GALATIA 4
4
1Tekep keʹ penco katuk ini laʹa. Ilu alaʹ kata neng ca anak iaʹ ke un senganan amai ie. Dalau iʹut anak ina, abeʹ un tekajaʹ seʹ e ngan ca ulaʹ, naʹ pe ia iaʹ ke un amin ina. 2Dalau iʹut anak ina, dulu iaʹ petubo ia ngan ngkang gayeng nge, pa tai palut tau iaʹ petuket mia. 3Pekina lete ilu dini cen naʹaʹ koʹ bʹaan anak iʹut are, dalau le ulaʹ bali diaʹ ngaren usun tanaʹ ini. 4Un sepuʹo tai sihoʹ tau iaʹ marung neng pengubaʹ Allah, sulo ho cuk Anak ke tengen nai pempet cen ca leto. Kun ne mudip kentaʹ Katuk Adet. 5Yesus nai pekina apan ne ke nakau kelunan diaʹ mudip kentaʹ Katuk Adet, ngan apan le senteng tai nuyan diaʹ anak Allah.
6Ngan tedanaʹ iaʹ badaʹ ilu diaʹ anak Allah, iaʹ ina Allah cuk Berua Anak ke nai kaʹ dalem kimet le, mentung nge ngelengap kuma ha: “Amai, Amai heʹ.” 7Tuman ina, abeʹ ne ikem ulaʹ laʹa, di lareʹ ikem ne diaʹ anak ke. Ngan moʹ kem dini diaʹ anak ke, Allah ke naʹ mung inu iaʹ ia lepa petenup me diaʹ anak ke.
Paulus mentam neng kelunan lepoʹ Galatia
8Cen naʹaʹ are abeʹ kem tisen Allah. Ina tuman ncem tai ngulaʹ usa hem palaʹ uyat iaʹ seleket Allah hem. Iaʹ lan ne uyat ina abeʹ e Allah. 9Un sepuʹo naʹkini ikem lepa tisen Allah iaʹ atek lan ne, Allah iaʹ lepa tisen ikem. Buk ke pekina, adeʹ kem ubaʹ ketai ngeliwet palaʹ bali diaʹ lemaʹ ngan diaʹ jaʹat dina tupe? Ngan adeʹ kem ubaʹ ke ngulaʹ usa hem neng ida laʹa tupe? 10Kun ncem bayaʹ adet tau, ngan adet bulan, ngan adet bioʹ, ngan adet uman mading. 11Mentam tekaʹ keʹ neng ikem. Moʹ keʹ malap mung gayeng ngkeʹ neng ikem ketai abeʹ un tuman.
12Ahaʹ cenganak cenganak, akeʹ nyat palaʹ ikem, bayaʹ ne koʹ baʹan seʹ keʹ are, moʹ akeʹ ca kelunan lete koʹ baʹan ikem are. Abeʹ kem un salaʹ neng akeʹ. 13Un lepe ikem petawai tuman nceʹ pedenga Denga Injil ini palaʹ ikem tading kenai heʹ are. Dalau idai, sakit ceʹ. 14Un sepuʹo dalau ina abeʹ kem sigut akeʹ ngan nyekang akeʹ, naʹ pe sakit ceʹ ngkin ca pengeten iaʹ bioʹ palaʹ ikem. Di lareʹ kun ncem nyelama alaʹ akeʹ koʹ baʹan neng ca melikat Tuhan are. Kun ncem nyelama akeʹ koʹ baʹan seʹ kem nyelama Keristus are. 15Dalau idai, bangen seʹ kem. Kumpin ne puyan ncem naʹkini laʹa tupe? Akeʹ iaʹ atek nugen seʹ kem dalau idai, buk kem sukat, lepa ne ikem ke miluk luang mata hem ngan naʹ a makeʹ. 16Kumpin? Akeʹ iaʹ bunoʹ kem moʹ keʹ ban badaʹ katuk telit ini palaʹ ikem mo?
17Moʹ kelunan diaʹ ca dina, bioʹ seʹ kimet de ubaʹ ke mihit ikem, un speuʹo pengubaʹ de ina, abeʹ e tiga. Moʹ kimet kelunan dina bang ubaʹ ke ngecoʹ ikem neng akeʹ, apan ncem pekimet ida koʹ baʹan nte pekimet ikem are. 18Tiga lete puyan bioʹ kimet diaʹ pekina buk umpeng nge tiga, abeʹ e bang buk keʹ ke un ngan ncem le, di lareʹ tekep kem lemuto pekina. 19Ahaʹ anak anak keʹ iaʹ akeʹ malaʹ, moʹ ban tuman ikem, ca liwai laʹa heʹ tuyen tekaʹ koʹ baʹan tekaʹ ca leto sakit nganak are. Pekina ne tekaʹ keʹ kena saheʹ Keristus tai nuyan dalem ikem. 20Bioʹ tekaʹ pengubaʹ keʹ ubaʹ ke pemung ngan ncem naʹ kini, apan kimet ceʹ neng ikem sukat tai pekaliu. Atek mentam tekaʹ keʹ neng ikem.
Ca kata neng Hagar ngan Sara
21Palaʹ ikem diaʹ ubaʹ ngulaʹ usa hem neng Katuk Adet, akeʹ ke lemutu hem: Abeʹ kem ban kenahan isiu iaʹ un dalem Katuk Adet tupe? 22Un dau ue: “Ibrahim un dua re anak.” Un ca anak ke, iaʹ ina anak ke ngan ca leto ulaʹ, ngan un ca laʹa, anak ke ngan iaʹ atek leto ho. 23Anak ke ngan leto ulaʹ ina are, nganak koʹ baʹan kelayen le kelunan. Un sepuʹo anak ke ngan iaʹ atek leto ho ina, nganak kuʹun tuket cen Allah. 24Puyan ina are, sukat nuyan ca kata palaʹ ilu, moʹ leto dua dina are, seleket dua naʹan tuket. Iaʹ ading, iaʹ ina Hagar, seleket tuket iaʹ nai cen Mudung Sinai, ngan diaʹ anak ke nai pempet dalem puyan ulaʹ. 25Un Hagar ina, ia ne iaʹ seleket Mudung Sinai, kaʹ tanaʹ Arap, ngan seleket lepoʹ Yerusalim iaʹ un naʹkini, ca ulaʹ pemung ngan mung kelunan iaʹ dalem me. 26Un sepuʹo lepoʹ Yerusalim iaʹ atek surga ina, un udip pejo, ngan ia ne iaʹ ueʹ le. 27Moʹ un dau Kitap:
“Bangen ne ikoʹ, e leto iaʹ lua.
Ngelengap ne ngan bangen dau, e ikoʹ iaʹ abeʹ
un tisen tekaʹ sakit nganak.
Moʹ leto iaʹ mudip tengen ina, lapa kadoʹ anak ke, neng ʹo leto iaʹ pemung ngan laki ie ina ʹo.”
28Ahaʹ cenganak cenganak keʹ, pekina lete ikem dini diaʹ anak Allah kuʹun tuket te, koʹ baʹan Isak are. 29Dalau ina are, anak iaʹ nai pempet koʹ baʹan kelayen le kelunan are, ia nyakit anak iaʹ nai pempet bayaʹ ban penyukat Berua Allah ina. Pekina lete puyan le pabeʹ naʹkini. 30Un sepuʹo kumpin dau isiu dalem Kitap? Pekini dau ue: “Pet ne leto ulaʹ ina peging ngan anak ke, moʹ abeʹ anak leto ulaʹ ina ke un tulat neng galen amai ie pemung ngan anak iaʹ atek leto ho ina.” 31Ahaʹ cenganak cenganak, pekina lete ilu dini, abeʹ le diaʹ anak leto ulaʹ idai laʹa, di lareʹ ilu ne diaʹ anak leto iaʹ pejo diseʹ ban mudip idai.
Currently Selected:
GALATIA 4: KNT
Highlight
Copy
Compare
Share
Want to have your highlights saved across all your devices? Sign up or sign in
Kenyah New Testament © Bible Society of Malaysia, 1984.
GALATIA 4
4
1Tekep keʹ penco katuk ini laʹa. Ilu alaʹ kata neng ca anak iaʹ ke un senganan amai ie. Dalau iʹut anak ina, abeʹ un tekajaʹ seʹ e ngan ca ulaʹ, naʹ pe ia iaʹ ke un amin ina. 2Dalau iʹut anak ina, dulu iaʹ petubo ia ngan ngkang gayeng nge, pa tai palut tau iaʹ petuket mia. 3Pekina lete ilu dini cen naʹaʹ koʹ bʹaan anak iʹut are, dalau le ulaʹ bali diaʹ ngaren usun tanaʹ ini. 4Un sepuʹo tai sihoʹ tau iaʹ marung neng pengubaʹ Allah, sulo ho cuk Anak ke tengen nai pempet cen ca leto. Kun ne mudip kentaʹ Katuk Adet. 5Yesus nai pekina apan ne ke nakau kelunan diaʹ mudip kentaʹ Katuk Adet, ngan apan le senteng tai nuyan diaʹ anak Allah.
6Ngan tedanaʹ iaʹ badaʹ ilu diaʹ anak Allah, iaʹ ina Allah cuk Berua Anak ke nai kaʹ dalem kimet le, mentung nge ngelengap kuma ha: “Amai, Amai heʹ.” 7Tuman ina, abeʹ ne ikem ulaʹ laʹa, di lareʹ ikem ne diaʹ anak ke. Ngan moʹ kem dini diaʹ anak ke, Allah ke naʹ mung inu iaʹ ia lepa petenup me diaʹ anak ke.
Paulus mentam neng kelunan lepoʹ Galatia
8Cen naʹaʹ are abeʹ kem tisen Allah. Ina tuman ncem tai ngulaʹ usa hem palaʹ uyat iaʹ seleket Allah hem. Iaʹ lan ne uyat ina abeʹ e Allah. 9Un sepuʹo naʹkini ikem lepa tisen Allah iaʹ atek lan ne, Allah iaʹ lepa tisen ikem. Buk ke pekina, adeʹ kem ubaʹ ketai ngeliwet palaʹ bali diaʹ lemaʹ ngan diaʹ jaʹat dina tupe? Ngan adeʹ kem ubaʹ ke ngulaʹ usa hem neng ida laʹa tupe? 10Kun ncem bayaʹ adet tau, ngan adet bulan, ngan adet bioʹ, ngan adet uman mading. 11Mentam tekaʹ keʹ neng ikem. Moʹ keʹ malap mung gayeng ngkeʹ neng ikem ketai abeʹ un tuman.
12Ahaʹ cenganak cenganak, akeʹ nyat palaʹ ikem, bayaʹ ne koʹ baʹan seʹ keʹ are, moʹ akeʹ ca kelunan lete koʹ baʹan ikem are. Abeʹ kem un salaʹ neng akeʹ. 13Un lepe ikem petawai tuman nceʹ pedenga Denga Injil ini palaʹ ikem tading kenai heʹ are. Dalau idai, sakit ceʹ. 14Un sepuʹo dalau ina abeʹ kem sigut akeʹ ngan nyekang akeʹ, naʹ pe sakit ceʹ ngkin ca pengeten iaʹ bioʹ palaʹ ikem. Di lareʹ kun ncem nyelama alaʹ akeʹ koʹ baʹan neng ca melikat Tuhan are. Kun ncem nyelama akeʹ koʹ baʹan seʹ kem nyelama Keristus are. 15Dalau idai, bangen seʹ kem. Kumpin ne puyan ncem naʹkini laʹa tupe? Akeʹ iaʹ atek nugen seʹ kem dalau idai, buk kem sukat, lepa ne ikem ke miluk luang mata hem ngan naʹ a makeʹ. 16Kumpin? Akeʹ iaʹ bunoʹ kem moʹ keʹ ban badaʹ katuk telit ini palaʹ ikem mo?
17Moʹ kelunan diaʹ ca dina, bioʹ seʹ kimet de ubaʹ ke mihit ikem, un speuʹo pengubaʹ de ina, abeʹ e tiga. Moʹ kimet kelunan dina bang ubaʹ ke ngecoʹ ikem neng akeʹ, apan ncem pekimet ida koʹ baʹan nte pekimet ikem are. 18Tiga lete puyan bioʹ kimet diaʹ pekina buk umpeng nge tiga, abeʹ e bang buk keʹ ke un ngan ncem le, di lareʹ tekep kem lemuto pekina. 19Ahaʹ anak anak keʹ iaʹ akeʹ malaʹ, moʹ ban tuman ikem, ca liwai laʹa heʹ tuyen tekaʹ koʹ baʹan tekaʹ ca leto sakit nganak are. Pekina ne tekaʹ keʹ kena saheʹ Keristus tai nuyan dalem ikem. 20Bioʹ tekaʹ pengubaʹ keʹ ubaʹ ke pemung ngan ncem naʹ kini, apan kimet ceʹ neng ikem sukat tai pekaliu. Atek mentam tekaʹ keʹ neng ikem.
Ca kata neng Hagar ngan Sara
21Palaʹ ikem diaʹ ubaʹ ngulaʹ usa hem neng Katuk Adet, akeʹ ke lemutu hem: Abeʹ kem ban kenahan isiu iaʹ un dalem Katuk Adet tupe? 22Un dau ue: “Ibrahim un dua re anak.” Un ca anak ke, iaʹ ina anak ke ngan ca leto ulaʹ, ngan un ca laʹa, anak ke ngan iaʹ atek leto ho. 23Anak ke ngan leto ulaʹ ina are, nganak koʹ baʹan kelayen le kelunan. Un sepuʹo anak ke ngan iaʹ atek leto ho ina, nganak kuʹun tuket cen Allah. 24Puyan ina are, sukat nuyan ca kata palaʹ ilu, moʹ leto dua dina are, seleket dua naʹan tuket. Iaʹ ading, iaʹ ina Hagar, seleket tuket iaʹ nai cen Mudung Sinai, ngan diaʹ anak ke nai pempet dalem puyan ulaʹ. 25Un Hagar ina, ia ne iaʹ seleket Mudung Sinai, kaʹ tanaʹ Arap, ngan seleket lepoʹ Yerusalim iaʹ un naʹkini, ca ulaʹ pemung ngan mung kelunan iaʹ dalem me. 26Un sepuʹo lepoʹ Yerusalim iaʹ atek surga ina, un udip pejo, ngan ia ne iaʹ ueʹ le. 27Moʹ un dau Kitap:
“Bangen ne ikoʹ, e leto iaʹ lua.
Ngelengap ne ngan bangen dau, e ikoʹ iaʹ abeʹ
un tisen tekaʹ sakit nganak.
Moʹ leto iaʹ mudip tengen ina, lapa kadoʹ anak ke, neng ʹo leto iaʹ pemung ngan laki ie ina ʹo.”
28Ahaʹ cenganak cenganak keʹ, pekina lete ikem dini diaʹ anak Allah kuʹun tuket te, koʹ baʹan Isak are. 29Dalau ina are, anak iaʹ nai pempet koʹ baʹan kelayen le kelunan are, ia nyakit anak iaʹ nai pempet bayaʹ ban penyukat Berua Allah ina. Pekina lete puyan le pabeʹ naʹkini. 30Un sepuʹo kumpin dau isiu dalem Kitap? Pekini dau ue: “Pet ne leto ulaʹ ina peging ngan anak ke, moʹ abeʹ anak leto ulaʹ ina ke un tulat neng galen amai ie pemung ngan anak iaʹ atek leto ho ina.” 31Ahaʹ cenganak cenganak, pekina lete ilu dini, abeʹ le diaʹ anak leto ulaʹ idai laʹa, di lareʹ ilu ne diaʹ anak leto iaʹ pejo diseʹ ban mudip idai.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Kenyah New Testament © Bible Society of Malaysia, 1984.