GALATIA 3
3
Katuk Adet, buk ke are pengelan
1E kelunan Galatia diaʹ mapaʹ! Aheʹ iaʹ ban pelingu ikem tupe? Sen neng puyan patai Yesus Keristus neng usun kayu tecek are, lepa ne akeʹ badaʹ a mikem pa ha besut dau. 2Bang ca le pengenyat ceʹ, mipa ne putu heʹ ini: Un ncem alaʹ Berua Tuhan ina moʹ kuʹun pemuyan ncem bayaʹ Katuk Adet mo? Buk ke are, moʹ kem ngeringa mentung ngkem ngelan dau Denga Injil ina? 3Moʹ inu hem mapaʹ laleʹ taʹin? Lepa ne ikem nading pengudip kem iaʹ mading ina kuʹun Berua Tuhan. Adeʹ kem ubaʹ ke pesukung nge man penyukat cem tengen laʹa tupe? 4Kumpin? Mung puyan iaʹ nuyan neng ikem tading ngkem ngelan are, un te sen ne mo? Atek un lete sen ne. 5Kumpin? Allah ban naʹ Berua ha mikem, ngan uyan puyan nyingan neng ahang ikem ban tuman ncem bayaʹ Katuk Adet mo? Buk ke are, tuman ban ncem ngeringa ngan ngelan tiraʹ Denga Injil ina?
6Koʹ baʹan dua jo Kitap iaʹ badaʹ neng puyan Ibrahim kuma ha: “Moʹ Ibrahim ngelan palaʹ Allah, ngan moʹ kuʹun pengelan ne, ina tuman Allah alaʹ ia ca kelunan iaʹ lepa teneng ngan ne.” 7Pekina lete ikem tekep tai tisen, moʹ mung kelunan diaʹ un pengelan, ida lete kelunan diaʹ mela Ibrahim. 8Ngan jo Kitap cen naʹaʹ lepa nekena badaʹ moʹ Allah ke peteneng kelunan diaʹ tahaʹ awang Yahudi ngan ne, moʹ kuʹun pengelan nte. Pekina pe Kitap ina lete iaʹ nekena badaʹ Denga Injil palaʹ Ibrahim cen naʹaʹ. Koʹ baʹan dau iaʹ un dalem Kitap kuma ha: “Moʹ ban tuman ikoʹ, Allah ke naʹ peniga ha me mung kelunan kusun tanaʹ ini.” 9Moʹ Ibrahim ngelan sulo Allah naʹ peniga ha mia. Pekina lete mung kelunan diaʹ un pengelan, Allah ke naʹ peniga ha mida, koʹ baʹan puyan ne neng Ibrahim are.
10Moʹ kelunan diaʹ bang nebelum neng puyan nte bayaʹ Katuk Adet, ida lete iaʹ ke mudip kentaʹ pudoʹ Allah. Moʹ un dau dalem Kitap kuma ha: “Aheʹ kelunan iaʹ abeʹ un lemuto ke uyan mung inu iaʹ un dalem Katuk Adet, kelunan ina lete iaʹ ke sihoʹ pudoʹ Allah.” 11Tuman ina, luhaʹ ban ca kelunan abeʹ un sukat ketai teneng ngan Allah ban kuʹun Katuk Adet ina. Moʹ un dau Kitap: “Kelunan iaʹ ketai teneng ngan Allah ban kuʹun pengelan ne, kelunan ina lete ia, ke un udip ʹo.” 12Moʹ Katuk Adet ina abeʹ e pebesun neng pengelan. Di lareʹ un dau Kitap: “Aheʹ kelunan iaʹ bayaʹ mung pemuyan Katuk Adet, ia lete iaʹ ke mudip bayaʹ Katuk Adet ina.”
13Un sepuʹo Keristus lepa nakau ilu cen pudoʹ Allah iaʹ nai serengan Katuk Adet ina, iaʹ ina Keristus tengen tai sihoʹ pudoʹ saliu ilu. Ban ne un dau Kitap: “Kelunan iaʹ ngediding neng kayu tecek, ia ne iaʹ sihoʹ pudoʹ Allah.” 14Keristus uyan diaʹ pekina, apan mung peniga iaʹ Allah lepa petuket ke naʹ me Ibrahim ina senteng ke tai palaʹ kelunan diaʹ tahaʹ awang lepoʹ Yahudi, ban kuʹun Keristus Yesus. Iaʹ ina apan man pengelan le, ilu senteng ke alaʹ Berua iaʹ Allah lepa petuket ke naʹ milu ina.
Dau Adet ngan dau Tuket
15Ahaʹ cenganak cenganak, akeʹ alaʹ kata neng kelayen udip le kelunan singket singket tau. Buk dua usa kelunan kuaʹ kimet neng ca pemuyan, ngan sulo re dua uyan ca surat iaʹ nedanaʹ moʹ de dua lepa petuket puyan ina, abeʹ un ca kelunan iaʹ sukat ke sau puyan ina, ngan pekina pe ke naʹ pit te. 16Allah lepa petuket ngan Ibrahim, ngan pekina pe palaʹ ca usa diaʹ mela ha. Abeʹ Kitap kuma ha: “Ngan pekina pe palaʹ mung mela hoʹ.” Buk ke pekina, sen ne palaʹ mung kelunan kadoʹ. Di lareʹ un dau ue: “Ngan pekina pe palaʹ ca usa diaʹ mela hoʹ.” Buk ke pekina, sen ne palaʹ ca usa le, iaʹ ina Keristus. 17Sen isiu heʹ ne iaʹ ina, Allah lepa petuket ngan le, ngan ia patek ke bayaʹ inu iaʹ ia lepa petuket ina. Katuk Adet iaʹ nai luhaʹ pat ato telu puloʹ uman ʹo Ibrahim, abeʹ e senteng ke ngasing tuket ina, ngan ke lemataʹ patek Allah ina. 18Moʹ buk pengencai Allah ina pebesun neng Katuk Adet, abeʹ e nai kuʹun tuket Allah laʹa. Di lareʹ moʹ Allah lepa petuket ngan Ibrahim, ina tuman ne naʹ a mia.
19Buk ke pekina, inu tuman Allah ban naʹ Katuk Adet ina cen naʹaʹ? Allah ban naʹ Katuk Adet ina apan ne ke peluhaʹ puyan iaʹ salaʹ. Ngan Katuk Adet ina nuyan ca janan pa kenai Laki iaʹ mela cen Ibrahim, moʹ palaʹ ia ne dau tuket ina nuyan are. Katuk Adet ina nai cen Allah, ngan diaʹ melikat te iaʹ ngkin ne palaʹ Musa, ngan Musa iaʹ neng ahang Allah ngan kelunan dalau ina. 20Un sepuʹo dalau Allah petuket ngan Ibrahim cen naʹaʹ are, abeʹ titin aheʹ iaʹ un neng ahang ida dua. Moʹ Allah iaʹ man ceng bese, ngan ia lete iaʹ man ceng bese pe. Ngan Allah ina, bang ca le.
Tuman ban Katuk Adet
21Buk ke pekina, un sen Katuk Adet ina ke pesakat ngan tuket Allah tupe? Naʹun, abeʹ e pekina. Ban ne buk Allah lepa ban naʹ ca Katuk Adet iaʹ senteng ke naʹ pengudip me kelunan, atek sukat lete kelunan ketai teneng ngan Allah ban tuman Katuk Adet ina are. 22Iaʹ lan ne, Kitap lepa badaʹ kuma ha mung kelunan kusun tanaʹ ini lepa peput kuʹun penyukat penyalaʹ. Ina ukoʹ pengencai Allah, iaʹ ia lepa petuket kuʹun pengelan le palaʹ Yesus Keristus ina, sukat te naʹ a me mung kelunan diaʹ ngelan ia.
23Kena le tisen pengelan le palaʹ Keristus, Katuk Adet lepa meput ilu koʹ baʹan kelunan diaʹ sihoʹ peput are, pa pengelan ina nai luhaʹ lan. 24Pekina pe Katuk Adet ina ngaren ilu, pa kenai Keristus luhaʹ, idi le sukat tai teneng ngan Allah ban kuʹun pengelan le. 25Un sepuʹo moʹ pengelan le lepa un naʹkini, abeʹ ne Katuk Adet ina sukat ke ngaren ilu laʹa.
26Moʹ kuʹun pengelan ncem, ina ukoʹ mung ngkem sukat tai nuyan diaʹ anak Allah ban tuman pebeka tawai hem ngan Keristus Yesus. 27Moʹ mung ngkem lepa sihoʹ ngebatis kaʹ dalem puyan pebeka tawai hem ngan Keristus ina, tuman ina saheʹ Keristus tengen iaʹ un neng ikem. 28Tuman ina, abeʹ un tekajaʹ lepoʹ Yahudi ngan lepoʹ dulu diaʹ ca, pekina pe diaʹ ulaʹ ngan diaʹ abeʹ un ulaʹ, pekina pe laki ngan leto. Moʹ mung ngkem lepa pekuaʹ dalem pebeka penawai hem ngan Keristus Yesus. 29Ban ne buk Keristus iaʹ un ikem, ikem lete diaʹ mela Ibrahim, ngan ikem ke alaʹ inu iaʹ Allah lepa petuket.
Currently Selected:
GALATIA 3: KNT
Highlight
Copy
Compare
Share
Want to have your highlights saved across all your devices? Sign up or sign in
Kenyah New Testament © Bible Society of Malaysia, 1984.
GALATIA 3
3
Katuk Adet, buk ke are pengelan
1E kelunan Galatia diaʹ mapaʹ! Aheʹ iaʹ ban pelingu ikem tupe? Sen neng puyan patai Yesus Keristus neng usun kayu tecek are, lepa ne akeʹ badaʹ a mikem pa ha besut dau. 2Bang ca le pengenyat ceʹ, mipa ne putu heʹ ini: Un ncem alaʹ Berua Tuhan ina moʹ kuʹun pemuyan ncem bayaʹ Katuk Adet mo? Buk ke are, moʹ kem ngeringa mentung ngkem ngelan dau Denga Injil ina? 3Moʹ inu hem mapaʹ laleʹ taʹin? Lepa ne ikem nading pengudip kem iaʹ mading ina kuʹun Berua Tuhan. Adeʹ kem ubaʹ ke pesukung nge man penyukat cem tengen laʹa tupe? 4Kumpin? Mung puyan iaʹ nuyan neng ikem tading ngkem ngelan are, un te sen ne mo? Atek un lete sen ne. 5Kumpin? Allah ban naʹ Berua ha mikem, ngan uyan puyan nyingan neng ahang ikem ban tuman ncem bayaʹ Katuk Adet mo? Buk ke are, tuman ban ncem ngeringa ngan ngelan tiraʹ Denga Injil ina?
6Koʹ baʹan dua jo Kitap iaʹ badaʹ neng puyan Ibrahim kuma ha: “Moʹ Ibrahim ngelan palaʹ Allah, ngan moʹ kuʹun pengelan ne, ina tuman Allah alaʹ ia ca kelunan iaʹ lepa teneng ngan ne.” 7Pekina lete ikem tekep tai tisen, moʹ mung kelunan diaʹ un pengelan, ida lete kelunan diaʹ mela Ibrahim. 8Ngan jo Kitap cen naʹaʹ lepa nekena badaʹ moʹ Allah ke peteneng kelunan diaʹ tahaʹ awang Yahudi ngan ne, moʹ kuʹun pengelan nte. Pekina pe Kitap ina lete iaʹ nekena badaʹ Denga Injil palaʹ Ibrahim cen naʹaʹ. Koʹ baʹan dau iaʹ un dalem Kitap kuma ha: “Moʹ ban tuman ikoʹ, Allah ke naʹ peniga ha me mung kelunan kusun tanaʹ ini.” 9Moʹ Ibrahim ngelan sulo Allah naʹ peniga ha mia. Pekina lete mung kelunan diaʹ un pengelan, Allah ke naʹ peniga ha mida, koʹ baʹan puyan ne neng Ibrahim are.
10Moʹ kelunan diaʹ bang nebelum neng puyan nte bayaʹ Katuk Adet, ida lete iaʹ ke mudip kentaʹ pudoʹ Allah. Moʹ un dau dalem Kitap kuma ha: “Aheʹ kelunan iaʹ abeʹ un lemuto ke uyan mung inu iaʹ un dalem Katuk Adet, kelunan ina lete iaʹ ke sihoʹ pudoʹ Allah.” 11Tuman ina, luhaʹ ban ca kelunan abeʹ un sukat ketai teneng ngan Allah ban kuʹun Katuk Adet ina. Moʹ un dau Kitap: “Kelunan iaʹ ketai teneng ngan Allah ban kuʹun pengelan ne, kelunan ina lete ia, ke un udip ʹo.” 12Moʹ Katuk Adet ina abeʹ e pebesun neng pengelan. Di lareʹ un dau Kitap: “Aheʹ kelunan iaʹ bayaʹ mung pemuyan Katuk Adet, ia lete iaʹ ke mudip bayaʹ Katuk Adet ina.”
13Un sepuʹo Keristus lepa nakau ilu cen pudoʹ Allah iaʹ nai serengan Katuk Adet ina, iaʹ ina Keristus tengen tai sihoʹ pudoʹ saliu ilu. Ban ne un dau Kitap: “Kelunan iaʹ ngediding neng kayu tecek, ia ne iaʹ sihoʹ pudoʹ Allah.” 14Keristus uyan diaʹ pekina, apan mung peniga iaʹ Allah lepa petuket ke naʹ me Ibrahim ina senteng ke tai palaʹ kelunan diaʹ tahaʹ awang lepoʹ Yahudi, ban kuʹun Keristus Yesus. Iaʹ ina apan man pengelan le, ilu senteng ke alaʹ Berua iaʹ Allah lepa petuket ke naʹ milu ina.
Dau Adet ngan dau Tuket
15Ahaʹ cenganak cenganak, akeʹ alaʹ kata neng kelayen udip le kelunan singket singket tau. Buk dua usa kelunan kuaʹ kimet neng ca pemuyan, ngan sulo re dua uyan ca surat iaʹ nedanaʹ moʹ de dua lepa petuket puyan ina, abeʹ un ca kelunan iaʹ sukat ke sau puyan ina, ngan pekina pe ke naʹ pit te. 16Allah lepa petuket ngan Ibrahim, ngan pekina pe palaʹ ca usa diaʹ mela ha. Abeʹ Kitap kuma ha: “Ngan pekina pe palaʹ mung mela hoʹ.” Buk ke pekina, sen ne palaʹ mung kelunan kadoʹ. Di lareʹ un dau ue: “Ngan pekina pe palaʹ ca usa diaʹ mela hoʹ.” Buk ke pekina, sen ne palaʹ ca usa le, iaʹ ina Keristus. 17Sen isiu heʹ ne iaʹ ina, Allah lepa petuket ngan le, ngan ia patek ke bayaʹ inu iaʹ ia lepa petuket ina. Katuk Adet iaʹ nai luhaʹ pat ato telu puloʹ uman ʹo Ibrahim, abeʹ e senteng ke ngasing tuket ina, ngan ke lemataʹ patek Allah ina. 18Moʹ buk pengencai Allah ina pebesun neng Katuk Adet, abeʹ e nai kuʹun tuket Allah laʹa. Di lareʹ moʹ Allah lepa petuket ngan Ibrahim, ina tuman ne naʹ a mia.
19Buk ke pekina, inu tuman Allah ban naʹ Katuk Adet ina cen naʹaʹ? Allah ban naʹ Katuk Adet ina apan ne ke peluhaʹ puyan iaʹ salaʹ. Ngan Katuk Adet ina nuyan ca janan pa kenai Laki iaʹ mela cen Ibrahim, moʹ palaʹ ia ne dau tuket ina nuyan are. Katuk Adet ina nai cen Allah, ngan diaʹ melikat te iaʹ ngkin ne palaʹ Musa, ngan Musa iaʹ neng ahang Allah ngan kelunan dalau ina. 20Un sepuʹo dalau Allah petuket ngan Ibrahim cen naʹaʹ are, abeʹ titin aheʹ iaʹ un neng ahang ida dua. Moʹ Allah iaʹ man ceng bese, ngan ia lete iaʹ man ceng bese pe. Ngan Allah ina, bang ca le.
Tuman ban Katuk Adet
21Buk ke pekina, un sen Katuk Adet ina ke pesakat ngan tuket Allah tupe? Naʹun, abeʹ e pekina. Ban ne buk Allah lepa ban naʹ ca Katuk Adet iaʹ senteng ke naʹ pengudip me kelunan, atek sukat lete kelunan ketai teneng ngan Allah ban tuman Katuk Adet ina are. 22Iaʹ lan ne, Kitap lepa badaʹ kuma ha mung kelunan kusun tanaʹ ini lepa peput kuʹun penyukat penyalaʹ. Ina ukoʹ pengencai Allah, iaʹ ia lepa petuket kuʹun pengelan le palaʹ Yesus Keristus ina, sukat te naʹ a me mung kelunan diaʹ ngelan ia.
23Kena le tisen pengelan le palaʹ Keristus, Katuk Adet lepa meput ilu koʹ baʹan kelunan diaʹ sihoʹ peput are, pa pengelan ina nai luhaʹ lan. 24Pekina pe Katuk Adet ina ngaren ilu, pa kenai Keristus luhaʹ, idi le sukat tai teneng ngan Allah ban kuʹun pengelan le. 25Un sepuʹo moʹ pengelan le lepa un naʹkini, abeʹ ne Katuk Adet ina sukat ke ngaren ilu laʹa.
26Moʹ kuʹun pengelan ncem, ina ukoʹ mung ngkem sukat tai nuyan diaʹ anak Allah ban tuman pebeka tawai hem ngan Keristus Yesus. 27Moʹ mung ngkem lepa sihoʹ ngebatis kaʹ dalem puyan pebeka tawai hem ngan Keristus ina, tuman ina saheʹ Keristus tengen iaʹ un neng ikem. 28Tuman ina, abeʹ un tekajaʹ lepoʹ Yahudi ngan lepoʹ dulu diaʹ ca, pekina pe diaʹ ulaʹ ngan diaʹ abeʹ un ulaʹ, pekina pe laki ngan leto. Moʹ mung ngkem lepa pekuaʹ dalem pebeka penawai hem ngan Keristus Yesus. 29Ban ne buk Keristus iaʹ un ikem, ikem lete diaʹ mela Ibrahim, ngan ikem ke alaʹ inu iaʹ Allah lepa petuket.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Kenyah New Testament © Bible Society of Malaysia, 1984.