amogüe vae reta oyapo vae rami? 2Echa pe reta etei ko jae oretupapire oyekuatía oï orepɨa pe vae rami. Opaete pereecha vae oikuaa jare omongeta vae rami ko. 3Echa opaete vae ipuere oikuaa kërai pe reta ko jae metei tupapire Cristo güi ore rogüeru vae rami. Pe reta ko metei tupapire Tumpa oikove vae iEspíritu pe oyekuatía vae rami, mbaetɨ ko metei tupapire tinta pe oyekuatía vae rami. Mbaetɨ ko ita#Ex 24.12. ipe vae re rami, oikuatía ko pepɨa#Jer 31.33; Ez 11.19; 36.26. re etei.
4Jare körai roe peve, rogüɨrovia Tumpa re Cristo rupi ramo. 5Opaete mbaembae royapo vae oreyeugüi aeñoä ko. Tumpa güiño ko ou opaete mbaembae royapo vaerä. 6Jae ko omee oreve orepoki vaerä royeokuai chupe morogüɨrökuavee päve ipɨau pe.#Jer 31.31. Mbaetɨ ko oyekuatiagüe, Espíritu pegua ko; echa mborookuai oyekuatiagüe oporoyuka, ërei Espíritu oporomoingove.
7Jókuae mborookuai oporoyuka vae oyekuatía oï ita reta re vae oñemee Moisés pe yave, Moisés jova jembipe yae,#Ex 34.29. jáeramo Israel iñemuña reta ipuereä omae Moisés jova re. Ërei jókuae jembipe vae mbaetɨ ɨma oiko. 8Vɨtei pa Espíritu pegua morogüɨrökuavee päve ipɨau vae ou yave iyemboetea. 9Echa jókuae mborookuai oporoyuka vae iyemboetea reve ou yave, vɨtei pa Espíritu pegua iyemboetea yandembojupi vae. 10Echa tenonde yave mborookuai oyemboete yae vae, mbaeä etei ko jókuae mborookuai añave ou vae güi. 11Echa jókuae mborookuai opa vae iyemboetea yae, vɨtei pa jókuae mborookuai opambae vae.
12Jáeramo kuae re rogüɨrovia ramo, romombeu kavi peve roipoɨumbae reve. 13Mbaetɨ royapo Moisés rami. Echa jae omboyasoi jova metei tarapo pe,#Ex 34.33. agüɨye vaerä Israel iñemuña reta oecha kërai ogüe jókuae jova jembipe vae. 14Ërei Israel iñemuña reta oikuaa kaviä. Echa jekuaeño iyarakuaa oyeasoi oï, Moisés jova oyasoi äka-soia pe rami omongeta reta yave morogüɨrökuavee päve indechi vae. Ërei Cristo rupiño ipuere oyepea. 15Ërei añave rupi Moisés oikuatiagüe omongeta reta yave, jekuaeño oime äka-soia oyasoi rami ipɨa reta. 16Ërei oyerova reta yandeYa kotɨ yave, jókuae äka-soia oyeekɨ chugüi reta. 17Jare yandeYa jae ko Espíritu. Jókuae yandeYa iEspíritu oïa pe, oime yeyora. 18Jáeramo, opaete yande ñamae ramboeve yandeYa iyemboetea re epeo rupi rami, yayepoepɨ yaja yaiko yandeYa iEspíritu rupi.#Ro 8.29; Gl 4.19; Flp 3.10.
Currently Selected:
2 CORINTIOS 3: GUABD
Highlight
Copy
Compare
Share
Want to have your highlights saved across all your devices? Sign up or sign in
Biblia DC Guaraní Bolivia © Bolivian Bible Society, 2001.
