Heh puiˉ hkʼaw ve li‸ 4
4
Kawˇhaˆ awˬ ceuˬ awˬ hkʼaˇ teˇ hpaˍ ve kanˉ
1Gʼuiˬsha Moˉseˍ hta‸ tawˇ yaw piˇ leh, 2bon yehˬ hkʼaw kanˉ te puiˉ la peuˬ ve Leˍviˆ chaw Kawˇhaˆ awˬ ceuˬ aw hkʼaˇ, 3a sha‸ 30 hkʼaw‸ te leh 50 hkʼaw‸ awˬ kaˍ ve hawˉ hkʼaˆ paˍ hkʼa peu-eˬ ve awˬ meh bvuh‸ yuˬ tcuh ve yoˬ. 4Yawˇ hui gʼa te tuˬ ve kanˉ lehˬ, da‸ kehˬ jaˇ ve kanˉ hpeh‸ ve yoˬ.
5Gʼuiˬsha Moˉseˍ hta‸ chi hkʼe kʼoˆ piˇ taˍ ve yoˬ. Nawˬ hui awˬ gʼuˇ suhˍ kʼaw‸ kʼai tuˬ ve awˬ yanˇ gaˬ la ve teˇ yanˇ, Aˍronˍ leh yawˇ ve yaˇ teˇ hpaˍ lehˬ bon yehˬ hkʼaw lo‸-e leh, ka ti‸ shaˉ caˆ ta kʼoˍ gʼuˇ suhˍ lo ko taˍ ve hpa hta‸ yuˬ tawˆ peuˬ hkʼaw‸ nawˉ, ta kʼoˍ oˇ ve hta‸ gʼa beh piˇ ve yoˬ. 6Yawˇ hui lehˬ oˇ ve awˬ hkʼoˆ lo da‸ jaˇ ve shaˍ guiˬ kʼuˉ gʼa kʼaw‸ yuˬ beh leh, oˇ ve awˬ hkʼoˆ lo teˇ pawˆ nawˉ-ehˍ ve hpa gʼa kʼaw‸ yuˬ beh piˇ ve yoˬ. Oˇ hkʼe te peuˬ hkʼaw‸ nawˉ, suhˆ taˬ gʼa keu taˆ ve yoˬ.
7Yawˇ hui lehˬ, Gʼuiˬsha hta‸ tanˇ piˇ taˍ ve hkaoˍmonˇ teh taˍ kuiˬ hpui lawˇ hta‸ htawˇ, nawˉ-ehˍ ve hpa gʼa yuˬ beh leh, oˇ ve awˬ hkʼoˆ lo hkehˇ teˇ hpaˍ, sha hawnˉ keu taˍ ve kawˆ teˇ hpaˍ, a pehˉ meuˇ gʼuiˬ keu taˍ ve kaw teˇ hpaˍ, leh hkaoˍmonˇ teˇ hpaˍ gʼa teh taˍ ve yoˬ. 8Yawˇ hui lehˬ, mawˇ oˇ ve teˇ hpaˍ awˬ hkʼoˆ lo nyiˉ-ehˍ ve hpa gʼa kʼaw‸ yuˬ beh ve yoˬ. Oˇ ve awˬ hkʼoˆ lo da‸ jaˇ ve shaˍ guiˬ kʼuˉ teˇ pawˆ gʼa kʼaw‸ yuˬ beh piˇ leh suhˆ taˬ gʼa keu taˆ ve yoˬ.
9Yawˇ hui lehˬ nawˉ-ehˍ ve hpa hta‸ yuˬ leh aˬ miˍ tuˉ teh kuiˬ, kawˆ faiˇ teˇ hpaˍ, sho nuˆ, hkʼaw‸ laˉ toˆ baˬ tuˬ ve hkehˇ leh shaˍlonˍ chu keu taˍ ve kaw teˇ hpaˍ hta‸ gʼa beh piˇ ve yoˬ. 10Yawˇ hui lehˬ mawˇ oˇ ve teˇ hpaˍ hta‸ da‸ jaˇ ve shaˍ guiˬ kʼuˉ hkʼaw gʼa lo‸ htiˆ leh, gʼa taˆ kʼai ve yoˬ.
11Yawˇ hui lehˬ, shi yuˬ te taˍ ve sha hawnˉ tuˉ tanˇ kuiˬ hta‸ nawˉ-ehˍ ve hpa gʼa yuˬ beh leh, oˇ ve awˬ hkʼoˆ lo teˇ pawˆ da‸ jaˇ ve shaˍ guiˬ kʼuˉ gʼa kʼaw‸ yuˬ beh piˇ ve yoˬ. Oˇ hkʼe te peuˬ hkʼaw‸ nawˉ, suhˆ taˬ gʼa keu taˆ ve yoˬ. 12Yawˇ hui lehˬ, da‸ kehˬ ve bawehˇ hkʼaw yehˇ ve awˬ nu ve mawˇ hkʼa peu-eˬ hta‸ nawˉ-ehˍ ve hpa gʼa yuˬ beh leh, oˇ ve awˬ hkʼoˆ lo teˇ pawˆ da‸ jaˇ ve shaˍ guiˬ kʼuˉ gʼa kʼaw‸ yuˬ beh ve yoˬ. Oˇ hkʼe te peuˬ hkʼaw‸ nawˉ, gʼa taˆ kʼai ve yoˬ. 13Yawˇ hui lehˬ, tuˉ tanˇ kuiˬ hta‸ ngawˉ taˍ ve maˇ da‸ ve awˬ meˇ teˇ hpaˍ hta‸ gʼa tsuhˇ baˬ leh, nyi naˆ meuˉ-ehˍ ve hpa gʼa yuˬ beh ve yoˬ. 14Yawˇ hui lehˬ, tuˉ tanˇ htaˇ yehˇ ve shiˉ gʼeu‸ keu kuiˬ, sho nuˆ, hkehˇ pe le leh hkʼaw‸ laˉ toˆ yuˬ tuˬ ve hkehˇ teˇ hpaˍ hta‸ tuˉ tanˇ kuiˬ hkʼoˆ lo gʼa yuˬ teh ve yoˬ. Oˇ hkʼe te peuˬ hkʼawˬ nawˉ, da‸ jaˇ ve shaˍ guiˬ kʼuˉ yuˬ beh leh suhˆ taˬ gʼa keu taˆ ve yoˬ. 15Yawˇ hui tawˆ kʼai tuˬ awˬ yanˇ gaˬ ve teˇ yanˇ, Kawˇhaˆ awˬ ceuˬ awˬ hkʼaˇ teˇ hpaˍ lehˬ, Aˍronˍ leh yawˇ ve yaˇ teˇ hpaˍ gu taˍ laˇ ve mawˇ oˇ ve teˇ hpaˍ hta‸ gʼa taˆ kʼai ve yoˬ. Kawˇhaˆ awˬ ceuˬ awˬ hkʼaˇ teˇ hpaˍ lehˬ, mawˇ oˇ ve teˇ hpaˍ hta‸ maˇ gʼa htawˇ. Htawˇ ve kʼo gʼa suh tuˬ yoˬ.
Chi lehˬ, Kawˇhaˆ awˬ ceuˬ awˬ hkʼaˇ teˇ hpaˍ gʼa te tuˬ ve kanˉ hpeh‸ ve yoˬ.
16Aˍronˍ ve yaˇ Eˇlaˍsaˍ lehˬ, aˉ po kʼo bon yehˬ teˇ maˬ hkʼa peu-eˬ ve leh, kawˆ faiˇ awˬ pon naˍ manˇ, sha hawnˉ, awˬ shiˍ awˬ nu tuˉ tanˇ tuˬ teˇ hpaˍ, naˍ manˇ pfuhˍ piˇ tuˬ ve naˍmanˇ leh bon yehˬ hkʼaw teh taˍ ve Gʼuiˬsha hta‸ tanˇ piˇ taˍ ve mawˇ hkʼa peu-eˬ hta‸ nyi ha‸ shaˉ shehˍ hpaˇ hpeh‸ ve yoˬ.
17Gʼuiˬsha lehˬ, Moˉseˍ leh Aˍronˍ hta‸ chi hkʼe kʼoˆ piˇ taˍ ve yoˬ. 18Kawˇhaˆ ve awˬ ceuˬ awˬ hkʼaˇ teˇ hpaˍ maˇ gʼa suh tuˬ, yawˇ hui hta‸ da‸ kehˬ ve mawˇ oˇ ve teˇ hpaˍ awˬ paˇ lo taˇ laˬ tcuh. 19Oˇ hkʼe maˇ gʼa hpeh‸ la tuˬ, Aˍronˍ leh yawˇ ve yaˇ teˇ hpaˍ lehˬ, bon yehˬ hkʼaw lo‸-e leh, yawˇ hui gʼa taˆ tuˬ ve mawˇ teˇ hpaˍ hta‸ gʼa beˆ maˍ piˇ ve yoˬ. 20Ya‸ hkʼaˇ, paw hkuˇ teˇ hpaˍ da‸ kehˬ ve mawˇ oˇ ve teˇ hpaˍ hta‸ gu chehˇ ve hta‸ ca lo‸ nyi ve Kawˇhaˆ chaw hkʼaˬ ve teˇ gʼaˇ maˇ kʼoˆ, tiˇ pehˍ ve hta‸ gʼa hkanˍ tuˬ yoˬ, teh‸ Moˉseˍ hta‸ kʼoˆ piˇ ve yoˬ.
Geˍraˍsonˍ awˬ ceuˬ awˬ hkʼaˇ teˇ hpaˍ gʼa te tuˬ ve kanˉ
21-23Gʼuiˬsha Moˉseˍ hta‸ tawˇ yaw piˇ leh, bon yehˬ hkʼaw kanˉ te puiˉ la peuˬ ve Leˍviˆ chaw Geˍraˍsonˍ awˬ ceuˬ awˬ hkʼaˇ, a sha‸ 30 hkʼaw‸ te leh 50 hkʼaw‸ awˬ kaˍ ve hawˉ hkʼaˆ paˍ hkʼa peu-eˬ ve awˬ meh bvuh‸ yuˬ tcuh ve yoˬ. 24Yawˬ hui lehˬ, awˬ hawˉ lo kʼoˆ taˍ ve mawˇ chi teˇ hpaˍ hta‸ gʼa taˆ ve yoˬ. 25Aˉ po kʼo bon yehˬ hta‸ beh taˍ ve hpa teˇ hpaˍ, shaˍ guiˬ kʼuˉ teˇ hpaˍ, yehˬmiˉhpe‸ lo ko taˍ ve hpa, 26bon yehˬ leh tuˉ tanˇ kuiˬ hta‸ caw ko taˍ ve hpa teˇ hpaˍ, aˉ caˆ hkeh teˇ hpaˍ, leh bon yehˬ hta‸ caˉ da‸ ve awˬ nu ve mawˇ teˇ hpaˍ hta‸ gʼa taˆ ve yoˬ. 27Moˉseˍ leh Aˍronˍ lehˬ, Geˍraˍsonˍ awˬ ceuˬ awˬ hkʼaˇ teˇ hpaˍ ve mawˇ oˇ ve teˇ hpaˍ hta‸ hkʼa deh‸ taˆ kʼai tuˬ gʼa kʼoˆ maˍ piˇ ve yoˬ. 28Chi ve lehˬ, Geˍraˍsonˍ awˬ ceuˬ awˬ hkʼaˇ teˇ hpaˍ gʼa te tuˬ ve kanˉ hpeh‸ve yoˬ. Yawˇ hui lehˬ, Aˍronˍ ve yaˇ Iˉtaˍmaˍ awˬ hawˉ lo chehˇ leh kanˉ gʼa te ve yoˬ.
Meˍraˍriˆ awˬ ceuˬ awˬ hkʼaˇ teˇ hpaˍ ve kanˉ
29-30Gʼuiˬsha Moˉseˍ hta‸ tawˇ yaw piˇ leh, bon yehˬ hkʼaw kanˉ te puiˉ la peuˬ ve Leˍviˆ chaw, Meˍraˍriˆ awˬ ceuˬ awˬ hkʼaˇ, a sha‸ 30 hkʼaw‸ te leh 50 hkʼaw‸ awˬ kaˍ ve hawˉ hkʼaˆ paˍ hkʼa peu-eˬ ve awˬ meh bvuh‸ yuˬ tcuh ve yoˬ. 31Yawˇ hui lehˬ, bon yehˬ ve toˉ la‸, awˬ cawˆ, yehˬ hkuiˉ daw, 32bon yehˬ hta‸ ko taˍ ve yehˬ hkuiˉ daw, sho cuˇ, leh aˉ caˆ hkeh teˇ hpaˍ hta‸ gʼa taˆ ve yoˬ. 33Chi ve lehˬ, Meˍraˍriˆ awˬ ceuˬ awˬ hkʼaˇ teˇ hpaˍ gʼa te tuˬ ve kanˉ hpeh‸ ve yoˬ. Yawˇ hui lehˬ, Aˍronˍ ve yaˇ Iˉtaˍmaˍ awˬ hawˉ chehˇ leh kanˉ gʼa te ve yoˬ.
Leˍviˆ chaw hui ve awˬ shenˍ
34-48Gʼuiˬsha kʼoˆ ve hkʼe, Moˉseˍ, Aˍronˍ leh Iˉsaˍreˍlaˆ awˬ hoˉ awˬ naˬ teˇ hpaˍ lehˬ, Leˍviˆ chaw Kawˇhaˆ, Geˍraˍsonˍ leh Meˍraˍriˆ awˬ ceuˬ awˬ hkʼaˇ teˇ hpaˍ ve awˬ shenˍ hta‸ gʼawˆ yuˬve yoˬ. Yawˇ hui lehˬ, bon yehˬ hkʼaw lo kanˉ te puiˉ la peuˬ ve, a sha‸ 30 hkʼaw‸ te leh 50 hkʼaw‸ awˬ kaˍ ve hawˉ hkʼaˆ paˍ teˇ hpaˍ ve awˬ meh bvuh‸ yuˬ ve yoˬ.
| Chaw ceuˬ | Awˬ shenˍ |
|---|---|
| Kawˇhaˆ | 2,750 gʼaˇ |
| Geˍraˍsonˍ | 2,630 gʼaˇ |
| Meˍraˍriˆ | 3,200 gʼaˇ |
| Hkʼa peu-eˬ | 8,580 gʼaˇ hpeh‸ ve yoˬ. |
49Gʼuiˬsha Moˉseˍ hta‸ kʼoˆ piˇ taˍ ve hkʼe, yawˇ hui ve awˬ meh bvuh‸ yuˬ leh, yawˇ hui gʼa te cawˇ ve kanˉ teˇ hpaˍ hta‸ te tcuh ve yoˬ.
Currently Selected:
Heh puiˉ hkʼaw ve li‸ 4: LHBE
Highlight
Copy
Compare
Share
Want to have your highlights saved across all your devices? Sign up or sign in
Lahu Bible Edited © Thailand Bible Society and Bible Society of Myanmar, 2010, 2020.
Heh puiˉ hkʼaw ve li‸ 4
4
Kawˇhaˆ awˬ ceuˬ awˬ hkʼaˇ teˇ hpaˍ ve kanˉ
1Gʼuiˬsha Moˉseˍ hta‸ tawˇ yaw piˇ leh, 2bon yehˬ hkʼaw kanˉ te puiˉ la peuˬ ve Leˍviˆ chaw Kawˇhaˆ awˬ ceuˬ aw hkʼaˇ, 3a sha‸ 30 hkʼaw‸ te leh 50 hkʼaw‸ awˬ kaˍ ve hawˉ hkʼaˆ paˍ hkʼa peu-eˬ ve awˬ meh bvuh‸ yuˬ tcuh ve yoˬ. 4Yawˇ hui gʼa te tuˬ ve kanˉ lehˬ, da‸ kehˬ jaˇ ve kanˉ hpeh‸ ve yoˬ.
5Gʼuiˬsha Moˉseˍ hta‸ chi hkʼe kʼoˆ piˇ taˍ ve yoˬ. Nawˬ hui awˬ gʼuˇ suhˍ kʼaw‸ kʼai tuˬ ve awˬ yanˇ gaˬ la ve teˇ yanˇ, Aˍronˍ leh yawˇ ve yaˇ teˇ hpaˍ lehˬ bon yehˬ hkʼaw lo‸-e leh, ka ti‸ shaˉ caˆ ta kʼoˍ gʼuˇ suhˍ lo ko taˍ ve hpa hta‸ yuˬ tawˆ peuˬ hkʼaw‸ nawˉ, ta kʼoˍ oˇ ve hta‸ gʼa beh piˇ ve yoˬ. 6Yawˇ hui lehˬ oˇ ve awˬ hkʼoˆ lo da‸ jaˇ ve shaˍ guiˬ kʼuˉ gʼa kʼaw‸ yuˬ beh leh, oˇ ve awˬ hkʼoˆ lo teˇ pawˆ nawˉ-ehˍ ve hpa gʼa kʼaw‸ yuˬ beh piˇ ve yoˬ. Oˇ hkʼe te peuˬ hkʼaw‸ nawˉ, suhˆ taˬ gʼa keu taˆ ve yoˬ.
7Yawˇ hui lehˬ, Gʼuiˬsha hta‸ tanˇ piˇ taˍ ve hkaoˍmonˇ teh taˍ kuiˬ hpui lawˇ hta‸ htawˇ, nawˉ-ehˍ ve hpa gʼa yuˬ beh leh, oˇ ve awˬ hkʼoˆ lo hkehˇ teˇ hpaˍ, sha hawnˉ keu taˍ ve kawˆ teˇ hpaˍ, a pehˉ meuˇ gʼuiˬ keu taˍ ve kaw teˇ hpaˍ, leh hkaoˍmonˇ teˇ hpaˍ gʼa teh taˍ ve yoˬ. 8Yawˇ hui lehˬ, mawˇ oˇ ve teˇ hpaˍ awˬ hkʼoˆ lo nyiˉ-ehˍ ve hpa gʼa kʼaw‸ yuˬ beh ve yoˬ. Oˇ ve awˬ hkʼoˆ lo da‸ jaˇ ve shaˍ guiˬ kʼuˉ teˇ pawˆ gʼa kʼaw‸ yuˬ beh piˇ leh suhˆ taˬ gʼa keu taˆ ve yoˬ.
9Yawˇ hui lehˬ nawˉ-ehˍ ve hpa hta‸ yuˬ leh aˬ miˍ tuˉ teh kuiˬ, kawˆ faiˇ teˇ hpaˍ, sho nuˆ, hkʼaw‸ laˉ toˆ baˬ tuˬ ve hkehˇ leh shaˍlonˍ chu keu taˍ ve kaw teˇ hpaˍ hta‸ gʼa beh piˇ ve yoˬ. 10Yawˇ hui lehˬ mawˇ oˇ ve teˇ hpaˍ hta‸ da‸ jaˇ ve shaˍ guiˬ kʼuˉ hkʼaw gʼa lo‸ htiˆ leh, gʼa taˆ kʼai ve yoˬ.
11Yawˇ hui lehˬ, shi yuˬ te taˍ ve sha hawnˉ tuˉ tanˇ kuiˬ hta‸ nawˉ-ehˍ ve hpa gʼa yuˬ beh leh, oˇ ve awˬ hkʼoˆ lo teˇ pawˆ da‸ jaˇ ve shaˍ guiˬ kʼuˉ gʼa kʼaw‸ yuˬ beh piˇ ve yoˬ. Oˇ hkʼe te peuˬ hkʼaw‸ nawˉ, suhˆ taˬ gʼa keu taˆ ve yoˬ. 12Yawˇ hui lehˬ, da‸ kehˬ ve bawehˇ hkʼaw yehˇ ve awˬ nu ve mawˇ hkʼa peu-eˬ hta‸ nawˉ-ehˍ ve hpa gʼa yuˬ beh leh, oˇ ve awˬ hkʼoˆ lo teˇ pawˆ da‸ jaˇ ve shaˍ guiˬ kʼuˉ gʼa kʼaw‸ yuˬ beh ve yoˬ. Oˇ hkʼe te peuˬ hkʼaw‸ nawˉ, gʼa taˆ kʼai ve yoˬ. 13Yawˇ hui lehˬ, tuˉ tanˇ kuiˬ hta‸ ngawˉ taˍ ve maˇ da‸ ve awˬ meˇ teˇ hpaˍ hta‸ gʼa tsuhˇ baˬ leh, nyi naˆ meuˉ-ehˍ ve hpa gʼa yuˬ beh ve yoˬ. 14Yawˇ hui lehˬ, tuˉ tanˇ htaˇ yehˇ ve shiˉ gʼeu‸ keu kuiˬ, sho nuˆ, hkehˇ pe le leh hkʼaw‸ laˉ toˆ yuˬ tuˬ ve hkehˇ teˇ hpaˍ hta‸ tuˉ tanˇ kuiˬ hkʼoˆ lo gʼa yuˬ teh ve yoˬ. Oˇ hkʼe te peuˬ hkʼawˬ nawˉ, da‸ jaˇ ve shaˍ guiˬ kʼuˉ yuˬ beh leh suhˆ taˬ gʼa keu taˆ ve yoˬ. 15Yawˇ hui tawˆ kʼai tuˬ awˬ yanˇ gaˬ ve teˇ yanˇ, Kawˇhaˆ awˬ ceuˬ awˬ hkʼaˇ teˇ hpaˍ lehˬ, Aˍronˍ leh yawˇ ve yaˇ teˇ hpaˍ gu taˍ laˇ ve mawˇ oˇ ve teˇ hpaˍ hta‸ gʼa taˆ kʼai ve yoˬ. Kawˇhaˆ awˬ ceuˬ awˬ hkʼaˇ teˇ hpaˍ lehˬ, mawˇ oˇ ve teˇ hpaˍ hta‸ maˇ gʼa htawˇ. Htawˇ ve kʼo gʼa suh tuˬ yoˬ.
Chi lehˬ, Kawˇhaˆ awˬ ceuˬ awˬ hkʼaˇ teˇ hpaˍ gʼa te tuˬ ve kanˉ hpeh‸ ve yoˬ.
16Aˍronˍ ve yaˇ Eˇlaˍsaˍ lehˬ, aˉ po kʼo bon yehˬ teˇ maˬ hkʼa peu-eˬ ve leh, kawˆ faiˇ awˬ pon naˍ manˇ, sha hawnˉ, awˬ shiˍ awˬ nu tuˉ tanˇ tuˬ teˇ hpaˍ, naˍ manˇ pfuhˍ piˇ tuˬ ve naˍmanˇ leh bon yehˬ hkʼaw teh taˍ ve Gʼuiˬsha hta‸ tanˇ piˇ taˍ ve mawˇ hkʼa peu-eˬ hta‸ nyi ha‸ shaˉ shehˍ hpaˇ hpeh‸ ve yoˬ.
17Gʼuiˬsha lehˬ, Moˉseˍ leh Aˍronˍ hta‸ chi hkʼe kʼoˆ piˇ taˍ ve yoˬ. 18Kawˇhaˆ ve awˬ ceuˬ awˬ hkʼaˇ teˇ hpaˍ maˇ gʼa suh tuˬ, yawˇ hui hta‸ da‸ kehˬ ve mawˇ oˇ ve teˇ hpaˍ awˬ paˇ lo taˇ laˬ tcuh. 19Oˇ hkʼe maˇ gʼa hpeh‸ la tuˬ, Aˍronˍ leh yawˇ ve yaˇ teˇ hpaˍ lehˬ, bon yehˬ hkʼaw lo‸-e leh, yawˇ hui gʼa taˆ tuˬ ve mawˇ teˇ hpaˍ hta‸ gʼa beˆ maˍ piˇ ve yoˬ. 20Ya‸ hkʼaˇ, paw hkuˇ teˇ hpaˍ da‸ kehˬ ve mawˇ oˇ ve teˇ hpaˍ hta‸ gu chehˇ ve hta‸ ca lo‸ nyi ve Kawˇhaˆ chaw hkʼaˬ ve teˇ gʼaˇ maˇ kʼoˆ, tiˇ pehˍ ve hta‸ gʼa hkanˍ tuˬ yoˬ, teh‸ Moˉseˍ hta‸ kʼoˆ piˇ ve yoˬ.
Geˍraˍsonˍ awˬ ceuˬ awˬ hkʼaˇ teˇ hpaˍ gʼa te tuˬ ve kanˉ
21-23Gʼuiˬsha Moˉseˍ hta‸ tawˇ yaw piˇ leh, bon yehˬ hkʼaw kanˉ te puiˉ la peuˬ ve Leˍviˆ chaw Geˍraˍsonˍ awˬ ceuˬ awˬ hkʼaˇ, a sha‸ 30 hkʼaw‸ te leh 50 hkʼaw‸ awˬ kaˍ ve hawˉ hkʼaˆ paˍ hkʼa peu-eˬ ve awˬ meh bvuh‸ yuˬ tcuh ve yoˬ. 24Yawˬ hui lehˬ, awˬ hawˉ lo kʼoˆ taˍ ve mawˇ chi teˇ hpaˍ hta‸ gʼa taˆ ve yoˬ. 25Aˉ po kʼo bon yehˬ hta‸ beh taˍ ve hpa teˇ hpaˍ, shaˍ guiˬ kʼuˉ teˇ hpaˍ, yehˬmiˉhpe‸ lo ko taˍ ve hpa, 26bon yehˬ leh tuˉ tanˇ kuiˬ hta‸ caw ko taˍ ve hpa teˇ hpaˍ, aˉ caˆ hkeh teˇ hpaˍ, leh bon yehˬ hta‸ caˉ da‸ ve awˬ nu ve mawˇ teˇ hpaˍ hta‸ gʼa taˆ ve yoˬ. 27Moˉseˍ leh Aˍronˍ lehˬ, Geˍraˍsonˍ awˬ ceuˬ awˬ hkʼaˇ teˇ hpaˍ ve mawˇ oˇ ve teˇ hpaˍ hta‸ hkʼa deh‸ taˆ kʼai tuˬ gʼa kʼoˆ maˍ piˇ ve yoˬ. 28Chi ve lehˬ, Geˍraˍsonˍ awˬ ceuˬ awˬ hkʼaˇ teˇ hpaˍ gʼa te tuˬ ve kanˉ hpeh‸ve yoˬ. Yawˇ hui lehˬ, Aˍronˍ ve yaˇ Iˉtaˍmaˍ awˬ hawˉ lo chehˇ leh kanˉ gʼa te ve yoˬ.
Meˍraˍriˆ awˬ ceuˬ awˬ hkʼaˇ teˇ hpaˍ ve kanˉ
29-30Gʼuiˬsha Moˉseˍ hta‸ tawˇ yaw piˇ leh, bon yehˬ hkʼaw kanˉ te puiˉ la peuˬ ve Leˍviˆ chaw, Meˍraˍriˆ awˬ ceuˬ awˬ hkʼaˇ, a sha‸ 30 hkʼaw‸ te leh 50 hkʼaw‸ awˬ kaˍ ve hawˉ hkʼaˆ paˍ hkʼa peu-eˬ ve awˬ meh bvuh‸ yuˬ tcuh ve yoˬ. 31Yawˇ hui lehˬ, bon yehˬ ve toˉ la‸, awˬ cawˆ, yehˬ hkuiˉ daw, 32bon yehˬ hta‸ ko taˍ ve yehˬ hkuiˉ daw, sho cuˇ, leh aˉ caˆ hkeh teˇ hpaˍ hta‸ gʼa taˆ ve yoˬ. 33Chi ve lehˬ, Meˍraˍriˆ awˬ ceuˬ awˬ hkʼaˇ teˇ hpaˍ gʼa te tuˬ ve kanˉ hpeh‸ ve yoˬ. Yawˇ hui lehˬ, Aˍronˍ ve yaˇ Iˉtaˍmaˍ awˬ hawˉ chehˇ leh kanˉ gʼa te ve yoˬ.
Leˍviˆ chaw hui ve awˬ shenˍ
34-48Gʼuiˬsha kʼoˆ ve hkʼe, Moˉseˍ, Aˍronˍ leh Iˉsaˍreˍlaˆ awˬ hoˉ awˬ naˬ teˇ hpaˍ lehˬ, Leˍviˆ chaw Kawˇhaˆ, Geˍraˍsonˍ leh Meˍraˍriˆ awˬ ceuˬ awˬ hkʼaˇ teˇ hpaˍ ve awˬ shenˍ hta‸ gʼawˆ yuˬve yoˬ. Yawˇ hui lehˬ, bon yehˬ hkʼaw lo kanˉ te puiˉ la peuˬ ve, a sha‸ 30 hkʼaw‸ te leh 50 hkʼaw‸ awˬ kaˍ ve hawˉ hkʼaˆ paˍ teˇ hpaˍ ve awˬ meh bvuh‸ yuˬ ve yoˬ.
| Chaw ceuˬ | Awˬ shenˍ |
|---|---|
| Kawˇhaˆ | 2,750 gʼaˇ |
| Geˍraˍsonˍ | 2,630 gʼaˇ |
| Meˍraˍriˆ | 3,200 gʼaˇ |
| Hkʼa peu-eˬ | 8,580 gʼaˇ hpeh‸ ve yoˬ. |
49Gʼuiˬsha Moˉseˍ hta‸ kʼoˆ piˇ taˍ ve hkʼe, yawˇ hui ve awˬ meh bvuh‸ yuˬ leh, yawˇ hui gʼa te cawˇ ve kanˉ teˇ hpaˍ hta‸ te tcuh ve yoˬ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Lahu Bible Edited © Thailand Bible Society and Bible Society of Myanmar, 2010, 2020.