NYENSANG CHIA 56
56
Mühghaü to Maanglem Phobü Welau
1Kü to sanoudamkai, O Mühghaü,
aieilausi haoei ngo suian aplabü;
Chalou angboua haoei kü to wapyoda.
2Chalou angboua ngeibü dangbouei ngo suila shieida;
aieilausi lilisese ngo khulimbo wapyobü juong.
3Laonyet ngo hatlaje, ngei ka to maanglem pholabü.
4Mühghaü to ngei haoeibü ngüh sanglabü;
Mühghaü to ngei ngeibü maanglem phoa, ngo ühütlabü.
5Chalou angboua haoenei ngeibü ngüh sepeisaikuda,
amaibü shanga haoeneibü dambü pendou ngo khulimbo kia.
6Haoenei kü langkei shanga ngühthang yenan liko ong kamsheida;
haoenei haoen lolo thoan haoenei ngeibü youmo phanda.
7Shabü shonan haoen satenlep sai?
Khau angbüa phangshuong apashi, O Mühghaü.
8Ngeibü khonsak nyi weanchühda;
kü nyeksi nyi kaibü thungdoua phoashi;
khübü kho kaibü dobü lea akilo?
9Ngei ka to ngabü chaloua ngeibü dangbou shuong sepeinyu satlabü;
ho ngei ngekei, Mühghaü kü shanga kia.
10Mühghaü to ngei haoeibü ngüh sanglabü,
Bunyubou to ngei haoeibü ngüh sanglabü.
11Mühghaü to ngei ngeibü mailem phoa, ngo ühütlabü.
Mütei kü to ai kümla thükla?
12Kaibü thekubü kü to kia, O Mühghaü;
ngei ka la nyensangbü lembü kulabü.
13Aieilausi nyi ngeibü langkei haibü ka khümena;
langkeibü ngesaka Mühghaü thedanga pailabü lele.
Tuongetlabü ka nyi ngeibü you akhümen lo?
Currently Selected:
NYENSANG CHIA 56: CHANGBSI
Highlight
Share
Copy
Want to have your highlights saved across all your devices? Sign up or sign in
Chang Naga Bible - SAOPOBÜ LAI
Copyright © The Bible Society of India, 2002.
Used by permission. All rights reserved worldwide.
NYENSANG CHIA 56
56
Mühghaü to Maanglem Phobü Welau
1Kü to sanoudamkai, O Mühghaü,
aieilausi haoei ngo suian aplabü;
Chalou angboua haoei kü to wapyoda.
2Chalou angboua ngeibü dangbouei ngo suila shieida;
aieilausi lilisese ngo khulimbo wapyobü juong.
3Laonyet ngo hatlaje, ngei ka to maanglem pholabü.
4Mühghaü to ngei haoeibü ngüh sanglabü;
Mühghaü to ngei ngeibü maanglem phoa, ngo ühütlabü.
5Chalou angboua haoenei ngeibü ngüh sepeisaikuda,
amaibü shanga haoeneibü dambü pendou ngo khulimbo kia.
6Haoenei kü langkei shanga ngühthang yenan liko ong kamsheida;
haoenei haoen lolo thoan haoenei ngeibü youmo phanda.
7Shabü shonan haoen satenlep sai?
Khau angbüa phangshuong apashi, O Mühghaü.
8Ngeibü khonsak nyi weanchühda;
kü nyeksi nyi kaibü thungdoua phoashi;
khübü kho kaibü dobü lea akilo?
9Ngei ka to ngabü chaloua ngeibü dangbou shuong sepeinyu satlabü;
ho ngei ngekei, Mühghaü kü shanga kia.
10Mühghaü to ngei haoeibü ngüh sanglabü,
Bunyubou to ngei haoeibü ngüh sanglabü.
11Mühghaü to ngei ngeibü mailem phoa, ngo ühütlabü.
Mütei kü to ai kümla thükla?
12Kaibü thekubü kü to kia, O Mühghaü;
ngei ka la nyensangbü lembü kulabü.
13Aieilausi nyi ngeibü langkei haibü ka khümena;
langkeibü ngesaka Mühghaü thedanga pailabü lele.
Tuongetlabü ka nyi ngeibü you akhümen lo?
Currently Selected:
:
Highlight
Share
Copy
Want to have your highlights saved across all your devices? Sign up or sign in
Chang Naga Bible - SAOPOBÜ LAI
Copyright © The Bible Society of India, 2002.
Used by permission. All rights reserved worldwide.