NYENSANG CHIA 18
18
Dawideibü Thükhapbü Chia
(2 Sam 22.1-51)
1Ngei ka to sanouda, O Bunyubou, ngeibü hau.
2 Bunyubou ngeibü laangnyu,
hoba ngeibü lapheishon hoba ngo khümenbou.
Ngeibü Mühghaü, ngeibü laang, ngo hao to satetlangkho.
Ngeibü aih ngo khümenbou teklaang,
ngeibü lapheishon suokbü.
3Ngeibü Bunyubou to ngakho,
nyensangla mubü.
Hibü ngo ngeibü dangbou ka khümenan kilabü.
4Haibü lühei ngo kailepbei;
hoba Mühghaü to ühütbü yungsenei ngo hattikei.
5Sheol lühei ngo komlepbei;
haibü sung kü jungto loukei.
6Ngeibü khonsaka ngei Bunyubou to ngakei,
hoba ngeibü Mühghaü to ngekkei;
haoei haoeibü lembüchem ka ngeibü ngüh ditkei.
Hobaje ngei hao to ngekbü haoeibü nou to atkei.
7Kheijinei kaodak nyaakkei hoba lühkei;
shongh tenshangkei nyaakeikei.
Hobaje kaodak teneikei, aieilausi hao khauangko kikei.
8Haoeibü kungkhün ka wankhük longkei.
Hobaje haoeibü sembung ka wan longkei.
khoei wankak yasetham aptikei.
9Haoei müh shuongkei bühyankei;
hoba haoeibü you phanga nakthühbü kho kikei.
10Hobaje kaakyembü kherabim che thüka setan pijung satkei;
haü, haoei yeieibü kaak thüka setan angkei.
11Haoei nakthühbü kho hao hushang yeitikei;
hao kailepbü chem kho lang khinbü sangmei nakthühbü yeitikei.
12Hao thedanga kibü soneikangbü junga
hao sangmei danko senlaang hoba yasetham kibü wankak longkei.
13 Bunyubouei tokei müha langmak maaktikei;
hoba thükkabouei ngüh longkei,
senlaang hoba longan kibü wankak.
14Hobaje haoei haoeibü laujinei kipbei,
hoba khübü kho lintikei,
hoba langpon pontikei hoba haoen mangtikei.
15Kheijinei haoei haksi, O Bunyubou,
Kaibü kungkhünei hakhin si yungnyu maangkabou hapbei.
Hobaje kaodak tenshang kongkong apbei.
16Haoei saabü ka ik shingkei haoei kü to hatlepbei,
Haoei ngo yungnyu haübü ka senenkei.
17Haoei ngeibü hau kibü dangbou ka,
hoba kü to mangsenbü shuong ka ngo khümenkei;
aishanga kü shanga haoen kho yongko hau kibü kikei.
18Ngo thushed jihsiphaia haoen ngo khulimbo loukei;
lausikei Bunyubou ngeibü thuibou kikei.
19Haoei tokei, ngo hopabü kaoen che to leiyenkei;
haoei ngo püetkei aieilausi haoei kü to maangshikkei.
20 Bunyubouei ngo saopobü thüng kü la jongsak kukei;
ngeibü ik saopobü thüng haoei kü la kungailabü.
21Aishanga ngei Bunyuboueibü lamnyu phoa,
hoba amaibü kümbo ngeibü Mühghaü ka abang.
22Aishanga haoeibü matjem pendou kü thedanga kikei;
hoba haoeibü ngühkhüm kü jungka akukti.
23Ngo tokei hao junga ashedko kikei;
hoba ngei ngeibü shedbü ka ngo lolo bangenan kikei.
24Hibü Bunyubouei ngeibü saopobü thüng,
hao thea ngeibü ik saopoan kibü thüng,
kü la kungaikei.
25Üeisanou kibü müt to nyi no lolo üeisanou lenda,
shedbü akibü to nyi no lolo shedbü akiko lenda.
26Hinseibü müt to nyi no lolo henseian lenda,
Hobaje kombünongbü müt to nyi no lolo
koman nongan lenda.
27Aishanga nyi khonkua kibü shuong khümenda,
lausikei lilisesebü nyek nyi senyankulabü.
28Hobaje nyi ngeibü wanthung sapbuda;
Bunyubou ngeibü Mühghaüei ngeibü nakthüh ngesaktikuda.
29Aishanga no danko sekbülakbü tan che thükenkei;
hoba kü Mühghaü danko ngo sangnyu ba che to
saüjung angenkei.
30Mühghaüeibü kümsileije benbüsoubü ki;
Bunyubouei thekubü tükde ki.
Aoyouei hao to satenda haoen pendou shanga hao aih ki.
31Aieilausi Bunyubou to liman ao Mühghaü ki,
hoba seneibü Mühghaü to liman ao laangnyu ki?
32Haoei shembe hau kü la kaikuda;
hoba ngeibü lamnyu bentisoutida.
33Haoei ngeibü you meishieibü you tegü yeitida;
hoba shonghnyua ngo lotida.
34Ngeibü phemei chinameibü lau bühenlabü lele,
haoei ngeibü ikei wapyola lenda.
35Nyi kü la khümenbü aih kua,
hoba kaibü mae ikei ngo senetda,
hoba kaibü ea aoabüei ngo yaang yeitia.
36Nyi kü phanga ngeibü youyaü hopatham yeitikua,
hoba ngeibü you ashek.
37Ngei ngeibü dangbou shuong shikei hoba haoen laphetkei;
hoba haoen ashemti shongko ngo nyibou asepei.
38Haoen apienlabü lele ngei haoen to sukei,
hao ngeibü you phanga tuongkei.
39Aieilausi lason shanga nyi kü la shembe kaangko shenkukei.
40Nyi kü to mangsenbü shuong sepeijung ngaitia
hoba ngei ngeibü labou shuong shemtia.
41Haoenei ngekkei, lausikei püetlabü ao aki;
Bunyubou to ngekkei lausikei haoei haoen to ajongai.
42Kheijinei ngei haoen to yeia kibü
thamngu tegü netla yeiko ngümbei,
ngei haoen khonga thim tegü kangan apbei.
43Nyi ngo mütshuong wapyobü ka khümena,
nyi ngo phangshuong thüka khu yeitia,
phang laobou ngei ange haoenei ngo khangena.
44Haoenei kü shangabü ditbüyam haoenei kü to ngüha lelabü;
küksithang shuongei kü to ea aoa hehoat kilabü.
45Küksithang shuong maang aplabü,
hoba haoen lapheishon ka lühjilühko longlabü.
46 Bunyubou lang kida! Ngeibü laangnyu haübou yingshi;
hoba Mühghaü aoei kü shanga phok lambuda;
47Hobaje mütshuong kü phanga thepetan phokuda.
Hao ngo khümenbou Mühghaü, hao yaangentiashi!
48Haoei ngo ngeibü dangbou shuong ka khümenda,
haü aoyouei kükhu limbo meimeida
haoen thüka nyi ngo thungeijangeida;
nyi ngo sekbülakbü müt ka khümenda.
49 #
Rom 15.9 Hibü O Bunyubou, phangshuong yoa ngei no sangkho,
hoba kaibü nyena nyensang chia laukho.
50Haoeibü Choba la haoei khümenbü yaang kuda,
hoba haoei pienbü Dawid hoba haoeibü lilabü la
thon akiko haoei üeisanou lenda.
Currently Selected:
NYENSANG CHIA 18: CHANGBSI
Highlight
Share
Copy
Want to have your highlights saved across all your devices? Sign up or sign in
Chang Naga Bible - SAOPOBÜ LAI
Copyright © The Bible Society of India, 2002.
Used by permission. All rights reserved worldwide.
NYENSANG CHIA 18
18
Dawideibü Thükhapbü Chia
(2 Sam 22.1-51)
1Ngei ka to sanouda, O Bunyubou, ngeibü hau.
2 Bunyubou ngeibü laangnyu,
hoba ngeibü lapheishon hoba ngo khümenbou.
Ngeibü Mühghaü, ngeibü laang, ngo hao to satetlangkho.
Ngeibü aih ngo khümenbou teklaang,
ngeibü lapheishon suokbü.
3Ngeibü Bunyubou to ngakho,
nyensangla mubü.
Hibü ngo ngeibü dangbou ka khümenan kilabü.
4Haibü lühei ngo kailepbei;
hoba Mühghaü to ühütbü yungsenei ngo hattikei.
5Sheol lühei ngo komlepbei;
haibü sung kü jungto loukei.
6Ngeibü khonsaka ngei Bunyubou to ngakei,
hoba ngeibü Mühghaü to ngekkei;
haoei haoeibü lembüchem ka ngeibü ngüh ditkei.
Hobaje ngei hao to ngekbü haoeibü nou to atkei.
7Kheijinei kaodak nyaakkei hoba lühkei;
shongh tenshangkei nyaakeikei.
Hobaje kaodak teneikei, aieilausi hao khauangko kikei.
8Haoeibü kungkhün ka wankhük longkei.
Hobaje haoeibü sembung ka wan longkei.
khoei wankak yasetham aptikei.
9Haoei müh shuongkei bühyankei;
hoba haoeibü you phanga nakthühbü kho kikei.
10Hobaje kaakyembü kherabim che thüka setan pijung satkei;
haü, haoei yeieibü kaak thüka setan angkei.
11Haoei nakthühbü kho hao hushang yeitikei;
hao kailepbü chem kho lang khinbü sangmei nakthühbü yeitikei.
12Hao thedanga kibü soneikangbü junga
hao sangmei danko senlaang hoba yasetham kibü wankak longkei.
13 Bunyubouei tokei müha langmak maaktikei;
hoba thükkabouei ngüh longkei,
senlaang hoba longan kibü wankak.
14Hobaje haoei haoeibü laujinei kipbei,
hoba khübü kho lintikei,
hoba langpon pontikei hoba haoen mangtikei.
15Kheijinei haoei haksi, O Bunyubou,
Kaibü kungkhünei hakhin si yungnyu maangkabou hapbei.
Hobaje kaodak tenshang kongkong apbei.
16Haoei saabü ka ik shingkei haoei kü to hatlepbei,
Haoei ngo yungnyu haübü ka senenkei.
17Haoei ngeibü hau kibü dangbou ka,
hoba kü to mangsenbü shuong ka ngo khümenkei;
aishanga kü shanga haoen kho yongko hau kibü kikei.
18Ngo thushed jihsiphaia haoen ngo khulimbo loukei;
lausikei Bunyubou ngeibü thuibou kikei.
19Haoei tokei, ngo hopabü kaoen che to leiyenkei;
haoei ngo püetkei aieilausi haoei kü to maangshikkei.
20 Bunyubouei ngo saopobü thüng kü la jongsak kukei;
ngeibü ik saopobü thüng haoei kü la kungailabü.
21Aishanga ngei Bunyuboueibü lamnyu phoa,
hoba amaibü kümbo ngeibü Mühghaü ka abang.
22Aishanga haoeibü matjem pendou kü thedanga kikei;
hoba haoeibü ngühkhüm kü jungka akukti.
23Ngo tokei hao junga ashedko kikei;
hoba ngei ngeibü shedbü ka ngo lolo bangenan kikei.
24Hibü Bunyubouei ngeibü saopobü thüng,
hao thea ngeibü ik saopoan kibü thüng,
kü la kungaikei.
25Üeisanou kibü müt to nyi no lolo üeisanou lenda,
shedbü akibü to nyi no lolo shedbü akiko lenda.
26Hinseibü müt to nyi no lolo henseian lenda,
Hobaje kombünongbü müt to nyi no lolo
koman nongan lenda.
27Aishanga nyi khonkua kibü shuong khümenda,
lausikei lilisesebü nyek nyi senyankulabü.
28Hobaje nyi ngeibü wanthung sapbuda;
Bunyubou ngeibü Mühghaüei ngeibü nakthüh ngesaktikuda.
29Aishanga no danko sekbülakbü tan che thükenkei;
hoba kü Mühghaü danko ngo sangnyu ba che to
saüjung angenkei.
30Mühghaüeibü kümsileije benbüsoubü ki;
Bunyubouei thekubü tükde ki.
Aoyouei hao to satenda haoen pendou shanga hao aih ki.
31Aieilausi Bunyubou to liman ao Mühghaü ki,
hoba seneibü Mühghaü to liman ao laangnyu ki?
32Haoei shembe hau kü la kaikuda;
hoba ngeibü lamnyu bentisoutida.
33Haoei ngeibü you meishieibü you tegü yeitida;
hoba shonghnyua ngo lotida.
34Ngeibü phemei chinameibü lau bühenlabü lele,
haoei ngeibü ikei wapyola lenda.
35Nyi kü la khümenbü aih kua,
hoba kaibü mae ikei ngo senetda,
hoba kaibü ea aoabüei ngo yaang yeitia.
36Nyi kü phanga ngeibü youyaü hopatham yeitikua,
hoba ngeibü you ashek.
37Ngei ngeibü dangbou shuong shikei hoba haoen laphetkei;
hoba haoen ashemti shongko ngo nyibou asepei.
38Haoen apienlabü lele ngei haoen to sukei,
hao ngeibü you phanga tuongkei.
39Aieilausi lason shanga nyi kü la shembe kaangko shenkukei.
40Nyi kü to mangsenbü shuong sepeijung ngaitia
hoba ngei ngeibü labou shuong shemtia.
41Haoenei ngekkei, lausikei püetlabü ao aki;
Bunyubou to ngekkei lausikei haoei haoen to ajongai.
42Kheijinei ngei haoen to yeia kibü
thamngu tegü netla yeiko ngümbei,
ngei haoen khonga thim tegü kangan apbei.
43Nyi ngo mütshuong wapyobü ka khümena,
nyi ngo phangshuong thüka khu yeitia,
phang laobou ngei ange haoenei ngo khangena.
44Haoenei kü shangabü ditbüyam haoenei kü to ngüha lelabü;
küksithang shuongei kü to ea aoa hehoat kilabü.
45Küksithang shuong maang aplabü,
hoba haoen lapheishon ka lühjilühko longlabü.
46 Bunyubou lang kida! Ngeibü laangnyu haübou yingshi;
hoba Mühghaü aoei kü shanga phok lambuda;
47Hobaje mütshuong kü phanga thepetan phokuda.
Hao ngo khümenbou Mühghaü, hao yaangentiashi!
48Haoei ngo ngeibü dangbou shuong ka khümenda,
haü aoyouei kükhu limbo meimeida
haoen thüka nyi ngo thungeijangeida;
nyi ngo sekbülakbü müt ka khümenda.
49 #
Rom 15.9 Hibü O Bunyubou, phangshuong yoa ngei no sangkho,
hoba kaibü nyena nyensang chia laukho.
50Haoeibü Choba la haoei khümenbü yaang kuda,
hoba haoei pienbü Dawid hoba haoeibü lilabü la
thon akiko haoei üeisanou lenda.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Chang Naga Bible - SAOPOBÜ LAI
Copyright © The Bible Society of India, 2002.
Used by permission. All rights reserved worldwide.