TITUS 2
2
Puʹun pengelan le iaʹ teneng
1Tiga hoʹ pali pekatuk ida neng puyan iaʹ tekep, iaʹ abeʹ un tai pebe neng puʹun pengelan le iaʹ teneng. 2Ngan pekina pe pekatuk ne kelunan lataʹ apan nte sebelang kimet, ngan mencam pekimet, ngan mencam mapo penyaheʹ usa re, apan nte mahing dalem pengelan nte, ngan teneng pengelesau re, ngan puyan tengayet de tegoʹ de sihoʹ taru.
3Ngan pekina pe tiga hoʹ pekatuk leto lataʹ apan temek seʹ pemuyan nte kumpin iaʹ tekep dalem udip buheʹ ini. Ayen nte pejaʹat ngadan kelunan, ngan pekina pe ayen nte mabuk. Tekep de pekatuk dulu neng puyan iaʹ tiga, 4apan pekalai leto tinen ke malaʹ laki re, ngan malaʹ anak de, 5ngan mencam mapo penyaheʹ usa re, mentung buheʹ kimet de, ngan mencam pubo amin ngan tiga, apan nte tai nuyan leto diaʹ tisen tunuk laki re, apan ne ayen dulu senteng ke pejaʹat katuk Allah.
6Pekina pe tiga hoʹ petangen demanai apan nte mencam mapo penyaheʹ usa re. 7Tekep ne usa hoʹ tengen uyan ca kata neng mung pemuyan iaʹ tiga. Talan ne mung puyan ncoʹ ke ngelingai kimet iaʹ malaʹ katuk iaʹ telit, ngan sebelang dau hoʹ dalau hoʹ ke penco katuk ina. 8Kanan ne isiu iaʹ teneng, iaʹ ukoʹ dulu abeʹ un senteng ke pesalaʹ ikoʹ, apan bunoʹ koʹ tai saʹe moʹ de abeʹ un senteng pejaʹat ilu.
9Dau heʹ palaʹ diaʹ ulaʹ, tiga re bayaʹ dau pengecuk tuʹa re, ngan pebangen ida dalem mung naʹan pemuyan nte. Ngan ayen nte nyakat dau tuʹa re, 10ngan ayen ngelau inu re. Di lareʹ tekep diaʹ ulaʹ lemuto peluhaʹ puyan nte iaʹ tiga ngan pejo kimet, apan ne pemuyan nte ke ngkin ca ngadan iaʹ tiga neng katuk Allah iaʹ Keniga Udip le.
11Allah lepa peluhaʹ pengelesau ue iaʹ ia lebang naʹ milu ina iaʹ senteng ke pudip mung kelunan. 12Pengelesau ue ina pekatuk ilu apan le senteng ke lepo pengudip iaʹ abeʹ un bayaʹ Tuhan Allah ina, ngan pengawaʹ usun tanaʹ ini. Ngan katuk pengelesau ina are, pekatuk ilu apan pengudip le kusun tanaʹ ini mencam mapo penyaheʹ usa le, mudip teneng ngan temek bayaʹ Allah. 13Naʹkini ilu pengaʹ kenai Tau Bioʹ, iaʹ ilu nebelum kenai o. Tegoʹ ina ne, serema peniga Allah iaʹ atek bioʹ, iaʹ Keniga Udip le, kenai luhaʹ, iaʹ ina ne Yesus Keristus. 14Ia lepa mencai usa ha ban tuman ilu, apan le pesau cen mung pengejaʹat le, ngan uyan ilu diaʹ anun ne tengen ca puhoʹ iaʹ buheʹ, iaʹ tangen ke menco pemuyan tiga.
15Pekatuk ne mung puyan dini mida, ngan kanan ne mung tekaʹ penyukat coʹ neng puyan ncoʹ ke petangen ida, ngan negun dau neng diaʹ kenahan dau hoʹ. Ayen ncoʹ pele ca usa ke pengut ikoʹ.
Currently Selected:
TITUS 2: KNT
Highlight
Copy
Compare
Share
Want to have your highlights saved across all your devices? Sign up or sign in
Kenyah New Testament © Bible Society of Malaysia, 1984.
TITUS 2
2
Puʹun pengelan le iaʹ teneng
1Tiga hoʹ pali pekatuk ida neng puyan iaʹ tekep, iaʹ abeʹ un tai pebe neng puʹun pengelan le iaʹ teneng. 2Ngan pekina pe pekatuk ne kelunan lataʹ apan nte sebelang kimet, ngan mencam pekimet, ngan mencam mapo penyaheʹ usa re, apan nte mahing dalem pengelan nte, ngan teneng pengelesau re, ngan puyan tengayet de tegoʹ de sihoʹ taru.
3Ngan pekina pe tiga hoʹ pekatuk leto lataʹ apan temek seʹ pemuyan nte kumpin iaʹ tekep dalem udip buheʹ ini. Ayen nte pejaʹat ngadan kelunan, ngan pekina pe ayen nte mabuk. Tekep de pekatuk dulu neng puyan iaʹ tiga, 4apan pekalai leto tinen ke malaʹ laki re, ngan malaʹ anak de, 5ngan mencam mapo penyaheʹ usa re, mentung buheʹ kimet de, ngan mencam pubo amin ngan tiga, apan nte tai nuyan leto diaʹ tisen tunuk laki re, apan ne ayen dulu senteng ke pejaʹat katuk Allah.
6Pekina pe tiga hoʹ petangen demanai apan nte mencam mapo penyaheʹ usa re. 7Tekep ne usa hoʹ tengen uyan ca kata neng mung pemuyan iaʹ tiga. Talan ne mung puyan ncoʹ ke ngelingai kimet iaʹ malaʹ katuk iaʹ telit, ngan sebelang dau hoʹ dalau hoʹ ke penco katuk ina. 8Kanan ne isiu iaʹ teneng, iaʹ ukoʹ dulu abeʹ un senteng ke pesalaʹ ikoʹ, apan bunoʹ koʹ tai saʹe moʹ de abeʹ un senteng pejaʹat ilu.
9Dau heʹ palaʹ diaʹ ulaʹ, tiga re bayaʹ dau pengecuk tuʹa re, ngan pebangen ida dalem mung naʹan pemuyan nte. Ngan ayen nte nyakat dau tuʹa re, 10ngan ayen ngelau inu re. Di lareʹ tekep diaʹ ulaʹ lemuto peluhaʹ puyan nte iaʹ tiga ngan pejo kimet, apan ne pemuyan nte ke ngkin ca ngadan iaʹ tiga neng katuk Allah iaʹ Keniga Udip le.
11Allah lepa peluhaʹ pengelesau ue iaʹ ia lebang naʹ milu ina iaʹ senteng ke pudip mung kelunan. 12Pengelesau ue ina pekatuk ilu apan le senteng ke lepo pengudip iaʹ abeʹ un bayaʹ Tuhan Allah ina, ngan pengawaʹ usun tanaʹ ini. Ngan katuk pengelesau ina are, pekatuk ilu apan pengudip le kusun tanaʹ ini mencam mapo penyaheʹ usa le, mudip teneng ngan temek bayaʹ Allah. 13Naʹkini ilu pengaʹ kenai Tau Bioʹ, iaʹ ilu nebelum kenai o. Tegoʹ ina ne, serema peniga Allah iaʹ atek bioʹ, iaʹ Keniga Udip le, kenai luhaʹ, iaʹ ina ne Yesus Keristus. 14Ia lepa mencai usa ha ban tuman ilu, apan le pesau cen mung pengejaʹat le, ngan uyan ilu diaʹ anun ne tengen ca puhoʹ iaʹ buheʹ, iaʹ tangen ke menco pemuyan tiga.
15Pekatuk ne mung puyan dini mida, ngan kanan ne mung tekaʹ penyukat coʹ neng puyan ncoʹ ke petangen ida, ngan negun dau neng diaʹ kenahan dau hoʹ. Ayen ncoʹ pele ca usa ke pengut ikoʹ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Kenyah New Testament © Bible Society of Malaysia, 1984.