Esta 10
10
Ekserksis, Mordekai ele dilah gumaknu ɠagattag ena
1Am King Ekserksis nug he, danab ah nuhig ɗo maɗoɗ waappa daatteb ele, laa miag daatteb, laa uma uma datteb ele ag takis meppig. 2Am nug aɗi hettenu ɠagattagnu kaya, amu Mordekai, king nug awa me, anuqakppa teum, nuhig gumaknu ɠagattag ena elenu kaya, amu ele am Midia, Persia ele dilag king dilag kaya bukppa yaappig. 3Mordekai Juda ted, wan amu dilagnu gumak danab ba, ɠagattag okkainab ele dayaya, King Ekserksis nukka waappa dayom. Nug am Juda oolagppa danab naɗi, binag okkai ele; ag nuhignu ena doon, binag meppig. Nug danab ah nuhikkud ena daaglagnu uɗat heum, amu nug ag ehanadkkunu haenppa nai mattiom.
© (Active), Wycliffe Bible Translators, Inc. All rights reserved.