Ifya Ŵalefai 4
4
1Lomba ŵaYawe ŵalilaŵile kuli Mose ati: 2ulaŵile kuŵaIsilaeli ati, Kani umuntu aŵifye ukwakuŵulo'kwisiŵa pafintu ifyo ifyafundile ŵaYawe ati tekuficita, kani acite; 3kani umupapatilisi usufisiwe aŵifye, aŵaletele aŵantu umulandu; peŋka ŋgaapose umulambu pakuti pakuŵifya kwakwe uko waŵifya, umwana waŋombe umusune uwakuŵule' fisemba uwakuli ŵaYawe, ati mulambu uwapafyakuŵifya. 4Peŋka akailete iŋombe kumulyaŋgo wesema lvewuŋgano pamenso aŵaYawe; eli akaŵike ukuŵoko kwakwe pamutwi waŋombe akaipaye iŋombe pamenso aŵaYawe. 5Popele umupapatilisi usufisiwe akaŵule-po pamilopa yaŋombe, akalete kwisema lyeŵuŋgano; 6peŋka umupapatilisi akasumpe-mo nemunwe wakwe mumilopa, asanse ifyamilopa impindi sisanu nasiŵili pamenso aŵaYawe, pamenso acipembe icakumulenda uswetelele. 7Peŋka umupapatilisi akaŵike ifyamilopa pamaseŋgo akuconto icafinuncile bwino ifyanse pamenso aŵaYawe, icili mwisema Ivewuŋgano; kaŵili imilopa yaŋombe yonse aketulwile kucapansi icakuconto camilambu iyakoca, icili kumulyaŋgo uwakwisema lyewuŋgano. 8Kaŵili amafuta onse akuŋombe yamulambu uwapafyakuŵifya akaafumye pali yo; amafuta afimba-po pafyamukati, nemafuta onse ali pafyamukati, 9nemfyo syoŵilo pamo nemafuta ali pali syo, ali muluŵunda, nalwisalila uli paciŵu, pamo nemfyo, akafifumye fyonse, 10koti nifyopele'fyo ifyafumiwa kuŋombe yamulambu wafyakuposa ifyaŵutende; peŋka umupapatilisi akafyoce paconto camilambu iyakoca. 11Popele iciseŵa caŋombe pamo neminefu yaiyo yonse, nefiso nefyamukati, neŵufulu, 12icine iŋombe yonse akaipintile pesonde lyacisasa apaswetele apakwitilwa amatoi, akayoce paŋkuni nemulilo; apakwitilwa amatoi epo ikociwe.
13Popele kani iŵumba lyaŵaIsilaeli lyonse likaŵifye, kani ukuŵifyo'ko kukafiswe kumenso ewuŋgano, kani ŵacita ifintu ifyo ifyafundile ŵaYawe ati tekuficita, kani kaŵili ŵali nemulandu; 14pakumfwanika ukuŵifya uko ŵaŵifya, peŋka iwuŋgano eli likapose umwana waŋombe umusune ati mulambu wapafyakuŵifya, likalete pamenso esema lvewuŋgano. 15Peŋka aŵakulu ŵeŵumba ŵakaŵike amaŵoko aŵo pamutwi waŋombe pamenso aŵaYawe; popele iŋombe ikepaiwe pamenso aŵaYawe. 16Peŋka umupapatilisi usufisiwe akalete imilopa yaŋombe kwisema Ivewuŋgano: 17naye umupapatilisi akasumpe umunwe wakwe mumilopa nekwisansa impindi sisanu nasiŵili pamenso aŵaYawe, pamenso pacipembe. 18Eli akaŵike ifyamilopa pamaseŋgo aconto icili pamenso aŵaYawe, icili mwisema lvewuŋgano, kaŵili imilopa yonse aketulwile kucapansi icakuconto camilambu iyakoca, icili kumulyaŋgo uwakwisema lyewuŋgano. 19Kaŵili amafuta aiyo onse akaafumye pali yo, akaoce paconto. 20Akacite'fyo neŋombe: fyopele'fyo ifi acitile neŋombe yamulambu uwapafyakuŵifya, koti nifyopele'fyo akacite nayiyi; lomba umupapatilisi akaŵacitile ukulamwina, naŵo eli kuŋgawafitulucilwa. 21Peŋka iŋombe akaipintile pesonde lyacisasa, akayoce koti nifyopele'fyo ifi ayocele iŋombe yakutaŋga: mulambu wapafyakuŵifya fyeŵumba.
22Kaŵili impemba pakuŵifya nekucita apakuŵulo'kwisiŵa cimbi icapafintu ifyo fyonse ifyalaile ŵaYawe Lesa waiyo ati tekuficita, kani ili nemulandu; 23lomba ukuŵifya kwaiyo uko yaŵifisye kani kwaisiŵikwa kuli yo, ikalete umulambu waiyo, imbusi, iyalalume iyakuŵule'fisemba; 24eli ikaŵike ukuŵoko kwaiyo pamutwi wambusi, aipaile pantu apo ŵepaila umulambu uwakoca pamenso aŵaYawe; mulambu wapafyakuŵifya. 25Peŋka umupapatilisi akaŵule pamilopa yamulambu uwapafyakuŵifya kumunwe wakwe, aiŵike pamaseŋgo akuconto camilambu iyakoca; lomba nemilopa yakuko aketulwile kuca pansi icakuconto camilambu iyakoca. 26Kaŵili amafuta akuko onse akoce paconto, koti nifyefyo ifi aocele amafuta amulambu wafyakuposa ifyaŵutende; lomba umupapatilisi akecitile ukulamwina pakuŵifya kwaiyo, nayo eli kuŋgaifitulucilwa.
27Kaŵili umbi umucete, kani aŵifye apakuŵulo'kwisiŵa, pakucita cimbi icapafintu ifyo ifyalaile ŵaYawe ati tekuficita, kani ali nemulandu; 28lomba ukuŵifya kwakwe uko aŵifisye kani kwaisiŵikwa kuli ye, eli akalete umulambu wakwe, imbusi iyanakasi iyakuŵule'fisemba, pakuti pakuŵifya kwakwe uko aŵifya. 29Eli akaŵike ukuŵoko kwakwe pamutwi wamulambu uwapafyakuŵifya, akepailo'mulambu uwapafyakuŵifya pamupunda wamilambu iyakoca. 30Peŋka umupapatilisi akaŵule pamilopa yakuko kumunwe wakwe, aiŵike pamaseŋgo akuconto camilambu iyakoca, lomba nemilopa yakuko yonse aketulwile kuca pansi icakuconto. 31Kaŵili nemafuta akuko onse akaafumye, koti nifyopele'fyo ifyafumisiwa amafuta kumulambu wafyakuposa ifyaŵutende; lomba umupapatilisi eli akaoee paconto ati kunuŋka kwanse ukwakuli ŵaYawe; kaŵili umupapatilisi akamucitile ukulamwina naye eli kuŋgamufitulucilwa.
32Kaŵili kani alete umwana wambelele ati mulambu wakwe uwakuposa pafyakuŵifya, akalete umwanakasi uwakuŵule'cisemba. 33Eli akaŵike ukuŵoko kwakwe pamutwi wamulambu uwapafyakuŵifya, awipaye ati mulambu uwapafyakuŵifya pamupunda apo ŵepaila umulambu uwakoca. 34Peŋka umupapatilisi akaŵule pamilopa yamulambu uwapafyakuŵifya kumunwe wakwe, aiŵike pamaseŋgo akuconto camilambu iyakoca, lomba nemilopa yakuko yonse aketulwile kuca pansi icakuconto; 35kaŵili nemafuta akuko onse akaafumye, koti nifyopele'fyo ifyafumisiwa amafuta amwana wambelele kumulambu wafyakuposa ifyaŵutende; lomba umupapatilisi eli akafyoce paconto, peulu pafyakuŵaposela ŵaYawe ifyapamulilo; kaŵili umupapatilisi akamucitile ukulamwina pakuŵifya kwakwe uko aŵifisye, naye eli kuŋgamufitulucilwa.
Currently Selected:
Ifya Ŵalefai 4: AAL59
Highlight
Copy
Compare
Share
Want to have your highlights saved across all your devices? Sign up or sign in
Lamba Bible Version © United Bible Societies, 1959.
Ifya Ŵalefai 4
4
1Lomba ŵaYawe ŵalilaŵile kuli Mose ati: 2ulaŵile kuŵaIsilaeli ati, Kani umuntu aŵifye ukwakuŵulo'kwisiŵa pafintu ifyo ifyafundile ŵaYawe ati tekuficita, kani acite; 3kani umupapatilisi usufisiwe aŵifye, aŵaletele aŵantu umulandu; peŋka ŋgaapose umulambu pakuti pakuŵifya kwakwe uko waŵifya, umwana waŋombe umusune uwakuŵule' fisemba uwakuli ŵaYawe, ati mulambu uwapafyakuŵifya. 4Peŋka akailete iŋombe kumulyaŋgo wesema lvewuŋgano pamenso aŵaYawe; eli akaŵike ukuŵoko kwakwe pamutwi waŋombe akaipaye iŋombe pamenso aŵaYawe. 5Popele umupapatilisi usufisiwe akaŵule-po pamilopa yaŋombe, akalete kwisema lyeŵuŋgano; 6peŋka umupapatilisi akasumpe-mo nemunwe wakwe mumilopa, asanse ifyamilopa impindi sisanu nasiŵili pamenso aŵaYawe, pamenso acipembe icakumulenda uswetelele. 7Peŋka umupapatilisi akaŵike ifyamilopa pamaseŋgo akuconto icafinuncile bwino ifyanse pamenso aŵaYawe, icili mwisema Ivewuŋgano; kaŵili imilopa yaŋombe yonse aketulwile kucapansi icakuconto camilambu iyakoca, icili kumulyaŋgo uwakwisema lyewuŋgano. 8Kaŵili amafuta onse akuŋombe yamulambu uwapafyakuŵifya akaafumye pali yo; amafuta afimba-po pafyamukati, nemafuta onse ali pafyamukati, 9nemfyo syoŵilo pamo nemafuta ali pali syo, ali muluŵunda, nalwisalila uli paciŵu, pamo nemfyo, akafifumye fyonse, 10koti nifyopele'fyo ifyafumiwa kuŋombe yamulambu wafyakuposa ifyaŵutende; peŋka umupapatilisi akafyoce paconto camilambu iyakoca. 11Popele iciseŵa caŋombe pamo neminefu yaiyo yonse, nefiso nefyamukati, neŵufulu, 12icine iŋombe yonse akaipintile pesonde lyacisasa apaswetele apakwitilwa amatoi, akayoce paŋkuni nemulilo; apakwitilwa amatoi epo ikociwe.
13Popele kani iŵumba lyaŵaIsilaeli lyonse likaŵifye, kani ukuŵifyo'ko kukafiswe kumenso ewuŋgano, kani ŵacita ifintu ifyo ifyafundile ŵaYawe ati tekuficita, kani kaŵili ŵali nemulandu; 14pakumfwanika ukuŵifya uko ŵaŵifya, peŋka iwuŋgano eli likapose umwana waŋombe umusune ati mulambu wapafyakuŵifya, likalete pamenso esema lvewuŋgano. 15Peŋka aŵakulu ŵeŵumba ŵakaŵike amaŵoko aŵo pamutwi waŋombe pamenso aŵaYawe; popele iŋombe ikepaiwe pamenso aŵaYawe. 16Peŋka umupapatilisi usufisiwe akalete imilopa yaŋombe kwisema Ivewuŋgano: 17naye umupapatilisi akasumpe umunwe wakwe mumilopa nekwisansa impindi sisanu nasiŵili pamenso aŵaYawe, pamenso pacipembe. 18Eli akaŵike ifyamilopa pamaseŋgo aconto icili pamenso aŵaYawe, icili mwisema lvewuŋgano, kaŵili imilopa yonse aketulwile kucapansi icakuconto camilambu iyakoca, icili kumulyaŋgo uwakwisema lyewuŋgano. 19Kaŵili amafuta aiyo onse akaafumye pali yo, akaoce paconto. 20Akacite'fyo neŋombe: fyopele'fyo ifi acitile neŋombe yamulambu uwapafyakuŵifya, koti nifyopele'fyo akacite nayiyi; lomba umupapatilisi akaŵacitile ukulamwina, naŵo eli kuŋgawafitulucilwa. 21Peŋka iŋombe akaipintile pesonde lyacisasa, akayoce koti nifyopele'fyo ifi ayocele iŋombe yakutaŋga: mulambu wapafyakuŵifya fyeŵumba.
22Kaŵili impemba pakuŵifya nekucita apakuŵulo'kwisiŵa cimbi icapafintu ifyo fyonse ifyalaile ŵaYawe Lesa waiyo ati tekuficita, kani ili nemulandu; 23lomba ukuŵifya kwaiyo uko yaŵifisye kani kwaisiŵikwa kuli yo, ikalete umulambu waiyo, imbusi, iyalalume iyakuŵule'fisemba; 24eli ikaŵike ukuŵoko kwaiyo pamutwi wambusi, aipaile pantu apo ŵepaila umulambu uwakoca pamenso aŵaYawe; mulambu wapafyakuŵifya. 25Peŋka umupapatilisi akaŵule pamilopa yamulambu uwapafyakuŵifya kumunwe wakwe, aiŵike pamaseŋgo akuconto camilambu iyakoca; lomba nemilopa yakuko aketulwile kuca pansi icakuconto camilambu iyakoca. 26Kaŵili amafuta akuko onse akoce paconto, koti nifyefyo ifi aocele amafuta amulambu wafyakuposa ifyaŵutende; lomba umupapatilisi akecitile ukulamwina pakuŵifya kwaiyo, nayo eli kuŋgaifitulucilwa.
27Kaŵili umbi umucete, kani aŵifye apakuŵulo'kwisiŵa, pakucita cimbi icapafintu ifyo ifyalaile ŵaYawe ati tekuficita, kani ali nemulandu; 28lomba ukuŵifya kwakwe uko aŵifisye kani kwaisiŵikwa kuli ye, eli akalete umulambu wakwe, imbusi iyanakasi iyakuŵule'fisemba, pakuti pakuŵifya kwakwe uko aŵifya. 29Eli akaŵike ukuŵoko kwakwe pamutwi wamulambu uwapafyakuŵifya, akepailo'mulambu uwapafyakuŵifya pamupunda wamilambu iyakoca. 30Peŋka umupapatilisi akaŵule pamilopa yakuko kumunwe wakwe, aiŵike pamaseŋgo akuconto camilambu iyakoca, lomba nemilopa yakuko yonse aketulwile kuca pansi icakuconto. 31Kaŵili nemafuta akuko onse akaafumye, koti nifyopele'fyo ifyafumisiwa amafuta kumulambu wafyakuposa ifyaŵutende; lomba umupapatilisi eli akaoee paconto ati kunuŋka kwanse ukwakuli ŵaYawe; kaŵili umupapatilisi akamucitile ukulamwina naye eli kuŋgamufitulucilwa.
32Kaŵili kani alete umwana wambelele ati mulambu wakwe uwakuposa pafyakuŵifya, akalete umwanakasi uwakuŵule'cisemba. 33Eli akaŵike ukuŵoko kwakwe pamutwi wamulambu uwapafyakuŵifya, awipaye ati mulambu uwapafyakuŵifya pamupunda apo ŵepaila umulambu uwakoca. 34Peŋka umupapatilisi akaŵule pamilopa yamulambu uwapafyakuŵifya kumunwe wakwe, aiŵike pamaseŋgo akuconto camilambu iyakoca, lomba nemilopa yakuko yonse aketulwile kuca pansi icakuconto; 35kaŵili nemafuta akuko onse akaafumye, koti nifyopele'fyo ifyafumisiwa amafuta amwana wambelele kumulambu wafyakuposa ifyaŵutende; lomba umupapatilisi eli akafyoce paconto, peulu pafyakuŵaposela ŵaYawe ifyapamulilo; kaŵili umupapatilisi akamucitile ukulamwina pakuŵifya kwakwe uko aŵifisye, naye eli kuŋgamufitulucilwa.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Lamba Bible Version © United Bible Societies, 1959.