1 PEDRO 5

Peyangareko Tumpa imbae reta re

1Amoñera oporogüɨrovia vae reta itenondegua reta pepɨte pe ñogüɨnoi vae. Che vi akuakuaa ma jae reta rami, jare amoërakua vi Cristo oiporara yanderé vae re. Jare Cristo oyekuaa yave, che vi ayeroviata jae ndive. 2Peyangareko Tumpa imbae reta pepɨte pe ñogüɨnoi vae reta re#Jn 21.15-17. kia peokuaimbae reve jare pekɨ̈reɨ ngatu reve; agüɨye pemongana jupimbae vaeräño, jaeño pekɨ̈reɨ ngatu reve, 3agüɨye peyemboiya etei peyangareko jese vae reta re, jaeño peechauka ikavi chupe reta. 4Jare Cristo oporogüɨrovia vae reta iyangarekoa reta Juvicha ou ye yave, #Heb 13.20. omeeta peve äka-regua mbaemboete oikomeguambae vae.

5Pe taɨrusu reta, peiko petenondegua reta jeia re. Jare opaete vae peiko kavi oyoupi peñemomichi reve; echa:

“Tumpa oyovaicho ipɨarai vae reta kotɨ,

ërei ipɨakavi oñemomichi#Pr 3.34; Stg 4.6. vae reta kotɨ.”

6Jáeramo, peñemomichi Tumpa imbaepuere tuicha yae vae jóvai, jae pembotuicha#Mt 23.12; Lc 14.11; 18.14; Stg 4.10. vaerä ara oväe yave. 7Peeya Tumpa pe opaete peyemoambeko jese vae, echa jae oyangareko#Sal 55.22; Mt 6.25-34. oï peré.

8Peyeandu katu jare peïndaivi, echa perovaicho aña guasu yaguapope oñee rami oeka kia omokañɨtei vaerä. 9Ërei peñemomɨ̈rata chupe peporogüɨrovia pe, peikuaa ko kërai opaete ɨvɨ rupi ïru oporogüɨrovia vae reta oiporara vi ñogüɨnoi pe rami. 10Ërei Tumpa ipɨakavi tuicha yae vae, yandeparavo omee vaerä yandeve yerovia opambae vae Jesucristo rupi vae, peiporarata güire michi pegua jae etei pembojupita, pemomɨ̈ratata jare pemoäta ngatuta. 11Jae toyemboeteuka jare timbaepuere jekuaekuae avei rupi. ¡Amén!

Tamaraeme reta

12Kuae mbovɨ aikuatía peve pomboarakuaa vaerä, jare arajaukata Silvano#Hch 15.22,40. ndive peve, jae ko yanderɨvɨ jupi vae; amombeu peve kuae Tumpa ipɨakavi añetete vae ko, pe reta peï pɨpe vae.

13Opaete oporogüɨrovia vae Babilonia pe ñogüɨnoi vae omondo peve tamaraeme. Tumpa oiparavo reta jae peparavo rami. Jaeramiño vi cheraɨ Marcos#Hch 12.12,25; 13.13; 15.37-39; Col 4.10; Flm 24. omondo peve tamaraeme. 14Peyapo maraetei oyoupe peyovapɨte peyoaɨu reve kavi.

Mbɨakatu toï opaete pe reta Jesucristo re peï vae ndive. ¡Amén!

Currently Selected:

1 PEDRO 5: GUABD

Highlight

Copy

Compare