1 TESALONICENSES 5
5
1Ërei kuae kërai yave oasata vae regua, aecha mbaetɨ jupi aikuatía vaerä peve cherɨvɨ reta. 2Echa pe reta peikuaa kavi ko yandeYa iväea metei imonda vae pɨ̈tu yave outa vae rami ko,#Mt 24.43; Lc 12.39; 2 P 3.10. 3ɨvɨ pegua reta jei yave: “Mbɨakatu jare pɨagüive.” Jayave iparanoe outa chupe reta kañɨtei, jare oiporarata kuña imembɨrasɨ#Is 13.8. vae rami, jare ngaraa oasayepe reta. 4Ërei pe cherɨvɨ reta mbaetɨ ko peï pɨtumimbi pe, jókuae ara peresapɨa vaerä imonda vae rami. 5Echa opaete pe reta ko tembipe pegua jare ara pegua reta. Mbaetɨ ko yande reta pɨ̈tu pegua ani pɨtumimbi pegua. 6Jáeramo, agüɨye yake ïru vae reta rami. Jaeño yasareko avei jare yayeandu avei ñaï. 7Echa oke vae reta oke pɨ̈tu yave, jare osavaɨpo vae reta oyembosavaɨpo pɨ̈tu yave; 8ërei yande yaiko tembipe pe vae reta yayeandu ñaï, yamonde reve mborogüɨrovia pe jare mboroaɨu pe temimonde ñeraro pegua pe rami. Jare peñono peäka re äka-ɨru jiero pegua yemboasa pegua.#Is 59.17; Ro 13.12; Ef 6.13-17. 9Echa Tumpa mbaetɨ ko yandeparavo oiporarauka yandeve vaerä. Yandeparavo ko, yayemboasauka vaerä yandeYa Jesucristo rupi, 10echa jae omano yanderé, yaiko vaerä jae ndive yaikoveño ñaï yave ani ñamano yave. 11Jáeramo, peñomoäta ngatu päve jare peñemomɨ̈rata, peyapo peï rami.
Pablo omboarakuaa oporogüɨrovia vae reta
12Cherɨvɨ reta, pomoñera pemboete vaerä yandeYa pe oyeokuai pepɨte pe vae reta, petenondegua reta jare pemboarakuaa vae reta. 13Peaɨu iparavɨkɨ jeko pegua, peiko päve mbɨakatu rupi.
14Cherɨvɨ reta, pomoñera vi pemboeta vaerä iyakɨ vae reta pe, jare pemoäta ngatu oyembopɨtu vae jare pemborɨ ipɨ̈ratambae reta, jare pepɨaguasu opaete vae pe.
15Peyeandu, agüɨye ikavimbae vae oyapo peve vae pe, pemboekovia ikavimbae pe. Ërei peiko kavi avei oyoupi, jare opaete vae ndive.
16Peyerovia katu avei.#Flp 4.4. 17Peyerure avei pekueraimbae reve. 18Pemee avei yasoropai Tumpa pe oipotagüe mbae re, echa kuae ko jae jemimbota perovia Cristo Jesús re vae reta pe.#Flp 4.6; Col 4.2-7.
19Agüɨye pembogüe Espíritu Santo. 20Agüɨye peröɨro Tumpa iñee omombeu vae reta jei vae. 21Pemae kavi opaete mbaembae re. Peñovatu ikavi vae. 22Peyembosɨrɨ opaete mbae ikavimbae vae güi.
23Tumpa etei, mbɨakatu omee vae, tapeñono tee jare toyangareko kavi peré, peespíritu re, perekove re jare perete re, agüɨye vaerä kia pemboeko mbae re yandeYa Jesucristo ou ye yave. 24Peparavo vae iñee ombopo avei vae ko, jae ombopota opaete kuaekuae.
Tamaraeme reta
25Cherɨvɨ reta, peyerure oreré.
26Peyapo maraetei opaete oyoupe peyovapɨte jare peyomboete reve kavi.
27Pomoñera yandeYa re pemongeta vaerä kuae tupapire opaete yanderɨvɨ reta pe.
28YandeYa Jesucristo ipɨakavi toï opaete pe reta ndive. ¡Amén!
Currently Selected:
1 TESALONICENSES 5: GUABD
Highlight
Copy
Compare
Share
Want to have your highlights saved across all your devices? Sign up or sign in
Biblia DC Guaraní Bolivia © Bolivian Bible Society, 2001.
