GWAY GI IDAWUU’D 47
47
Eya manyuḵ gway mo. Gway gom iya/ ma Guurah mo.
1Tori me’d bum mo, aris ’kwani ’baar mo.
Ḵumi cuuwa/ mo goma Arumgimis mo ki gway jin eḵu/ ki nyanye/ gom bwaŋ ’kunyka/ mo.
2Haali/ Tap̱a, a’di jin Caa e ki Ca mo tani a’di ḵa/aḵa/ mo,
a’di jin ta dhana Maliḵ ap̱o/ mony’ceshi ’baar mo.
3A’di ki dhuwa ris ’kwani e bwaŋ’kwariny ana mo
dhali aris ’kwani e bwaŋ’kwariny sho’k bana mo.
4A’di ki kwany mal bana gom ana mo,
’ba/ jin kar ma Yakuub ki ca a’di jin ena a’di mo be. Doshi ma dhali ’cunycuri yan mo.
5Arumgimis shinki bway momis cuuwa/ ilu/ mo be,
dhali Tap̱a ki ko ma poome/ mo.
6Yuḵi gway mmomaŋ Arumgimis mo, yuḵi gway mmomaŋa maŋ mo.
Yuḵi gway mmomaŋa Maliḵ bana mo, yuḵi gway mmomaŋa maŋ mo.
7Haali/ Arumgimis a’di ta’da Maliḵ gom mony’ceshi ’baar mo.
Yuḵi gway mmomaŋa maŋ ki gway jin yedhuwa ye’th sho’k mo.
8Arumgimis miiki miin tap̱a ap̱owa ris kal gi ’kwaniny’cesh mo.
Arumgimis c̱a’bki’da p̱owa ḵursim piti jin ḵogu mo.
9Iya/ gi ’kwani mo tani uni tulki isi monṯal ’de/ mo
me’d ’kwani ma Arumgimis ma Ibrahiim mo.
Haala goŋgoro/ jin ta ji gi mony’cesh mo tani a’di cil ma Arumgimis mo be.
A’di karu ki ca jin eḵa/ eḵ mo.
Currently Selected:
GWAY GI IDAWUU’D 47: Udk
Highlight
Copy
Compare
Share
Want to have your highlights saved across all your devices? Sign up or sign in
©Society for International Ministries, 2013
