NYENSANG CHIA 17
17
Shedbü Akibü Müt Che shanga Welaubü
1Ngühmai to ditshi, O Bunyubou, ngei ngekbü ditshi;
khüpsilang akibü sembungkhop ka longbü ngeibü welau ditshi!
2Ngeibü matmai ka jungka longtishi;
kaibü nyekei ngühmai haptiashi!
3Nyi ngeibü maangpon takteia tegükei,
nyi ngo nangnak takteia tegükei;
Nyi ngo takteia tegükei,
Nyi kü ka amaibü ühüplabü.
Kü sembungei ngühkhüm ajaksheila maangangena.
4Müteibü kümsilei shanga hai,
kaibü sembung kabü ngüh danko ngo
sekbülakbü kümsilei ka ngo lolo banga.
5Kaibü lamnyu ka ngei ngeibü younak üeisheida,
ngeibü you ashek.
6Ngei ka to ngekda, aieilausi nyi kü to jongailabü, O Mühghaü.
Kaibü nou kü ae yeishi, hoba ngeibü ngüh ditshi.
7Kaibü kaangbüsekbü sanou maangpanglabü thonan lenashi;
ka to aoyouei satenda, haoen khulimbo meimeibü shuong ka
nyi kaibü mae ikei haoen khümenda.
8Ngo khonkutibü amaibou ka,
ngo komlepbü ngeibü dangbou sekbülakbü ka.
9Kaibü kaak yemephanga ngo hushi.
Leilutibou amaibou ka ngo khümenshi.
10Haoeneibü maangpona onou akakkei;
haoeneibü sembungei haoenei yonglam lilibü lauda.
11Haoenei youmo phanko laphetda, tou haoenei ngo kailepda;
haoenei ngo kaoa tuongtila chüheida.
12Aoei haitilabü meisiau shanga haiyeida,
hao molosaonyu tegü kia,
hoba thoan kibü molosaonyu paang phatko ki.
13Meimeiashi, O Bunyubou, hao to shuokashi, hao tuongtiashi,
amaibou ka inei, ngeibü soushou khümenashi.
14Müt ka kaibü ikei O Bunyubou, kaodakbü müt ka,
aoyoueibü phejan ho langkeia ki;
hoba aoyoueibü shi haibü nyakeinamei nyi shentida.
Haoen ka ngo khümenashi;
Shousiei haoen maang haida hoba haoeneibü
joubü nyaksinam jembü shousi la phokuda!
15Ngeije matmaibüa kaibü thenyek chühlabü,
ngo pijinei kaibü mang hapan ngo maang hailabü.
Currently Selected:
NYENSANG CHIA 17: CHANGBSI
Highlight
Share
Copy
Want to have your highlights saved across all your devices? Sign up or sign in
Chang Naga Bible - SAOPOBÜ LAI
Copyright © The Bible Society of India, 2002.
Used by permission. All rights reserved worldwide.
NYENSANG CHIA 17
17
Shedbü Akibü Müt Che shanga Welaubü
1Ngühmai to ditshi, O Bunyubou, ngei ngekbü ditshi;
khüpsilang akibü sembungkhop ka longbü ngeibü welau ditshi!
2Ngeibü matmai ka jungka longtishi;
kaibü nyekei ngühmai haptiashi!
3Nyi ngeibü maangpon takteia tegükei,
nyi ngo nangnak takteia tegükei;
Nyi ngo takteia tegükei,
Nyi kü ka amaibü ühüplabü.
Kü sembungei ngühkhüm ajaksheila maangangena.
4Müteibü kümsilei shanga hai,
kaibü sembung kabü ngüh danko ngo
sekbülakbü kümsilei ka ngo lolo banga.
5Kaibü lamnyu ka ngei ngeibü younak üeisheida,
ngeibü you ashek.
6Ngei ka to ngekda, aieilausi nyi kü to jongailabü, O Mühghaü.
Kaibü nou kü ae yeishi, hoba ngeibü ngüh ditshi.
7Kaibü kaangbüsekbü sanou maangpanglabü thonan lenashi;
ka to aoyouei satenda, haoen khulimbo meimeibü shuong ka
nyi kaibü mae ikei haoen khümenda.
8Ngo khonkutibü amaibou ka,
ngo komlepbü ngeibü dangbou sekbülakbü ka.
9Kaibü kaak yemephanga ngo hushi.
Leilutibou amaibou ka ngo khümenshi.
10Haoeneibü maangpona onou akakkei;
haoeneibü sembungei haoenei yonglam lilibü lauda.
11Haoenei youmo phanko laphetda, tou haoenei ngo kailepda;
haoenei ngo kaoa tuongtila chüheida.
12Aoei haitilabü meisiau shanga haiyeida,
hao molosaonyu tegü kia,
hoba thoan kibü molosaonyu paang phatko ki.
13Meimeiashi, O Bunyubou, hao to shuokashi, hao tuongtiashi,
amaibou ka inei, ngeibü soushou khümenashi.
14Müt ka kaibü ikei O Bunyubou, kaodakbü müt ka,
aoyoueibü phejan ho langkeia ki;
hoba aoyoueibü shi haibü nyakeinamei nyi shentida.
Haoen ka ngo khümenashi;
Shousiei haoen maang haida hoba haoeneibü
joubü nyaksinam jembü shousi la phokuda!
15Ngeije matmaibüa kaibü thenyek chühlabü,
ngo pijinei kaibü mang hapan ngo maang hailabü.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Chang Naga Bible - SAOPOBÜ LAI
Copyright © The Bible Society of India, 2002.
Used by permission. All rights reserved worldwide.