NYENSANG CHIA 55
55
Thangbou Cheei Loshaubü Müteibü Welau
1O Mühghaü, ngeibü welau to nou haangbü;
hoba ngei subüjabü ka no tehu!
2Kü to ngüha lekai, hoba kü to jongaishi,
ngeibü khonsak hoba wibü ka ngo hakso aki.
3Dangbou shuongeibü ngühlang kibüei,
hoba amaibüei shieikoebü ka,
haoenei kü la shedbü onat jinkuda,
hoba khauangbüa haoenei ngo shieikoeda.
4Ngeibü maangpon aeibou khonkuda;
hoba hailabü hatlabü kü to sühda.
5Hatlabü hoba lühbü kü to sühakei;
hoba kongbüei ngo süha.
6Hobaje ngei laukei, “Oh, ngo dukutuk tegü kaak yemmang sühnyu!”
Kheijinei ngo pijung haulabü hoba haksoko kilabü.
7Chühashi, kheijinei ngo saabüa seengeilabü;
ngo yama kilabü.
8Yeithu yeinak hoba yeishik ka ngo tongde hushang to haulabü.
9Oh, Bunyubou, panglangtiashi hoba haoen ngüh janyinkushi;
aieilausi sangnyu khünei ngei kaangbüsekbü kümsilei
hoba wapyobü hapa!
10Change nangnak haoenei sangnyu banyu kho kailepda,
maanga shabü hoba amaibü kia.
11Kho maanga amaibü kümbü kia,
khonkutibü hoba khüpbülangbü kümsilei
kho khongnyu ka asatda.
12Aieilausi dangbouei kü to nyikukei aying
tegüje ngei natenkhoulabü.
13Lausikei no kho kü maangjambou,
kü thangbou hoba ngo ngeyobü thangbou.
14Sen liko ngühthang yenan paplepshoule kikei;
sen liko Mühghaü chem to paikei.
15Haoen jungto mangde haibü loutishi,
püngkhün to haoeneibü langkei attishi;
aieilausi amaibü haoeneibü maanga jembü thüngshanga kia.
16Lausikei ngeije Mühghaü nyena ngakho;
hoba Bunyubouei ngo püetlabü.
17Ngeyang, chajih, hoba nangnak, ngo maang ngangbü lenlabü,
hoba haoei ngeibü ngüh ditkulabü.
18Ngo khulimbo longbü wapyo ka haoei
ngeibü langkei sangmai haksoa püeda;
aieilausi kü to wapyobü juong kikei.
19Mühghaüei ditkulabü hoba haoen to jongailabü;
hao shangieda kikei.
Haoen to jaksheibü akisije
haoenei Mühghaü to ühütda.
20Hao yoa aoyou sangmaia kikei,
haoen khulimbo haoeibü ik shatkei;
haoei haoeibü thebülanbü leilua.
21Haoeibü sembung haabü tegü haajangtham,
lausikei haoeibü maangpona oyolemen kia;
haoeibü ngüh onang tokei loklokbou,
lausikei kho setenbü inlou phatkei.
22Kaibü onat Bunyubou la nongkuashi,
hoba haoei no thounoulabü;
haoei saopobü müt ladangkei atopeitilabü.
23Lausikei, O Mühghaü, nyi haoen hailabü
püngkhün to jinlabü;
sii yungmangsühbü hoba khüpbülangbü
müt jembü langkei salang po tho ongkei akilabü.
Lausikei kü shangaje ngei ka to mailemlabü.
Currently Selected:
NYENSANG CHIA 55: CHANGBSI
Highlight
Share
Copy
Want to have your highlights saved across all your devices? Sign up or sign in
Chang Naga Bible - SAOPOBÜ LAI
Copyright © The Bible Society of India, 2002.
Used by permission. All rights reserved worldwide.
NYENSANG CHIA 55
55
Thangbou Cheei Loshaubü Müteibü Welau
1O Mühghaü, ngeibü welau to nou haangbü;
hoba ngei subüjabü ka no tehu!
2Kü to ngüha lekai, hoba kü to jongaishi,
ngeibü khonsak hoba wibü ka ngo hakso aki.
3Dangbou shuongeibü ngühlang kibüei,
hoba amaibüei shieikoebü ka,
haoenei kü la shedbü onat jinkuda,
hoba khauangbüa haoenei ngo shieikoeda.
4Ngeibü maangpon aeibou khonkuda;
hoba hailabü hatlabü kü to sühda.
5Hatlabü hoba lühbü kü to sühakei;
hoba kongbüei ngo süha.
6Hobaje ngei laukei, “Oh, ngo dukutuk tegü kaak yemmang sühnyu!”
Kheijinei ngo pijung haulabü hoba haksoko kilabü.
7Chühashi, kheijinei ngo saabüa seengeilabü;
ngo yama kilabü.
8Yeithu yeinak hoba yeishik ka ngo tongde hushang to haulabü.
9Oh, Bunyubou, panglangtiashi hoba haoen ngüh janyinkushi;
aieilausi sangnyu khünei ngei kaangbüsekbü kümsilei
hoba wapyobü hapa!
10Change nangnak haoenei sangnyu banyu kho kailepda,
maanga shabü hoba amaibü kia.
11Kho maanga amaibü kümbü kia,
khonkutibü hoba khüpbülangbü kümsilei
kho khongnyu ka asatda.
12Aieilausi dangbouei kü to nyikukei aying
tegüje ngei natenkhoulabü.
13Lausikei no kho kü maangjambou,
kü thangbou hoba ngo ngeyobü thangbou.
14Sen liko ngühthang yenan paplepshoule kikei;
sen liko Mühghaü chem to paikei.
15Haoen jungto mangde haibü loutishi,
püngkhün to haoeneibü langkei attishi;
aieilausi amaibü haoeneibü maanga jembü thüngshanga kia.
16Lausikei ngeije Mühghaü nyena ngakho;
hoba Bunyubouei ngo püetlabü.
17Ngeyang, chajih, hoba nangnak, ngo maang ngangbü lenlabü,
hoba haoei ngeibü ngüh ditkulabü.
18Ngo khulimbo longbü wapyo ka haoei
ngeibü langkei sangmai haksoa püeda;
aieilausi kü to wapyobü juong kikei.
19Mühghaüei ditkulabü hoba haoen to jongailabü;
hao shangieda kikei.
Haoen to jaksheibü akisije
haoenei Mühghaü to ühütda.
20Hao yoa aoyou sangmaia kikei,
haoen khulimbo haoeibü ik shatkei;
haoei haoeibü thebülanbü leilua.
21Haoeibü sembung haabü tegü haajangtham,
lausikei haoeibü maangpona oyolemen kia;
haoeibü ngüh onang tokei loklokbou,
lausikei kho setenbü inlou phatkei.
22Kaibü onat Bunyubou la nongkuashi,
hoba haoei no thounoulabü;
haoei saopobü müt ladangkei atopeitilabü.
23Lausikei, O Mühghaü, nyi haoen hailabü
püngkhün to jinlabü;
sii yungmangsühbü hoba khüpbülangbü
müt jembü langkei salang po tho ongkei akilabü.
Lausikei kü shangaje ngei ka to mailemlabü.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Chang Naga Bible - SAOPOBÜ LAI
Copyright © The Bible Society of India, 2002.
Used by permission. All rights reserved worldwide.