1 PEDRO 1
1
Tamaraeme
1Che Pedro, Jesucristo jemimondo. Aikuatía aï kuae tupapire opaete Israel pegua Ponto, Galacia, Capadocia, Asia jare Bitinia rupi mombɨrɨ perëtaguasu güi peñemoai peï vae reta pe;#Stg 1.1. 2yandeRu Tumpa peparavo, ndei ɨvɨ oyeapo mbove oikuaa voi pe reta peyeapota ko taɨ retarä. Espíritu Santo peñono tee Tumpa peguarä, peñeereendu katu vaerä jare peyeyoe vaerä Jesucristo jugüɨ pe. Tumpa ipɨakavi jare ipɨakatu toï jeta pe reta ndive.
Ñaäro yayerovia reve vae
3Toyemboete Tumpa yandeYa Jesucristo Tu. Jae yandeparareko yae ramo yandeapo taɨ retarä, ñaäro vaerä yayerovia reve, Jesucristo#Jn 3.3-7; Ro 6.4-13; 1 P 1.22. oikove ye omanogüe reta ipɨte güi vae rupi. 4Tumpa oñovatu peve ara pe pembaerä oyemboaimbae vae, ikɨambae jare oikomeguambae. Oñeñovatu oï ara pe peveguarä. 5Imbaepuere pe Tumpa oyangareko oï peré perovia jese ramo, peyemboasauka vaerä jókuae oyekuaata ara taɨkuegua reta pe vae pe.
6Jáeramo peyerovia yae kuae re, yepe tëi añave rupi michi pegua pepɨatɨtɨ tai ko oipotagüe mbaemboavai reta jeko pegua. 7Echa peporogüɨrovia oñejäa güire, ikavi yaeta oro güi, echa oro yepe tëi opata, ërei oyetɨo tata rupi; jökorai peporogüɨrovia oñejäa güire imboetea yae vaerä Jesucristo oyekuaa ye yave.
8Yepe tëi mbaetɨ peecha Jesucristo, ërei peaɨu. Yepe tëi añave mbaetɨ peecha, ërei perovia jese,#Jn 20.29. jare penoi yerovia tuichagüe yaupitɨ rapembae ñanemiari jese vae, 9jökorai peyemboasauka, echa perovia jese.
10Ñeemombeúa reta omoërakua Tumpa ipɨakavi omeeta peve vae re, jae reta oyemboe jare oparandu kuae yemboasa re, 11oyemboe reve kia jare kërai yave ra oasata Cristo iEspíritu oiko jese reta vae oikuaauka voi chupe reta vae; kërai Cristo oiporarata jare kërai taɨkue rupi oyemboeteukata vae. 12Tumpa oechauka jókuae reta pe vae chupegua retaä ko, yandeveguarä ko, jae reta omombeu añave oñemoërakua oï peve ñee ikavi vae Espíritu Santo rupi ara güi ombou vae, jare araɨgua reta oipota yae tëi omae kuae mbaembae re.
Peiko Cristo peguaräño
13Jáeramo, peïndaivi jare peyemongeta kavi, jare peäro pepɨakatu reve Tumpa ipɨakavi rupi omeeta peve Jesucristo oyekuaa ye yave vae. 14Tumpa taɨ reta iñeereendu katu vae ramo, agüɨye mo peiko peremimbota rupi tenonde yave peikuaambae reve peikose pɨpe vae rupi; 15ërei peiko iyoambae, jókuae pereenɨi vae iyoambae vae rami; peiko peyoambae opaete mbae peyapo vae rupi; 16echa oyekuatía oï körai: “Peiko tee mbaeyoa güi, echa che ko iyoambae.”#Lv 11.44-45; 19.2.
17Jare Tumpa pe “cheRu” pere yave, peguata kavi opaete ara peikove peiko kuae ɨvɨ pe ramboeve; jae oporojäata opaete vae oyapo vae rupi. 18Peikuaa ma ko peñerenoeuka tenonde yave peikose vae güi, peñemuñagüe reta oeyagüe peve vae güi; mbaetɨ ko korepoti ani oro rupi peñerenoe, echa korepoti jare oro opa vae ko, 19jaeño Cristo jugüɨ jepɨ yae vae rupi, jókuae vecha kuimbae taɨrusu vae jete kavi jare ikɨambae vae oñemee Tumpa pe rami. 20Tumpa ombojee ñomai ndei ɨvɨ oyeapo mbove Cristo kuae ra, ërei kuae ara taɨkuegua reta pe ramo oyekuaa peraɨu jeko pegua. 21Jare Cristo rupi perovia Tumpa re, echa Tumpa omoingove ye Cristo omanogüe reta ipɨte güi jare omboeteuka, perovia vaerä jare peäro vaerä Tumpa re.
22Perovia añete vae ramo pepɨa oyetɨo Espíritu Santo rupi, añetete peyoaɨu yae vaerä. Peyoaɨu opaete vae pepɨa jupi reve. 23Echa penoi ma tekove ipɨau vae, kuae nunga tekove mbaetɨ ou peru jare pesɨ güi. Penoi ko kuae tekove ipɨau vae Tumpa oikove jare iñee oiko jekuae avei vae rupi.#Jn 3.3-7; Stg 1.18; 1 P 1.3. 24Echa jei:
“¡Opaete kuimbae reta ñana rami ko,
opaete iyemboetea ñana ipotɨ rami ko!
Ñana yɨpi jare ipotɨ oa,
25ërei ngatu yandeYa iñee oiko jekuae avei.”#Is 40.6-8.
Jare kuae ko jae ñee ikavi vae ïru vae reta omombeu peve vae.
Currently Selected:
1 PEDRO 1: GUABD
Highlight
Copy
Compare
Share
Want to have your highlights saved across all your devices? Sign up or sign in
Biblia DC Guaraní Bolivia © Bolivian Bible Society, 2001.
