Lewitikas 26
26
Oɗe dim lamittakppanu itittak ena bekku
1Ag aib kayak hambuppuak dottolkad hadappig. Ag aib ahilag wanppa kayak hambuppuak dottog laa, o men gappi laa qabappig. Ele amu, ag men hoyak ele laa, keeke amu noobppa dup nona binag mekkulagnu, ahilag wanppa aib meppig. Aɗinu? Da am Yawe, ahilag Kayak. 2Ag sabat dahilnu ɗo, da ag mattami amu, ag ɗo amu dim lamidnana, dahil mettid haknu peh lagnu ebehilag oh bodoetta le maɗ! Da am Yawe.
3Ag ɗo dahil dim lamidna, ag haknunab anak dahil pehettak dabmettan dim lamiɗkkulag dayeb amu, 4da geha gu nekkunu haen nuhigppa meppi nokku. Geha wan nug ee heeb beeb, ad ag meu oadkkulag. 5Ag geha meu huananab, oh awaknu elele iitta, tuɗid ele nug qaɗe qaɗe aonnaib daaglag. Ag ahilag wanppa lanaknu huannanab dayeb lanana, ag baɗak iittappa daaglag.
6Da geha wan amuppa, ag maɗoɗ madappi, ag baɗak iitta ele daaglagnu elele daaglag. Laa heeb, ag ii baɗamna. Da geha doɗ dakkuɗ ahilag wanppan lamadppi goppeg, kekeɗ eheɗ hattamnanu atognoadkkul. 7Ag geha ahilag kekeɗ lamadna, qep elabppa hadappeg nauhkkulag. 8Geha ag tanig ele amu, ag kekeɗ 100 lamadkkulag! Ag 100 amu, ag kekeɗ 10 tausen lamadkkulag! Ag geha qep elabppa kekeɗ aqadkkulag.
9Da geha ahilagnu ena heinne, ag nid madappi, danab kuɗum beppeg, amuppa da hei, da ag ele nug tituana nai qakkak hemut amu, nai dahil amu meu okku. 10Geha ag ee huana ele daan lanan, ee meu maɗ tumai ukkomnu amu agappeg ukkeb, aben dayeb, meu bau amu doa aben aokku. 11Da geha ag oolagppa dayeye, ahilagnu nau ii doopa. 12Da geha ag oolagppa oikkul; da ahilag Kayak daakkul, ag dahil danab ah daaglag. 13Da am Yawe, ahilag Kayak. Am ag tuɗidna, Isip dilag begbeg maɗi nid daamnanu, da ag Isipnu diie, omalatti uɗippig. Da hei, ag Isip dilag maɗi nid maɗi ah ele baula ii daatteb; ag gemu hamu, danab laa waappa ii daan, uɗa nak iitta ele oitteb.
Nai ii dim lamitta bu awaknu
14Amge, ag da oɗel ii dim lamidkkulag dayeb, ag dahil nai haknunab attem amu ii dim lamidkkulag dayeb, 15ag dahil ɗo iɗu iɗu uun, ɗo amunu oolagppa ena iinab dooglag dayeb, ag dahil nai haknunab attem amu dim ii lamidna amu, ag nug tituana nai qakkak am tippalkkulag. Ag keeke amu hekkulag dayeb amu, 16da geha ag bu madakkul. Da heppi, ahilagppa baɗak eheɗ nau laippun ahatte amu, ahilagppa bekku. Oɗe, danab beɗu he nauhtte, amu geha ag aqakku. Am geha beɗu gakkaɗak nau, danab ameg he nauhtte, am danab qe, nug qinonob mauhtte, beɗu gakkaɗak amu ag aqakku. Ag ee eppaglag, amge ag hamu hekkulag. Aɗinu? Kekeɗ ag uɗin, aon lakkulag. 17Da ag dimadappi, ahilag kekeɗ ag eɗadkkulag. Geha laa ag Israel, ag ahilagnu nau ninig ele dootteb amu, ag ag gumadppeg, laa nug ag ii lamadkku, me ag qaiettan oolkkulag.
18Da heppi, uug nau amu oh ahilagppa beeb, ag nai dahil ii dim lamidkkulag dayeb amu, da geha ahilag hipuninnu bu huanaknab madakkul. Da bu mettak amibia, amu eblaih aɗit laippu ikki aɗak, anam bia bu madakkul. 19Da heppi, ag hibguitta okkai henan oiglagnu dabmak aon oitteb ele amu, dabmak amuam iitta mekku. Am da heppi, hab attan am aen bia dayebeb, gu ii nema; wan nug geha ɠagattag, bras bia daakku. 20Ahilag uɗat oh am hamu; ahilag wan heeb, ee meu ii oma, ad ele meu ii oma.
21Da amu hekkul dimppa, ag dahil kekeɗ tuɗidna daan, nai dahil ii dim lamidkkulag dayeb amu, da geha ag hipunin hettebnu bu awak eleleppa, bu huanaknab madakkul. Da bu mettak amibia amu eblaih aɗit laippu ikki aɗak, anam bia bu madakkul. 22Da heppi, doɗ dakkuɗ ag nid naunau ahilkad aqadna, ahilkad makau ele heppeg nauhppeg, doɗ dakkuɗ ag heppeg, ag Israel danab ah, ag ahilag ebqak honap dayeb, ag ippulagppa danab laa ii oima.
23Da anam heppi, bu awak amuppa ag oolag ii eɗueb, ag tolittak dahil ii dabmettan, ag tuɗidna, dahil kekeɗ daaglag dayeb amu, 24da geha ahilag kekeɗ daye, da geha ag hipunin hettebnu bu awak eleleppa bu huanaknab madakkul. Da bu mettak amibia amu eblaih aɗit laippu ikki aɗak, anam bia bu madakkul. 25Ag geha amu hekkulag dayeb amu, amuppa ag nug tituana nai qakkak da hei, ig hemut ele, ag amu tippalkkulag amunu, da kekeɗ daup maadppi uɗippeg, ag ele ban hekkulag. Amu ag aab okkai ahilkadppa oolna gokkulag dayeb, da heppi, oɗe nau danab kuɗum aqe mauhtteb ele laa, ag aqa mumuɗatteb, ahilag kekeɗ ag diikku. 26Da geha ahilag ee heppi nauhkku amunu, geha plaua nakoknab, ah eblaih tanig ele aakkuib bret manaknu qaɗab laippuppa maiglagnu elele. Ee nagnag aakkuib daakku amunu, ag anen anen ag ee huppu nakok amuib aoglag. Ag aotteb amu, aakku lakkulag, amge ag oolag ii aɗama.
27Da anam heppi, bu awak amuppa ag oolag ii eɗueb, ag dahil nai ii doon, dahil kekeɗ tuɗidna daaglag dayeb amu, 28da ool nauheb, ahilag kekeɗ daakkul. Da geha ahilag hipuninnu bu huanaknab madakkul. Da bu mettak amibia amu eblaih aɗit laippu ikki aɗak, anam bia bu madakkul. 29⌊Ahilag ee aɗatte aoppi,⌋ ag bekkalkad, aɗelkad teppulkad lakkulag. 30Da kayak hambuppuak dilag mettid lag nakok ahilag oh loppaɗadppi neppeg, kalu danab ilaeg muttuɗig enanag bette elenu qaɗab oh loppaɗkkul. Da heppi, ahilkad kekeɗ ag aqana, gaɗalag diin, kayak hambuppuak dottolkad qaɗelagppa maadkkulag. Da geha ahilagnu amu ena iinab doopa. 31Da heppi, ahilag aab okkai am nauhak daappeg, dup noa binag mak aben oh loppaɗppi neeb, ahilag mana mettaknu amu, da ool iinab hema. Mana mettak amunu muttuɗignu amu, da ool enanagnab doolo, amge da anam ii doopa. 32Da heppi, ahilag wan am nauhaknab daakku. Amu kekeɗ ahilkad ag appa daaglagnu daanna, ag he nauhak amu anidna, dabmak huanaknab aoglag. 33Da heppi, ag tamtam gona, wanppan wan anen anen, amu oolagppa ag daappeg, da heppi, danab ag banelag uɗin, ban heppeg ukkeb ukkeb aqaglag.
Ahilag wan am nauhaknab dayeb,
aab okkai ahilkad loppaɗe nak daaglag.
34Am haen ag wan imuppa ii daanna, haen ag matatun, kekeɗ dilag wan laappa gona tamtam, diia ukka laih me dayak danab ah daaglag, haen amuppa wan imuam hele-ettak daakku, amu haen amuppa wan imuam maɗ ebqak eblaih aɗit ele, maɗ amuam wannu sabat maɗ, amu wan imu haen amuppa nuhig maɗ amu oh elele aokku.
Ao, wan nug aakku hamu dayaya, maɗ ebqak eblaih aɗit ele, maɗ amuam wannu sabat maɗ, am maɗ amu elele aokku.
35Uug bakppa amu, wan am hele-ettak daakku, amu haen amu oh amu, wan am maɗ ebqak eblaih aɗit ele, maɗ amuam wannu sabat maɗ, amu wan am amu awawa, hik aokkun dayom, ag amuppa daanna, ii heppig ele amu, wan am maɗ amu elele aokku.
36Am aun aɗi ag ii mauhkkulag, ag bau daan, ag gona ahilkad kekeɗ dilag wanppa daaglag amu, da heppi, ag baɗak okkai dooglag. Ag am appa daappeg, ulah ad uɗug duttunebeb, oqotti obob dooglag bia doon, ag oolna gokkulag. Ag am ban danab laa, ag qep elabppa lamatte oolna goppig bia oolkkulag. Auntai laa ag ii lamadkku, me ag oolna gona, nena qekkulag. 37Ao, auntai laa ag ii lamadkku, me ag nug taataɗ qettanna, oolna gokkulag. Oolak ahilag am, ban laappa, ag ahilkad kekeɗ dilagnu hena oolppig bia oolkkulag. Ag ahilag kekeɗ noolagppa hippaidna daaglagnu amu, ɠagattag iitta. 38Ag am wan laalappa diia ukka laih me dayak danab ah daan, ag appa mauhkkulag. Ag geha ahilkad kekeɗ dilag wanppa mauhkulag. 39Am laa ag kekeɗ wanelagppa gona, diia ukkak danab ah daaglag amu, ag diia ukka laih me dayak danab ah daanna mauhadkkulag. Ag mauhkkulagnu diig am, ag, ag mamelkad aɗi ele ag hipunin heppig.
40-41Dahilad danab ah ag da oɗel ii dim lamidkkulag dayeb, ag dahilnu, ‘Ihinig kekeɗ,’ dooglag dayeb, diig amunu da ahilagnu ele, ‘Dahil kekeɗ’ dookkul amunu, da heppi, ag ahilkad kekeɗ dilag wanppa gona daaglag. Anam bekku dayeb, dimppa haen kekeɗ ag ag onilag qeppeg neebeb, dahilad ag ahilag hipuninnu bu elele aona, amu ag ahilag hipunin amu, ag mamelkad aɗi ele dilag hipunin, amuam ag da kekeɗ meɗan, da ippunadminu oo metta ii uuak kobol ii dim lamidppig ele, ag hipunin amu miagib madippeg amu, 42da geha nug tituana nai qakkak Jakop, Aisak amu Abraham ele hak amunu dabmeinne, wannu ele dabmekkul. 43Amge amu ii nak haenppa, uug bakppa wan am hele-ettak daakku, dahilad danab ah ag appa ii daamna amu, haen amu oh am, maɗ ebqak eblaih aɗit ele, maɗ amuam wannu sabat maɗ, ag amuppa daanna ii heppig ele amu, wan am maɗ amu elele aokku. Am danab ah ag dahil ɗo iɗu iɗu uun, oolagppa ɗo amunu ena iinab dooppig amunu, da geha ag hipunin heppignu bu elele madakkul. 44Amge ag kekeɗ wanelagppa daappeg, da ag dimattena, ahilagnu ena iinab doyeye heppi, ag iitta ii memana. Iitta. Ag diia ukka laih me dayak danab ah daan, haen ag ahilkad kekeɗ dilag wanppa daappeg amu, da hei, da ag ele nug tituana nai qakkak hemut am ii tippalpa. Da anam helom amu, da ag ohnab aqalom, amge da anam ii hepa. Aɗinu? Da am Yawe, ahilag Kayak. 45Da ag alalkad wanppan wan laalappanu danab ah noolagppa ag Isipnu diie uɗimi. Da ahilag Kayak daakkulnu da hei, da ag ele nug tituanta nai qakkamut. Amu da ahilagnu dabmak anuqak awen, da nug tituana nai qakkak amu dabmekkul. Da daul ii atima. Da am Yawe.” Yawe Nug Moses amegppa anam aum.
46Imuam ɗo iɗu iɗu, nai dim lamittaknu nai ele Yawe Nug Israel danab ah dilagnu, Sinai Qaukoppa, Moses eppegppa meum.
Currently Selected:
Lewitikas 26: NB
Highlight
Copy
Compare
Share
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.
Lewitikas 26
26
Oɗe dim lamittakppanu itittak ena bekku
1Ag aib kayak hambuppuak dottolkad hadappig. Ag aib ahilag wanppa kayak hambuppuak dottog laa, o men gappi laa qabappig. Ele amu, ag men hoyak ele laa, keeke amu noobppa dup nona binag mekkulagnu, ahilag wanppa aib meppig. Aɗinu? Da am Yawe, ahilag Kayak. 2Ag sabat dahilnu ɗo, da ag mattami amu, ag ɗo amu dim lamidnana, dahil mettid haknu peh lagnu ebehilag oh bodoetta le maɗ! Da am Yawe.
3Ag ɗo dahil dim lamidna, ag haknunab anak dahil pehettak dabmettan dim lamiɗkkulag dayeb amu, 4da geha gu nekkunu haen nuhigppa meppi nokku. Geha wan nug ee heeb beeb, ad ag meu oadkkulag. 5Ag geha meu huananab, oh awaknu elele iitta, tuɗid ele nug qaɗe qaɗe aonnaib daaglag. Ag ahilag wanppa lanaknu huannanab dayeb lanana, ag baɗak iittappa daaglag.
6Da geha wan amuppa, ag maɗoɗ madappi, ag baɗak iitta ele daaglagnu elele daaglag. Laa heeb, ag ii baɗamna. Da geha doɗ dakkuɗ ahilag wanppan lamadppi goppeg, kekeɗ eheɗ hattamnanu atognoadkkul. 7Ag geha ahilag kekeɗ lamadna, qep elabppa hadappeg nauhkkulag. 8Geha ag tanig ele amu, ag kekeɗ 100 lamadkkulag! Ag 100 amu, ag kekeɗ 10 tausen lamadkkulag! Ag geha qep elabppa kekeɗ aqadkkulag.
9Da geha ahilagnu ena heinne, ag nid madappi, danab kuɗum beppeg, amuppa da hei, da ag ele nug tituana nai qakkak hemut amu, nai dahil amu meu okku. 10Geha ag ee huana ele daan lanan, ee meu maɗ tumai ukkomnu amu agappeg ukkeb, aben dayeb, meu bau amu doa aben aokku. 11Da geha ag oolagppa dayeye, ahilagnu nau ii doopa. 12Da geha ag oolagppa oikkul; da ahilag Kayak daakkul, ag dahil danab ah daaglag. 13Da am Yawe, ahilag Kayak. Am ag tuɗidna, Isip dilag begbeg maɗi nid daamnanu, da ag Isipnu diie, omalatti uɗippig. Da hei, ag Isip dilag maɗi nid maɗi ah ele baula ii daatteb; ag gemu hamu, danab laa waappa ii daan, uɗa nak iitta ele oitteb.
Nai ii dim lamitta bu awaknu
14Amge, ag da oɗel ii dim lamidkkulag dayeb, ag dahil nai haknunab attem amu ii dim lamidkkulag dayeb, 15ag dahil ɗo iɗu iɗu uun, ɗo amunu oolagppa ena iinab dooglag dayeb, ag dahil nai haknunab attem amu dim ii lamidna amu, ag nug tituana nai qakkak am tippalkkulag. Ag keeke amu hekkulag dayeb amu, 16da geha ag bu madakkul. Da heppi, ahilagppa baɗak eheɗ nau laippun ahatte amu, ahilagppa bekku. Oɗe, danab beɗu he nauhtte, amu geha ag aqakku. Am geha beɗu gakkaɗak nau, danab ameg he nauhtte, am danab qe, nug qinonob mauhtte, beɗu gakkaɗak amu ag aqakku. Ag ee eppaglag, amge ag hamu hekkulag. Aɗinu? Kekeɗ ag uɗin, aon lakkulag. 17Da ag dimadappi, ahilag kekeɗ ag eɗadkkulag. Geha laa ag Israel, ag ahilagnu nau ninig ele dootteb amu, ag ag gumadppeg, laa nug ag ii lamadkku, me ag qaiettan oolkkulag.
18Da heppi, uug nau amu oh ahilagppa beeb, ag nai dahil ii dim lamidkkulag dayeb amu, da geha ahilag hipuninnu bu huanaknab madakkul. Da bu mettak amibia, amu eblaih aɗit laippu ikki aɗak, anam bia bu madakkul. 19Da heppi, ag hibguitta okkai henan oiglagnu dabmak aon oitteb ele amu, dabmak amuam iitta mekku. Am da heppi, hab attan am aen bia dayebeb, gu ii nema; wan nug geha ɠagattag, bras bia daakku. 20Ahilag uɗat oh am hamu; ahilag wan heeb, ee meu ii oma, ad ele meu ii oma.
21Da amu hekkul dimppa, ag dahil kekeɗ tuɗidna daan, nai dahil ii dim lamidkkulag dayeb amu, da geha ag hipunin hettebnu bu awak eleleppa, bu huanaknab madakkul. Da bu mettak amibia amu eblaih aɗit laippu ikki aɗak, anam bia bu madakkul. 22Da heppi, doɗ dakkuɗ ag nid naunau ahilkad aqadna, ahilkad makau ele heppeg nauhppeg, doɗ dakkuɗ ag heppeg, ag Israel danab ah, ag ahilag ebqak honap dayeb, ag ippulagppa danab laa ii oima.
23Da anam heppi, bu awak amuppa ag oolag ii eɗueb, ag tolittak dahil ii dabmettan, ag tuɗidna, dahil kekeɗ daaglag dayeb amu, 24da geha ahilag kekeɗ daye, da geha ag hipunin hettebnu bu awak eleleppa bu huanaknab madakkul. Da bu mettak amibia amu eblaih aɗit laippu ikki aɗak, anam bia bu madakkul. 25Ag geha amu hekkulag dayeb amu, amuppa ag nug tituana nai qakkak da hei, ig hemut ele, ag amu tippalkkulag amunu, da kekeɗ daup maadppi uɗippeg, ag ele ban hekkulag. Amu ag aab okkai ahilkadppa oolna gokkulag dayeb, da heppi, oɗe nau danab kuɗum aqe mauhtteb ele laa, ag aqa mumuɗatteb, ahilag kekeɗ ag diikku. 26Da geha ahilag ee heppi nauhkku amunu, geha plaua nakoknab, ah eblaih tanig ele aakkuib bret manaknu qaɗab laippuppa maiglagnu elele. Ee nagnag aakkuib daakku amunu, ag anen anen ag ee huppu nakok amuib aoglag. Ag aotteb amu, aakku lakkulag, amge ag oolag ii aɗama.
27Da anam heppi, bu awak amuppa ag oolag ii eɗueb, ag dahil nai ii doon, dahil kekeɗ tuɗidna daaglag dayeb amu, 28da ool nauheb, ahilag kekeɗ daakkul. Da geha ahilag hipuninnu bu huanaknab madakkul. Da bu mettak amibia amu eblaih aɗit laippu ikki aɗak, anam bia bu madakkul. 29⌊Ahilag ee aɗatte aoppi,⌋ ag bekkalkad, aɗelkad teppulkad lakkulag. 30Da kayak hambuppuak dilag mettid lag nakok ahilag oh loppaɗadppi neppeg, kalu danab ilaeg muttuɗig enanag bette elenu qaɗab oh loppaɗkkul. Da heppi, ahilkad kekeɗ ag aqana, gaɗalag diin, kayak hambuppuak dottolkad qaɗelagppa maadkkulag. Da geha ahilagnu amu ena iinab doopa. 31Da heppi, ahilag aab okkai am nauhak daappeg, dup noa binag mak aben oh loppaɗppi neeb, ahilag mana mettaknu amu, da ool iinab hema. Mana mettak amunu muttuɗignu amu, da ool enanagnab doolo, amge da anam ii doopa. 32Da heppi, ahilag wan am nauhaknab daakku. Amu kekeɗ ahilkad ag appa daaglagnu daanna, ag he nauhak amu anidna, dabmak huanaknab aoglag. 33Da heppi, ag tamtam gona, wanppan wan anen anen, amu oolagppa ag daappeg, da heppi, danab ag banelag uɗin, ban heppeg ukkeb ukkeb aqaglag.
Ahilag wan am nauhaknab dayeb,
aab okkai ahilkad loppaɗe nak daaglag.
34Am haen ag wan imuppa ii daanna, haen ag matatun, kekeɗ dilag wan laappa gona tamtam, diia ukka laih me dayak danab ah daaglag, haen amuppa wan imuam hele-ettak daakku, amu haen amuppa wan imuam maɗ ebqak eblaih aɗit ele, maɗ amuam wannu sabat maɗ, amu wan imu haen amuppa nuhig maɗ amu oh elele aokku.
Ao, wan nug aakku hamu dayaya, maɗ ebqak eblaih aɗit ele, maɗ amuam wannu sabat maɗ, am maɗ amu elele aokku.
35Uug bakppa amu, wan am hele-ettak daakku, amu haen amu oh amu, wan am maɗ ebqak eblaih aɗit ele, maɗ amuam wannu sabat maɗ, amu wan am amu awawa, hik aokkun dayom, ag amuppa daanna, ii heppig ele amu, wan am maɗ amu elele aokku.
36Am aun aɗi ag ii mauhkkulag, ag bau daan, ag gona ahilkad kekeɗ dilag wanppa daaglag amu, da heppi, ag baɗak okkai dooglag. Ag am appa daappeg, ulah ad uɗug duttunebeb, oqotti obob dooglag bia doon, ag oolna gokkulag. Ag am ban danab laa, ag qep elabppa lamatte oolna goppig bia oolkkulag. Auntai laa ag ii lamadkku, me ag oolna gona, nena qekkulag. 37Ao, auntai laa ag ii lamadkku, me ag nug taataɗ qettanna, oolna gokkulag. Oolak ahilag am, ban laappa, ag ahilkad kekeɗ dilagnu hena oolppig bia oolkkulag. Ag ahilag kekeɗ noolagppa hippaidna daaglagnu amu, ɠagattag iitta. 38Ag am wan laalappa diia ukka laih me dayak danab ah daan, ag appa mauhkkulag. Ag geha ahilkad kekeɗ dilag wanppa mauhkulag. 39Am laa ag kekeɗ wanelagppa gona, diia ukkak danab ah daaglag amu, ag diia ukka laih me dayak danab ah daanna mauhadkkulag. Ag mauhkkulagnu diig am, ag, ag mamelkad aɗi ele ag hipunin heppig.
40-41Dahilad danab ah ag da oɗel ii dim lamidkkulag dayeb, ag dahilnu, ‘Ihinig kekeɗ,’ dooglag dayeb, diig amunu da ahilagnu ele, ‘Dahil kekeɗ’ dookkul amunu, da heppi, ag ahilkad kekeɗ dilag wanppa gona daaglag. Anam bekku dayeb, dimppa haen kekeɗ ag ag onilag qeppeg neebeb, dahilad ag ahilag hipuninnu bu elele aona, amu ag ahilag hipunin amu, ag mamelkad aɗi ele dilag hipunin, amuam ag da kekeɗ meɗan, da ippunadminu oo metta ii uuak kobol ii dim lamidppig ele, ag hipunin amu miagib madippeg amu, 42da geha nug tituana nai qakkak Jakop, Aisak amu Abraham ele hak amunu dabmeinne, wannu ele dabmekkul. 43Amge amu ii nak haenppa, uug bakppa wan am hele-ettak daakku, dahilad danab ah ag appa ii daamna amu, haen amu oh am, maɗ ebqak eblaih aɗit ele, maɗ amuam wannu sabat maɗ, ag amuppa daanna ii heppig ele amu, wan am maɗ amu elele aokku. Am danab ah ag dahil ɗo iɗu iɗu uun, oolagppa ɗo amunu ena iinab dooppig amunu, da geha ag hipunin heppignu bu elele madakkul. 44Amge ag kekeɗ wanelagppa daappeg, da ag dimattena, ahilagnu ena iinab doyeye heppi, ag iitta ii memana. Iitta. Ag diia ukka laih me dayak danab ah daan, haen ag ahilkad kekeɗ dilag wanppa daappeg amu, da hei, da ag ele nug tituana nai qakkak hemut am ii tippalpa. Da anam helom amu, da ag ohnab aqalom, amge da anam ii hepa. Aɗinu? Da am Yawe, ahilag Kayak. 45Da ag alalkad wanppan wan laalappanu danab ah noolagppa ag Isipnu diie uɗimi. Da ahilag Kayak daakkulnu da hei, da ag ele nug tituanta nai qakkamut. Amu da ahilagnu dabmak anuqak awen, da nug tituana nai qakkak amu dabmekkul. Da daul ii atima. Da am Yawe.” Yawe Nug Moses amegppa anam aum.
46Imuam ɗo iɗu iɗu, nai dim lamittaknu nai ele Yawe Nug Israel danab ah dilagnu, Sinai Qaukoppa, Moses eppegppa meum.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.