MATTHEU 1
1
Jesu Khrista Jongnyoi Pungao
(Lk 3.23-38)
1 #
Lk 3.23-38. Hatüo lan-a Jesu Khrista jongnyoi, Abraham üli David, David üli Jesu Khrista.
2Isaac üpa Abraham, Jacob üpa Isaac Judah hei yoi jeihei naolan üpa Jacob, 3#Ruth 4.18-22; 1 Put 2.1-15.Perez hei Zerah (Inyu Tamar mepu) üpa Perez, Ram#Aram she-o ngelak üpa Hezron; 4Aminadab üpa Ram, Nashon üpa Amminadab, Salmon üpa Nahshon: 5Boaz üpa Salmon Rahab mepu, Obed üpa Boaz Ruth mepu, Jesse üpa Obed, 6hüyange David Ahngpa üpa Jesse.
Hüyange Uriah sheko mepu ngaipu Solomon üpa David, 7Rehoboam üpa Solomon. Abijah üpa Rehoboam, Asa üpa Abijah, 8Jehoshaphat üpa Asa, Joram üpa Jehoshaphat, Uzziah üpa Joram, 9Jotham üpa Uzziah, Ahaz üpa Jotham, Hezekia üpa Ahaz, 10Manasseh üpa Hezekia, Amos üpa Manasseh, Josiah üpa Amos, 11#2 Ahng 24.14; Jer 27.20.Jecohniah hei I jeiheinaolan üpa Josiah, Babilon te Israel kahtalan phowe teiwan tepu pajeiyonglan ngoh yangki.
12Hüyange Babilon te teiphei me: Shealtiel üpa Jekhonia, Zerubbabel üpa Shealtiel, 13Abiud üpa Zerubbabel, Eliakim üpa Abiud, Azor üpa Eliakim, 14Zadok üpa Azor, Akhim üpa Zadok, Eliud üpa Akhim 15Eleazar üpa Eliud, Mathan üpa Eleazar, Jacob üpa Mathan, 16hüyange Mary netanpa Joseph üpa Jacob, ao me Jesu puh, hüyange ao te Khrista she nyik.
17Tüokhei Abraham mepu David ngoiye jin üshei penpeli, hüyange David mepu Babilon te teipu mongme jin penpeli, hüyange Babilon te teipu mepu Khrista (Messiah) ngoiye jin penpeli.
Jesu Khrista Puhpu
(Lk 2.1-7)
18 #
Lk 1.26-38. Sha-a Jesu Khrista puhpu hüke ngoh. Aope Inyu Mary Joseph phei khümyange ngoh, imni üne-o manshüp jemwante Yaha Üjao kaiye yha püm yekengpe nge.
19Yha netanpa, Joseph, hüke khakshupu kahta ja ne menge ükhong sheshao me yha wüotüone yetamhupe jünge yha phei yanlak jingne tüm. 20Hüpoi Iye tüopa ngao mongme ang, hüyangpoi mangme Youngwanpa shongmokpa I tangte ngai hüyange i, “David üha Joseph, nang sheko Mary nok te peilak tah nyam, hangjingne yha me hanghepa püm yekengpe ngoh hatüowa Yaha Üjao kaiye ngoh nang. 21#Lk 2.21; Jn 1.29; Lam 13.23.Yhawe netan moija pailak, hüyange nange Ite Jesu she minlak, hangjingne Iye yoi kahtalan iman ünu mepu yinlak.”
22Tüolan khongküm Youngwanpawe hipa kaiye ngaoyangpu ütahte ngailak jingne ngaiyangki.
23 #
Isa 7.14. “Hüowü, yhashaoha püm yekengpe ngailak, hüyange netan moija pailak, hüyange Ite Emmanuel she nyiklak.” Hanghete leppu Kahwang teman phei ngohnang. 24Aope shipu mepu Joseph shinlüo Youngwanpa shongmokpawe Ite iyangpu kih ling, hüyange nok te yha yoi sheko ne pei, 25hüyangpoi yhawe netan naha ja manpuh manpuh yha phei I yepüang, hüyange Iye Ite Jesu she min.
Currently Selected:
MATTHEU 1: KONYBSI
Highlight
Share
Copy
Want to have your highlights saved across all your devices? Sign up or sign in
Konyak Naga Bible - ÜJAO LAITEP
Copyright © 2011 by The Bible Society of India
Used by permission. All rights reserved worldwide.