TITUS 3
3
Pemuyan kelunan Keristin
1Mung kelunan diaʹ ikoʹ petubo dina, tiga hoʹ petawai ida ke petunuk kimet de palaʹ diaʹ lataʹ lepoʹ ngan diaʹ paren perinta. Bayaʹ ne dau re, mentung tenup tekaʹ ke uyan inu puyan iaʹ tiga. 2Ngan cuk ida ayen pejaʹat dau neng aheʹ aheʹ pe, di lareʹ tiga re tabo le seʹ kimet ngan kelamun ngan dulu. Ngan lemuto peluhaʹ penyaheʹ iaʹ lemaʹ palaʹ dulu mung.
3Ban ne cen naʹaʹ are, ilu lete iaʹ apaʹ, ngan iaʹ muau dau, ngan mampin puyan iaʹ salaʹ. Ilu lepa ngulaʹ usa le palaʹ asam pengubaʹ le, ngan puyan piat naʹan naʹan bareng. Ngan ilu lepa ban mudip dalem puyan paseʹ, ngan peketiʹet. Ngan kadoʹ dulu miʹi neng ilu, pekina pe ilu miʹi neng dulu.
4Un sepuʹo tegoʹ luhaʹ ne puyan bioʹ kimet ngan pengemalaʹ Allah iaʹ Keniga Udip le, 5nai luhaʹ puyan ne pudip ilu. Abeʹ e tuman pemuyan iaʹ tiga iaʹ ilu tengen lepa uyan, un sepuʹo kuʹun tuman pengelesau Allah tengen. Ina tuman ne pudip ilu man puyan Berua Buheʹ e, iaʹ ntoʹ ilu, ngan naʹ ca puyan iaʹ uyan ilu numpak pempet mading laʹa, ngan naʹ ca pengudip iaʹ mading milu. 6Allah lepa mubeʹ Berua Buheʹ e milu ngan lento ho. Man Yesus Keristus iaʹ Keniga Udip le, ia uyan puyan ina, 7apan ilu senteng tai teneng ngan Allah kuʹun pengelesau ue, sulo ketai le nganun udip saheʹ kelineʹ iaʹ ngeriman, iaʹ ilu ke nebelum. 8Atek lan dau tebadaʹ ini are.
Pengubaʹ keʹ, pali le ikoʹ mejo tiraʹ ini, apan kelunan diaʹ ngelan palaʹ Allah, lemuto-uto tangen ke menco gayeng iaʹ tiga. Lan te puyan ina un tiga me kelunan, un pe bang nge lete. 9Un sepuʹo ngecoʹ ne puyan paseʹ neng putu iaʹ ilu abeʹ senteng ke mipa. Pekina pe ngecoʹ ne puyan paseʹ neng ngadan tepun ncem cen naʹaʹ, pekina pe puyan punan tiraʹ, ngan paseʹ neng Katuk Adet. Mung dini abeʹ un tubo ho, ngan pekina pe abeʹ un bang nge. 10Tiga hoʹ pejagaʹ dau pa kedua liwai palaʹ kelunan iaʹ ke lemasi ikem, ngan lepa ina tiga hoʹ ngecoʹ ia. 11Ban ne ikoʹ tisen kelunan diaʹ pekina lepa mayo puyan iaʹ jaʹat, ngan penyalaʹ a tengen iaʹ peluhaʹ salaʹ a.
Kebayaʹ dau katuk neng pemuyan
12Dalau heʹ cuk Artimas buk ke are Tikikus nai palaʹ ikoʹ, nengayet ne ikoʹ nai palaʹ akeʹ kaʹ lepoʹ Nikupulis, moʹ keʹ lepa metep tekaʹ kimet ceʹ ke ngelineʹ kidi jakaʹ awang iaʹ sengim uman ini ʹo. 13Tiga ne ikoʹ nengayet mepo Sinas iaʹ tudi man adet perinta ina, ngan pekina pe Apulus diaʹ ke nading pengasat de. Nawai ida dua tiga tiga apan nte un mung inu penenup de ke tai menco asat de ʹo. 14Tekep lete mung kelunan diaʹ ilu petubo ke pekalai ke uyan gayeng iaʹ tiga lemuto, ngan naʹ inu re pepo ngan iaʹ tekep ida ke pubo, apan pengudip de abeʹ un tai ngan iaʹ are tuman.
15Mung kelunan diaʹ un ngan nceʹ pekatu tiga saheʹ palaʹ ikoʹ. Pabeʹ ne tiga saheʹ meʹ palaʹ diaʹ cenganak cenganak le dalem pengelan.
Pengelesau Allah iaʹ ia lebang naʹ milu ke un ngan ncem mung. 5
Currently Selected:
TITUS 3: KNT
Highlight
Copy
Compare
Share
Want to have your highlights saved across all your devices? Sign up or sign in
Kenyah New Testament © Bible Society of Malaysia, 1984.
TITUS 3
3
Pemuyan kelunan Keristin
1Mung kelunan diaʹ ikoʹ petubo dina, tiga hoʹ petawai ida ke petunuk kimet de palaʹ diaʹ lataʹ lepoʹ ngan diaʹ paren perinta. Bayaʹ ne dau re, mentung tenup tekaʹ ke uyan inu puyan iaʹ tiga. 2Ngan cuk ida ayen pejaʹat dau neng aheʹ aheʹ pe, di lareʹ tiga re tabo le seʹ kimet ngan kelamun ngan dulu. Ngan lemuto peluhaʹ penyaheʹ iaʹ lemaʹ palaʹ dulu mung.
3Ban ne cen naʹaʹ are, ilu lete iaʹ apaʹ, ngan iaʹ muau dau, ngan mampin puyan iaʹ salaʹ. Ilu lepa ngulaʹ usa le palaʹ asam pengubaʹ le, ngan puyan piat naʹan naʹan bareng. Ngan ilu lepa ban mudip dalem puyan paseʹ, ngan peketiʹet. Ngan kadoʹ dulu miʹi neng ilu, pekina pe ilu miʹi neng dulu.
4Un sepuʹo tegoʹ luhaʹ ne puyan bioʹ kimet ngan pengemalaʹ Allah iaʹ Keniga Udip le, 5nai luhaʹ puyan ne pudip ilu. Abeʹ e tuman pemuyan iaʹ tiga iaʹ ilu tengen lepa uyan, un sepuʹo kuʹun tuman pengelesau Allah tengen. Ina tuman ne pudip ilu man puyan Berua Buheʹ e, iaʹ ntoʹ ilu, ngan naʹ ca puyan iaʹ uyan ilu numpak pempet mading laʹa, ngan naʹ ca pengudip iaʹ mading milu. 6Allah lepa mubeʹ Berua Buheʹ e milu ngan lento ho. Man Yesus Keristus iaʹ Keniga Udip le, ia uyan puyan ina, 7apan ilu senteng tai teneng ngan Allah kuʹun pengelesau ue, sulo ketai le nganun udip saheʹ kelineʹ iaʹ ngeriman, iaʹ ilu ke nebelum. 8Atek lan dau tebadaʹ ini are.
Pengubaʹ keʹ, pali le ikoʹ mejo tiraʹ ini, apan kelunan diaʹ ngelan palaʹ Allah, lemuto-uto tangen ke menco gayeng iaʹ tiga. Lan te puyan ina un tiga me kelunan, un pe bang nge lete. 9Un sepuʹo ngecoʹ ne puyan paseʹ neng putu iaʹ ilu abeʹ senteng ke mipa. Pekina pe ngecoʹ ne puyan paseʹ neng ngadan tepun ncem cen naʹaʹ, pekina pe puyan punan tiraʹ, ngan paseʹ neng Katuk Adet. Mung dini abeʹ un tubo ho, ngan pekina pe abeʹ un bang nge. 10Tiga hoʹ pejagaʹ dau pa kedua liwai palaʹ kelunan iaʹ ke lemasi ikem, ngan lepa ina tiga hoʹ ngecoʹ ia. 11Ban ne ikoʹ tisen kelunan diaʹ pekina lepa mayo puyan iaʹ jaʹat, ngan penyalaʹ a tengen iaʹ peluhaʹ salaʹ a.
Kebayaʹ dau katuk neng pemuyan
12Dalau heʹ cuk Artimas buk ke are Tikikus nai palaʹ ikoʹ, nengayet ne ikoʹ nai palaʹ akeʹ kaʹ lepoʹ Nikupulis, moʹ keʹ lepa metep tekaʹ kimet ceʹ ke ngelineʹ kidi jakaʹ awang iaʹ sengim uman ini ʹo. 13Tiga ne ikoʹ nengayet mepo Sinas iaʹ tudi man adet perinta ina, ngan pekina pe Apulus diaʹ ke nading pengasat de. Nawai ida dua tiga tiga apan nte un mung inu penenup de ke tai menco asat de ʹo. 14Tekep lete mung kelunan diaʹ ilu petubo ke pekalai ke uyan gayeng iaʹ tiga lemuto, ngan naʹ inu re pepo ngan iaʹ tekep ida ke pubo, apan pengudip de abeʹ un tai ngan iaʹ are tuman.
15Mung kelunan diaʹ un ngan nceʹ pekatu tiga saheʹ palaʹ ikoʹ. Pabeʹ ne tiga saheʹ meʹ palaʹ diaʹ cenganak cenganak le dalem pengelan.
Pengelesau Allah iaʹ ia lebang naʹ milu ke un ngan ncem mung. 5
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Kenyah New Testament © Bible Society of Malaysia, 1984.