GWAY GI IDAWUU’D 15
15
Gway ma Dawuu’d
1Ayy Tap̱a, aja a’di imidi c̱a’b ki c̱a’b yilkina/ e gu’b burrinyem pini mo?
Dhali aja a’di imidi c̱a’b e ’kuwosh pini jin ḵogu mo?
2A’di jin ya’d ki dar gi mii ’ba/ mo, dhali mii miim ’boro’d mo,
dhali ṯor gwoŋ gana/ ’pena dum piti mo,
3a’di jin diki thutha thu’th ’pen ka le’d piti mo,
dhali diki mii tonthus ka kam piti mo,
walla ḵal mo jin waḵuwa waḵ ap̱owa mannyaḵ c̱a’b piti jin ’dish a’di is mo,
4dhali e jis/em piti mo tani aman/ush gwo gam is mo tani waḵkina a’di mo,
hili a’di taḵ uni gwansan kun ḵo/ki Tap̱a mo,
dhali a’di jin thulki gwom piti me’da p̱o/ mo ki to jin shi/ki a’di mo tani dhali diki aḵ gwom piti e mo be,
5a’di jin diki kara guurush piti e mo jin nyunyu/ to mo,
dhali a’di diki bu’th mo jin wanu is ap̱o/ a’di jin di’d ka po/ mo be.
A’di jin mii to gwansan mo tani minu mol joc̱ ki sule/ mo be.
Currently Selected:
GWAY GI IDAWUU’D 15: Udk
Highlight
Copy
Compare
Share
Want to have your highlights saved across all your devices? Sign up or sign in
©Society for International Ministries, 2013
