1 JUAN 1
1
Ñee tekove pegua
1Roikuatía peve Ñee tekove#Jn 1.1; 1 Jn 2.13,14. opambae vae regua. Jae oikoño mai ndei ɨvɨ oyeapo mbove.#Jn 1.1,4; 6.68. Jare ore roendu jókuae Ñee. Roecha kavi, romae jese. Royavɨkɨ vi orepo pe etei. 2Jókuae Ñee tekove opambae vae etei ko, ore etei roecha.#Jn 1.14,18. Romoërakua peve jae ko tekove opambae vae. Jae oimeño mai oiko yandeRu Tumpa ndive, ërei oyekuaa oreve. 3Romombeu peve roecha jare roendu vae, pe reta vi peñemoïru vaerä ore ndive. Jare kuae ñañemoïru vae añetete ko yandeRu Tumpa jare Taɨ Jesucristo ndive. 4Kuae mbaembae regua roikuatía peve peyerovia yae vaerä.
Tumpa ko tembipe
5Romombeu peve ñee Jesucristo omombeu oreve vae. Jae ko kuae: Tumpa ko tembipe, mbaetɨ etei jese kërai ave pɨtumimbi. 6Yae yave ñañemoïru ma ko jae ndive, ërei yaiko yave pɨtumimbi pe yandeapu ko, jare mbaetɨ yayapo añete vae. 7Ërei yaiko yave tembipe pe, Tumpa oiko tembipe rami, ñañemoïru ko oyoupi, jare Taɨ Jesucristo jugüɨ yandeyoe opaete mbaeyoa güi.
8Yae yave mbaetɨ ko yandeyoa, yayembotavɨ ko yande aeño. Mbaetɨ etei ko oï yanderé añete vae. 9Yamombeu yave Tumpa pe yandeyoa reta, jae ko jupi yae iñɨ̈ro vaerä yandeyoa reta re jare yandeyoe vaerä opaete ikavimbae güi. 10Yae yave mbaetɨ ko yayapo mbaeyoa, yamboapu ko Tumpa jare iñee mbaetɨ oï yanderé.#Pr 20.9.
Currently Selected:
1 JUAN 1: GUABD
Highlight
Copy
Compare
Share
Want to have your highlights saved across all your devices? Sign up or sign in
Biblia DC Guaraní Bolivia © Bolivian Bible Society, 2001.
