Namba 1
1
Yawe Nug Moses, Israel danab ebaqadkkunu aum
1Israel danab ah ag Isipnu ahan ukkaeg, maɗ aɗit bia uue, ag atu taɗak onig Sinai, appa daappig. Maɗ amunu kalam ebqak aɗitnu deɗ tatam amuppa, Moses nug mettid haknu peh lag danab ah appa qagmetteb ele, nug appa dayeye, Yawe nug amegppa aum. 2-3“Na Aron ele aa Israel danab oh, ag maɗ 20, o iitta, maɗ 20 eɗittak, ag ban daup ooppa daanna, ban hekkulagnu elele anadya, ebaqeɗ! Aa ebaqadya, ag onilkad, ahilag aab ikki onilag, amu ag baelkadppa ele waappa onilag yaaglah. 4Amu danab laippu laippu, Israel dilag huu okkai anen anen amuppanu, ag, ag baelkadppan ikki daatteb, ag geha aa ehanatkkulag. 5Danab ag aa ehanatkkulag ele am, ag onilag iikku.
Ruben huuppanu am Elisur, nug am Sedeur bekka.
6Simeon huuppanu am Selumiel, nug am Surisadai bekka.
7Juda huuppanu am Nason, nug am Aminadap bekka.
8Isakar huuppanu am Netanel, nug am Suar bekka.
9Seblon huuppanu amu Eliap, nug am Helon bekka.
10Josep bekoɗ aɗit Epraim, Manase elenu am:
Epraim huuppanu amu Elisama, nug am Amihut bekka.
Manase huuppanu am Gamaliel, nug am Pedasur bekka.
11Benyamin huuppanu am Abidan, nug am Gideoni bekka.
12Dan huuppanu am Ahieser, nug am Amisadai bekka.
13Aser huuppanu am Pagiel, nug am Okran bekka.
14Gad huuppanu am Eliasap, nug am Deuel bekka.
15Naptali huuppanu am Ahira, nug am Enan bekka.”
Yawe Nug Moses amegppa anam aum.
16Danab amu ag Israel oolagppa onilag ele tituanak daappig. Danab amu ag Israel dilag huu okkai anen anen, huu amu ag tatam beppig daatteb amu, ag amu dilag ikki danab daappig. Ag am Israel oolagppa aab ikki ahilkad anen anen dilag okkai daappig.
17Amu Yawe Nug Moses amegppa anam aum amunu, nug Aron ele, aa danab Yawe Nug onilag diiom ele diiatteh ehanatna, 18Moses, Aron, ag ele ag danab ah oh onilagppa eeg, ag kalam ebqak aɗit, kalam amunu deɗ tatam amuppa ag uɗin, laippu tamanin daappig. Danab ah ag uɗin daanna amu, ag maɗ 20, o iitta maɗ 20 eɗittak, ag anen anen, ahilkad aab ikki, ag mamelkad am aun aɗi amu aeg, Moses, Aron amu ahilah ehanittak danab ele, ag ag onilkad anen anen yaappig. 19Ag uɗat amu Yawe Nug anamnab haknu Moses amegppa aum amu, ag anamnab heppig. Ib anamppa Moses nug atu taɗak Sinai appa Israel danab oh ebaqom.
20-21Ruben, nug Israelnu nid danab tatamnu, amu ag nuhig huuppan danab oh, ag maɗ 20, o iitta maɗ 20 eɗittak, ag ban daup ooppa daanna, ban hekkulagnu elele ebaqadppig. Ag, ag onilkad anen anen, ag baelkadppa onilkad, amu ag ahilkad aab ikki onilkad ele waappa yaappig. Amu Israel dilag huu okkai Ruben, huu amuppa, danab amu 46,500 daappig.
22-23Ag Simeon huuppan danab oh, ag maɗ 20, o iitta maɗ 20 eɗittak, ag ban daup ooppa daanna, ban hekkulagnu elele ebaqappig. Ag, ag onilkad anen anen, ag baelkadppa onilkad, amu ag ahilkad aab ikki onilkad ele waappa yaappig. Amu Israel dilag huu okkai Simeon, huu amuppa, danab amu 59,300 daappig.
24-25Ag Gad huuppanu danab oh, ag maɗ 20, o iitta maɗ 20 eɗittak, ag ban daup ooppa daanna, ban hekkulagnu elele ebaqappig. Ag, ag onilkad anen anen, ag baelkadppa onilkad, amu ag ahilkad aab ikki onilkad ele waappa yaappig. Amu Israel dilag huu okkai Gad, huu amuppa, danab amu 45,650 daappig.
26-27Ag Juda huuppan danab oh, ag maɗ 20, o iitta maɗ 20 eɗittak, ag ban daup ooppa daanna, ban hekkulagnu elele ebaqappig. Ag, ag onilkad anen anen, ag baelkadppa onilkad, amu ag ahilkad aab ikki onilkad ele waappa yaappig. Amu Israel dilag huu okkai Juda, huu amuppa, danab amu 74,600 daappig.
28-29Ag Isakar huuppan danab oh, ag maɗ 20, o iitta maɗ 20 eɗittak, ag ban daup ooppa daanna, ban hekkulagnu elele ebaqappig. Ag, ag onilkad anen anen, ag baelkadppa onilkad, amu ag ahilkad aab ikki onilkad ele waappa yaappig. Amu Israel dilag huu okkai Isakar, huu amuppa, danab amu 54,400 daappig.
30-31Ag Seblon huuppan danab oh, ag maɗ 20, o iitta maɗ 20 eɗittak, ag ban daup ooppa daanna, ban hekkulagnu elele ebaqappig. Ag onilkad anen anen, ag baelkadppa onilkad, amu ag ahilkad aab ikki onilkad ele waappa yaappig. Amu Israel dilag huu okkai Seblon, huu amuppa, danab amu 57,400 daappig.
32-33Josep bekoɗ Epraim, Manase elenu amu: Epraim huuppan danab oh, ag maɗ 20, o iitta maɗ 20 eɗittak, ag ban daup ooppa daanna, ban hekkulagnu elele ebaqappig. Ag onilkad anen anen, ag baelkadppa onilkad, amu ag ahilkad aab ikki onilkad ele waappa yaappig. Amu Israel dilag huu okkai Epraim, huu amuppa, danab amu 40,500 daappig. 34-35Ag Manase huuppan danab oh, ag maɗ 20, o iitta maɗ 20 eɗittak, ag ban daup ooppa daanna, ban hekkulagnu elele ebaqappig. Ag, ag onilkad anen anen, ag baelkadppa onilkad, amu ag ahilkad aab ikki onilkad ele waappa yaappig. Amu Israel dilag huu okkai Manase, huu amuppa, danab amu 32,200 daappig.
36-37Ag Benyamin huuppan danab oh, ag maɗ 20, o iitta maɗ 20 eɗittak, ag ban daup ooppa daanna, ban hekkulagnu elele ebaqappig. Ag, ag onilkad anen anen, ag baelkadppa onilkad, amu ag ahilkad aab ikki onilkad ele waappa yaappig. Amu Israel dilag huu okkai Benyamin, huu amuppa, danab amu 35,400 daappig.
38-39Ag Dan huuppan danab oh, ag maɗ 20, o iitta maɗ 20 eɗittak, ag ban daup ooppa daanna, ban hekkulagnu elele ebaqappig. Ag, ag onilkad anen anen, ag baelkadppa onilkad, amu ag ahilkad aab ikki onilkad ele waappa yaappig. Amu Israel dilag huu okkai Dan, huu amuppa, danab amu 62,700 daappig.
40-41Ag Aser huuppan danab oh, ag maɗ 20, o iitta maɗ 20 eɗittak, ag ban daup ooppa daanna, ban hekkulagnu elele ebaqappig. Ag, ag onilkad anen anen, ag baelkadppa onilkad, amu ag ahilkad aab ikki onilkad ele waappa yaappig. Amu Israel dilag huu okkai Aser, huu amuppa, danab amu 41,500 daappig.
42-43Ag Naptali huuppan danab oh, ag maɗ 20, o iitta maɗ 20 eɗittak, ag ban daup ooppa daanna, ban hekkulagnu elele ebaqappig. Ag ag onilkad anen anen, ag baelkadppa onilkad, amu ag ahilkad aab ikki onilkad ele waappa yaappig. Amu Israel dilag huu okkai Naptali, huu amuppa, danab amu 53,400 daappig.
44Moses, Aron, amu Israel dilag ikki danab 12 amu, ag danab amu ebaqappig. Israel dilag ikki danab 12 amu, ag am, ag baelkadppa anen anen, ag amu dilagppanu uɗin daappig. 45-46Moses nug danab amu ele, ag Israel danab ag maɗ 20, o iitta maɗ 20 eɗittak, ag Israelnu ban daup ooppa ban danab daaglagnu elele amu, ag ag oh ebaqappig. Danab anen anen oh ebaqappig amu, ag mamelkad onilkad aeg dooppig. Ahilag ebqak tutukku oh am, 603,550 dayom.
47Ahilag ebqak tutukku oh am anam aakku, amge Lewi buɗubppanu danab, ag am ebqak amuppa ii tuɗidppig. 48Ag ebqak amu ooppa ii daappignu diig am, Yawe Nug Moses amegppa inam aum. 49“Na Israel dilag huu okkai Lewi, na huu amu aib Israel danab laa oh ele tamanin ebqeme. 50Iitta. Na Lewi buɗub, ag mettid haknu peh lag men maha aɗit ɗo nai yaak niitte ele appa daattep, ag amu dabmettanna atognokkulagnu otiatte! Ag geha mettid haknu peh lag amu ooppanu keeke oh, amu nuhig keeke laa oh elenu gumak danab anuqak daaglag. Ag geha dahil mettid haknu peh lag, nuhig keeke oh ele, ag amu maonna, laih gokkulag; ag amu dabmettan atognonana, ag haen tutu dayaknu aab kalan, mettid haknu peh lag amu talilidna daaglag. 51Ag dahil mettid haknu peh lag amu hiɗan, aon laih laih gokkulag haenppa amu, Lewi buɗub agib hiɗaglag. Haen ag dahil mettid haknu peh lag qappaglag amu, Lewi buɗub agib qappaglag. Aun laa ag amu gukkuittak wappeg amu, ag aqappeg mauhkkulag. 52Israel dilag huu okkai laa oh ag anen anen, haen tutu dayaknu aab kalak ahilkad abenppa hekkulag. Appa ag ahilkad pilak piɗe piɗe ele daaglag. 53Danab laa, nug Lewi buɗub iitta, nug hib guitta haaha, dahil mettid haknu peh lag, nug appa hamu guguitta ukkeb, da oppoɗil beeb, Israel danab ah oh bu madapanu, Lewi buɗub, ag mettid haknu peh lag men maha aɗit ɗo nai yaak niitte ele appa daattep, ag amu talilittak daaglag. Lewi buɗub ag dahil nainu mettid haknu peh lag, ag amunu dabmekkulag.” Yawe Nug anam Moses amegppa aum.
54Yawe Nug anam Moses amegppa a amu, Israel ag keeke oh Yawe Moses hekkununab aum, ag amubianab heppig.
Currently Selected:
Namba 1: NB
Highlight
Copy
Compare
Share
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.
