MARK Ngühip
Ngühip
Ngühlangmaibü Mark eibü ngühsüng “Mühghaü Shou Jisu Khrista shangabü Ngühlang Maibü” dogo lauan khangda. Jisu kho kümbouleibou hoba seisihau kibou müt che tegü lenenda. Haoeibü hau kho haoeibü lenbüa, shabü sou thüka hao seia, hoba mütshuongeibü shabü apbubüa hapda. Jisuei jembü lolo hao kho mütshuong shabü ka dongebü haptila shanga hao langkei kula loubou, Müteibü Shou dogo lenenda.
Markei Jisueibü ngühli kho haoeibü ngüh ayingsi lenbüa ayingko tangsheitham Jisuei ai kümbei khünei younak laman aeibou maang kaangbü hangalama kuda. Johan Baptikubou hoba Jisu baptibü si takteibü shangabü tuisho ong thenan phaiaje, dobouei Jisueibü khangenbüa maitibü hoba lenbü khangenbü aeto tongde lilangakei. Kiko kiko, Jisu phai sembü shuongei hao shangashatbou ditenjung loukei, lausikei Jisueibü dangbü shuong aei sekboulakbou yeikei. Thonbü lip shuongei Jisueibü kaodak salang thonbü, hoba kongnyuleko hao peiseia thüngbü hoba langngaibü shangabü ngetida.
Kailepbüa kubü Ngühlangmaibü thonshang nyi khoje Markei ayingko lubü atei dokei dogo lauenda.
Komdak
Ngühlangmaibü khangbü 1.1-13
Galila Jisuei khangenbü 1.14–9.50
Galil ka Jerusalem 10.1-52
Jerusalema hoba nyangko thonbü bale 11.1–15.47
Jisu langngaibü 16.1-8
Langngaibü Bunyubou longan lenbü hoba
khuthük to angbü 16.9-20
Currently Selected:
MARK Ngühip: CHANGBSI
Highlight
Share
Copy
Want to have your highlights saved across all your devices? Sign up or sign in
Chang Naga Bible - SAOPOBÜ LAI
Copyright © The Bible Society of India, 2002.
Used by permission. All rights reserved worldwide.