Ifya Ŵalefai 5
5
1Kaŵili kani umuntu aŵifye, pakumfwa isiwi lyakulapa, kani ye nimboni, kani waŵona neli kwisiŵa, naye tekucifisulula, kansi akapinta umulandu wakwe; 2kaŵili kani umuntu akume-ko kucintu iciŵipile, neli nikucisa canama iŵipile, neli nikucisa caŋombe isiŵipile, neli nikucisa ca fintu ifikalaŵa ifiŵipile; kani ifyo filimufisilwe naye nekuŵa uŵipile, akalukuli nemulandu; 3neli kani aku me-ko kukuŵipa kwamuntu, naŋgawa kuŵipa kwakwe konse lukoso ukwali nako, nafyo nekumufisilwa; lomba pakufiisiŵa eli aŋgalukuli nemulandu. 4Kaŵili kani umuntu alape kumulomo wakwe ukwakuŵulo'kulaŋguluka bwino, ati acite ifyakuŵifya neli fyakuwama, fyonse lukoso ifi alaŵile umuntu ukulapa ukwakuwulo'kulaŋguluka bwino, nafyo nekumufisilwa; pakufiisiŵa eli aŋgalukuli nemulandu uwapali cimo icafyefyo-fintu. 5Kaŵili pakuŵa nemulandu uwa pali cimo icafyefyo, akacifisulule ico aŵifisye; 6kaŵili akalete kuli ŵaYawe umulambu wakwe uwapamulandu pakuti pakuŵifya uko aŵifisye, iya naka si iyapetaŋga, kani mwana wambelele kani wambusi, ati mulambu uwapafyakuŵifya; popele umupapatilisi akamucitile ukulamwina ifyapakuŵifya kwakwe.
7Lomba kani taakwete uŵuŵoni ubwakukumana umwana wambelele, eli akalete kuli ŵaYawe umulambu wakwe uwa pamulandu pakuti pali fyefyo ifi aŵifisye, ŵasikampele ŵaŵili neli twana twaŋkulimba tuwili, kamo ati mulambu uwapafyakuŵifya nakambi ati mulambu wakoca. 8Lomba akatulete kumupapatilisi ukataŋgo'kuposa akamulambu uwapafyakuŵifya akakapoto'mukosi ukuufumyo'mutwi, sombi tesi akapinike pakati; 9kaŵili akasanse ifyamilopa yamulambu uwapafyakuŵifya pambali yaconto; lomba imilopa iyakusyala-po ikapokomoke ukufuma pansi paconto: mulambu uwapafyakuŵifya. 10Peŋka akapose akaŵutuŵili ati mulambu uwakoca, koti lifunde; lomba umupapatilisi akamucitile ukulamwina pafyakuŵifya fyakwe ifi acitile, naye eli kuŋgamufitulucilwa.
11Sombi kani uŵuŵoni bwakwe taŵukumene neli niŵasikampele ŵaŵili neli twana twaŋkulimba tuŵili, peŋka akalete umulambu wakwe pali fyefyo ifi aŵifisye icakwesya cimo pekumi caefa wawuŋga uŵupelekele ati mulambu uwapafyakuŵifya; tesi aŵike-po neli nilibona, tau; pakuti mulambu wapafyakuŵifya. 12Peŋka akaŵulete kumupapatilisi, lomba umupapatilisi eli akaŵule-po icakwe icakwesya palupi koti cakwanusya caciko, akacoce paconto, pamilambu iyakuli ŵaYawe iyamumulilo: mulambu uwapafyakuŵifya. 13Lomba umupapatilisi eli akamucitile ukulamwina ifyakuŵifya kwakwe uku aŵifisye pali fyefyo fyonse, naye eli kuŋgamufitulucilwa; peŋka ifyakusyala-po fikalukuli fyamupapatilisi koti mulambu wawuŋga.
14Kaŵili ŵaYawe ŵalilaŵile kuli Mose ati: 15Kani umuntu apulaisye, aŵifye ukwakuŵulo'kwisiŵa pafintu ifiswetelele ifyakuli ŵaYawe, eli akalete kuli ŵaYawe umulambu wakwe uwapamulandu, imbelele iyalalume iyapetaŋga iyakuŵule'fisemba, koti kweŵa koŵe ukwesilifa pakupenda amasyekeli, koti lisyekeli ilyamumulenda uswetelele, ati mulambu uwa pamulandu. 16Kaŵili akabwesye pakuti pali fyefyo ifi aŵifisye pacintu iciswetelele, akalundepo nacimo pali fisanu, akapele umupapatilisi; lomba umupapatilisi akamucitile ukulamwina kumbelele iyalalume iyamulambu uwa pamulandu, naye eli kuŋgamufitulucilwa.
17Kaŵili kani umuntu aŵifye acite'fyo-fintu ifyafundile ŵaYawe ati tekuficita, naŋgawa ati tafiisiŵile-po, naŋgawe'fyo ali nemulandu, akapinta ukuŵifya kwakwe. 18Kaŵili akalete kumupapatilisi iyapetaŋga iyakuŵule' fisemba, koti kweŵa koŵe, ati mulambu uwa pamulandu; peŋka umupapatilisi eli akamucitile ukulamwina ifyapali fyefyo ifi asendekele ukwakuŵulo'kwisiŵa, naye eli kuŋgamufitulucilwa, 19Mulambu uwapamulandu; ali nemulandu icine pamenso aŵaYawe.
Currently Selected:
Ifya Ŵalefai 5: AAL59
Highlight
Copy
Compare
Share
Want to have your highlights saved across all your devices? Sign up or sign in
Lamba Bible Version © United Bible Societies, 1959.
Ifya Ŵalefai 5
5
1Kaŵili kani umuntu aŵifye, pakumfwa isiwi lyakulapa, kani ye nimboni, kani waŵona neli kwisiŵa, naye tekucifisulula, kansi akapinta umulandu wakwe; 2kaŵili kani umuntu akume-ko kucintu iciŵipile, neli nikucisa canama iŵipile, neli nikucisa caŋombe isiŵipile, neli nikucisa ca fintu ifikalaŵa ifiŵipile; kani ifyo filimufisilwe naye nekuŵa uŵipile, akalukuli nemulandu; 3neli kani aku me-ko kukuŵipa kwamuntu, naŋgawa kuŵipa kwakwe konse lukoso ukwali nako, nafyo nekumufisilwa; lomba pakufiisiŵa eli aŋgalukuli nemulandu. 4Kaŵili kani umuntu alape kumulomo wakwe ukwakuŵulo'kulaŋguluka bwino, ati acite ifyakuŵifya neli fyakuwama, fyonse lukoso ifi alaŵile umuntu ukulapa ukwakuwulo'kulaŋguluka bwino, nafyo nekumufisilwa; pakufiisiŵa eli aŋgalukuli nemulandu uwapali cimo icafyefyo-fintu. 5Kaŵili pakuŵa nemulandu uwa pali cimo icafyefyo, akacifisulule ico aŵifisye; 6kaŵili akalete kuli ŵaYawe umulambu wakwe uwapamulandu pakuti pakuŵifya uko aŵifisye, iya naka si iyapetaŋga, kani mwana wambelele kani wambusi, ati mulambu uwapafyakuŵifya; popele umupapatilisi akamucitile ukulamwina ifyapakuŵifya kwakwe.
7Lomba kani taakwete uŵuŵoni ubwakukumana umwana wambelele, eli akalete kuli ŵaYawe umulambu wakwe uwa pamulandu pakuti pali fyefyo ifi aŵifisye, ŵasikampele ŵaŵili neli twana twaŋkulimba tuwili, kamo ati mulambu uwapafyakuŵifya nakambi ati mulambu wakoca. 8Lomba akatulete kumupapatilisi ukataŋgo'kuposa akamulambu uwapafyakuŵifya akakapoto'mukosi ukuufumyo'mutwi, sombi tesi akapinike pakati; 9kaŵili akasanse ifyamilopa yamulambu uwapafyakuŵifya pambali yaconto; lomba imilopa iyakusyala-po ikapokomoke ukufuma pansi paconto: mulambu uwapafyakuŵifya. 10Peŋka akapose akaŵutuŵili ati mulambu uwakoca, koti lifunde; lomba umupapatilisi akamucitile ukulamwina pafyakuŵifya fyakwe ifi acitile, naye eli kuŋgamufitulucilwa.
11Sombi kani uŵuŵoni bwakwe taŵukumene neli niŵasikampele ŵaŵili neli twana twaŋkulimba tuŵili, peŋka akalete umulambu wakwe pali fyefyo ifi aŵifisye icakwesya cimo pekumi caefa wawuŋga uŵupelekele ati mulambu uwapafyakuŵifya; tesi aŵike-po neli nilibona, tau; pakuti mulambu wapafyakuŵifya. 12Peŋka akaŵulete kumupapatilisi, lomba umupapatilisi eli akaŵule-po icakwe icakwesya palupi koti cakwanusya caciko, akacoce paconto, pamilambu iyakuli ŵaYawe iyamumulilo: mulambu uwapafyakuŵifya. 13Lomba umupapatilisi eli akamucitile ukulamwina ifyakuŵifya kwakwe uku aŵifisye pali fyefyo fyonse, naye eli kuŋgamufitulucilwa; peŋka ifyakusyala-po fikalukuli fyamupapatilisi koti mulambu wawuŋga.
14Kaŵili ŵaYawe ŵalilaŵile kuli Mose ati: 15Kani umuntu apulaisye, aŵifye ukwakuŵulo'kwisiŵa pafintu ifiswetelele ifyakuli ŵaYawe, eli akalete kuli ŵaYawe umulambu wakwe uwapamulandu, imbelele iyalalume iyapetaŋga iyakuŵule'fisemba, koti kweŵa koŵe ukwesilifa pakupenda amasyekeli, koti lisyekeli ilyamumulenda uswetelele, ati mulambu uwa pamulandu. 16Kaŵili akabwesye pakuti pali fyefyo ifi aŵifisye pacintu iciswetelele, akalundepo nacimo pali fisanu, akapele umupapatilisi; lomba umupapatilisi akamucitile ukulamwina kumbelele iyalalume iyamulambu uwa pamulandu, naye eli kuŋgamufitulucilwa.
17Kaŵili kani umuntu aŵifye acite'fyo-fintu ifyafundile ŵaYawe ati tekuficita, naŋgawa ati tafiisiŵile-po, naŋgawe'fyo ali nemulandu, akapinta ukuŵifya kwakwe. 18Kaŵili akalete kumupapatilisi iyapetaŋga iyakuŵule' fisemba, koti kweŵa koŵe, ati mulambu uwa pamulandu; peŋka umupapatilisi eli akamucitile ukulamwina ifyapali fyefyo ifi asendekele ukwakuŵulo'kwisiŵa, naye eli kuŋgamufitulucilwa, 19Mulambu uwapamulandu; ali nemulandu icine pamenso aŵaYawe.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Lamba Bible Version © United Bible Societies, 1959.