Heh puiˉ hkʼaw ve li‸ 3
3
Aˍronˍ ve yaˇ teˇ hpaˍ
1Siˉnaˆ hkʼaw hkʼoˆ lo Gʼuiˬsha Moˉseˍ hta‸ tawˇ yaw piˇ chehˇ htaˇ, Aˍronˍ lehˬ yaˇ paˍ awˇ gʼaˇ cawˬ taˍ peuˬ ve yoˬ. 2Yawˇ hui lehˬ, Naˍdaˆ, Aˍbiˇhuˆ, Eˇlaˍsaˍ leh Iˉtaˍmaˍ hui hpeh‸ ve yoˬ. 3Yawˇ hui hta‸ naˍ manˇ pfuhˍ piˇ leh paw hkuˇ aˉ yaˇ piˇ taˍ ve yoˬ. 4Ya‸ hkʼaˇ, Naˍdaˆ leh Aˍbiˇhuˆ yawˇ huiˉ maˬ lehˬ, Siˉnaˆ heh puiˉ hkʼaw lo maˇ da‸ kehˬ ve aˬ miˍ hta‸ yuˬ leh Gʼuiˬsha hta‸ tuˉ tanˇ piˇ ve pa taw, tiˇ pehˍ ve hta‸ gʼa hkanˍ ve yoˬ. Yawˇ huiˉ maˬ lehˬ yaˇ teˇ gʼaˇ ka‸ maˇ cawˬ. Chi hta‸ pa taw, Aˍronˍ a sha‸ te‸ chehˇ ve awˬ yanˇ hkʼaw, Eˇlaˍsaˍ leh Iˉtaˍmaˍ hui paw hkuˇ kʼaw‸ hpeh‸ la ve yoˬ.
Paw hkuˇ hta‸ ga piˇ tuˬ ve Leˍviˆ chaw teˇ hpaˍ
5Gʼuiˬsha Moˉseˍ hta‸ chi hkʼe kʼoˆ piˇ ve yoˬ. 6Leˍviˆ awˬ ceuˬ awˬ hkʼaˇ teˇ hpaˍ hta‸ shiˍ tawˆ la leh, paw hkuˇ Aˍronˍ hta‸ ga piˇ tcuh-o. 7Yawˇ hui lehˬ, ngaˬ ve aˉ po kʼo bon yehˬ hkʼaw kanˉ gʼa te leh, paw hkuˇ awˬ pon maˇ kʼoˆ, Iˉsaˍreˍlaˆ chaw hui awˬ pon maˇ kʼoˆ, kanˉ gʼa te piˇ ve yoˬ. 8Yawˇ hui lehˬ, bon yehˬ hkʼaw cawˬ ve mawˇ hkʼa peu-eˬ ve hta‸ gʼa ha‸ shaˉ leh, Iˉsaˍreˍlaˆ chaw hkʼa peu-eˬ awˬ pon kanˉ gʼa te piˇ ve yoˬ. 9Leˍviˆ chaw hui gʼa te tuˬ ve kanˉ lehˬ, Aˍronˍ leh yawˇ ve yaˇ teˇ hpaˍ hta‸ ga piˇ ve kanˉ hpeh‸ ve yoˬ. 10Paw hkuˇ ve kanˉ hta‸ te tuˬ, nawˬ lehˬ Aˍronˍ leh yawˇ ve yaˇ teˇ hpaˍ hta‸ gʼa leuˆ yuˬ piˇ ve yoˬ. Paw hkuˇ ve kanˉ hta‸ ca hiˉ te ve chaw hkʼaˬ ve teˇ gʼaˇ maˇ kʼoˆ gʼa suh tuˬ yoˬ, teh‸ Moˉseˍ hta‸ kʼoˆ piˇ ve yoˬ.
11Gʼuiˬsha Moˉseˍ hta‸ chi hkʼe kʼaw‸ kʼoˆ piˇ ve yoˬ. 12Leˍviˆ chaw teˇ hpaˍ lehˬ, chi beu‸ ngaˬ ve chaw hpeh‸ la peuˬ. Eˇjiˇtu‸ chaw hui ve yaˇ paˍ uiˍ teˇ gʼaˇ le le hta‸ ngaˬ tiˇ pehˍ piˇ chehˇ ve teˇ yanˇ, Iˉsaˍreˍlaˆ chaw leh yawˇ hui ve ceˇ teˇ hpaˍ awˬ hkʼaw lo, awˉ lawˉ peuˇ paw la ve yaˇ paˍ uiˍ teˇ gʼaˇ le le hta‸ ngaˬ ve chaw hpeh‸ la piˇ tuˬ, ngaˬ leuˆ yuˬ taˍ peuˬ ve yoˬ. 13Ya‸ hkʼaˇ, Iˉsaˍreˍlaˆ chaw hui ve yaˇ paˍ uiˍ teˇ hpaˍ awˬ tan, chi beu‸ ngaˬ Leˍviˆ chaw hui hta‸ leuˆ yuˬ taˍ peuˬ. Yawˇ hui lehˬ ngaˬ ve chaw hpeh‸ ve yoˬ. Ngaˬ lehˬ Gʼuiˬsha hpeh‸ ve yoˬ, teh‸ Moˉseˍ hta‸ kʼoˆ piˇ ve yoˬ.
Leˍviˆ chaw hui ve awˬ shenˍ
14-16Leˍviˆ awˬ ceuˬ awˬ hkʼaˇ, a sha‸ teˇ ha pa awˬ hkʼoˆ ve hawˉ hkʼaˆ paˍ hkʼa peu-eˬ ve hta‸ awˬ shenˍ gʼawˆ yuˬ tuˬ, Gʼuiˬsha lehˬ Siˉnaˆ hkʼaw hkʼoˆ lo Moˉ seˍ hta‸ kʼoˆ piˇ ve yoˬ. Moˉseˍ lehˬ Gʼuiˬsha kʼoˆ ve hkʼe te ve yoˬ. 17-20Leˍviˆ lehˬ yaˇ paˍ shehˆ gʼaˇ cawˬ ve yoˬ. Yawˇ hui lehˬ, Geˍraˍsonˍ, Kawˇhaˆ leh Maˍraˍriˆ hui hpeh‸ ve yoˬ. Geˍraˍsonˍ lehˬ yaˇ paˍ nyiˇ gʼaˇ cawˬ ve yoˬ. Yawˇ huiˉ maˬ lehˬ, Liˆbaˍnaˍ leh Sheˍmiˆ hui hpeh‸ ve yoˬ. Kawˇhaˆ lehˬ yaˇ paˍ awˇ gʼaˇ cawˬ ve yoˬ. Yawˇ hui lehˬ, Aˍmaˍranˍ, Iˉsaˍhaˍ, Heˍbronˍ leh Awˇzeˍlaˆ hui hpeh‸ ve yoˬ. Meˍraˍriˆ lehˬ yaˇ paˍ nyiˇ gʼaˇ cawˬ ve yoˬ. Yawˇ huiˉ maˬ lehˬ Maˍhaˍliˆ leh Muˇshiˆ hui hpeh‸ ve yoˬ.
21Geˍraˍsonˍ ve awˬ ceuˬ awˬ hkʼaˇ teˇ hpaˍ hkʼaw, Liˆbaˍniˆ leh Sheˍmiˆ hui ve yehˬ yaˇ kʼa yaˇ teˇ hpaˍ htawˇ lo‸-e taˍ ve yoˬ. 22A sha‸ teˇ ha pa awˬ hkʼoˆ ve hawˉ hkʼaˆ paˍ hkʼa peu-eˬ 7,500 gʼaˇ cawˬ ve yoˬ. 23Yawˇ hui teˇ moˍ lehˬ, aˉ po kʼo bon yehˬ mvuhˇ nyi kʼehˬ hpawˇ lo fa la gʼa te ve yoˬ. 24Yawˇ hui ve awˬ hoˉ lehˬ, Leˍlaˆ ve yaˇ paˍ Eˇlaˍsaˆ hpeh‸ ve yoˬ. 25Yawˇ hui ve kanˉ lehˬ, bon yehˬ hta‸ ha‸ shaˉ ve kanˉ hpeh‸ leh, bon yehˬ hta‸ beh taˍ ve hpa, yehˬmiˉhpe‸ hta‸ ko taˍ ve hpa, 26bon yehˬ hta‸ ko taˍ ve hpa leh bon yehˬ hkʼaw ko taˍ ve hpa chi teˇ hpaˍ hta‸ gʼa ha‸ shaˉ ve yoˬ.
27Kawˇhaˆ ve awˬ ceuˬ awˬ hkʼaˇ teˇ hpaˍ hkʼaw, Aˍmaˍranˍ, Iˉzaˍhaˍ, Heˍbronˍ leh Awˇzeˍlaˆ hui ve yehˬ yaˇ kʼa yaˇ teˇ hpaˍ htawˇ lo‸-e taˍ ve yoˬ. 28A sha‸ teˇ ha pa awˬ hkʼoˆ ve hawˉ hkʼaˆ paˍ hkʼa peu-eˬ 8,600 gʼaˇ cawˬ ve yoˬ. 29Yawˇ hui teˇ moˍ lehˬ, aˉ po kʼo bon yehˬ awˬ hawˉ hpawˇ lo fa la gʼa te ve yoˬ. 30Yawˇ hui ve awˬ hoˉ lehˬ, Awˇzeˍlaˆ ve yaˇ Eˇliˆzaˍhpanˍ hpeh‸ ve yoˬ. 31Yawˇ hui ve kanˉ lehˬ, ka ti‸ shaˉ caˆ ta kʼoˍ, hpui lawˇ, aˬ miˍ tuˉ teh kuiˬ, tuˉ tanˇ kuiˬ teˇ hpaˍ, da‸ kehˬve bawehˇ hkʼaw lo paw hkuˇ teˇ hpaˍ yehˇ ve mawˇ teˇ hpaˍ leh da‸ kehˬ jaˇ ve bawehˇ yehˬmiˉhpe‸ lo ko taˍ ve hpa, chi teˇ hpaˍ hta‸ ha‸ shaˉ ve kanˉ hpeh‸ ve yoˬ.
32Leˍviˆ chaw awˬ hkʼaw lo, awˬ hoˉ lonˉ te chehˇ ve chaw lehˬ, Aˍronˍ ve yaˇ paˍ Eˇlaˍsaˍ hpeh‸ ve yoˬ. Yawˇ lehˬ da‸ kehˬ ve bawehˇ hkʼaw lo kanˉ te chehˇ ve chaw hui hta‸ nyi shehˍ hpaˇ hpeh‸ ve yoˬ.
33Meˍraˍriˆ awˬ ceuˬ awˬ hkʼaˇ teˇ hpaˍ awˬ hkʼaw lo, Maˍhaˍliˆ leh Muˇshiˆ hui ve yehˬ yaˇ kʼa yaˇ teˇ hpaˍ htawˇ lo‸-e taˍ ve yoˬ. 34A sha‸ teˇ ha pa awˬ hkʼoˆ ve hawˉ hkʼaˆ paˍ hkʼa peu-eˬ 6,200 gʼaˇ cawˬ ve yoˬ. 35Yawˇ hui teˇ moˍ aˉ po kʼo bon yehˬ awˬ na hpawˇ lo fa la gʼa te chehˇ ve yoˬ. Yawˇ hui ve awˬ hoˉ lehˬ, Aˍbiˆheˍlaˆ ve yaˇ Zuˆreˍlaˆ hpeh‸ ve yoˬ. 36Yawˇ hui ve kanˉ lehˬ, bon yehˬ te tuˬ ve toˉ la‸ teˇ hpaˍ, awˬ cawˆ teˇ hpaˍ, yehˬ hkuiˉ daw teˇ hpaˍ leh awˬ nu ve awˬ hkʼeun teˇ hpaˍ hta‸ ha‸ shaˉ ve kanˉ hpeh‸ ve yoˬ. 37Yawˇ hui lehˬ, bon yehˬ hta‸ ko tuˬ ve yehˬ hkuiˉ daw teˇ hpaˍ, sho cuˇ teˇ hpaˍ leh aˉ caˆ hkeh teˇ hpaˍ hta‸ htawˇ gʼa ha‸ shaˉ ve yoˬ.
38Moˉseˍ, Aˍronˍ leh yawˇ ve yaˇ teˇ hpaˍ lehˬ, aˉ po kʼo bon yehˬ mvuhˇ nyi tawˆ hpawˇ lo fa la gʼa te ve yoˬ. Yawˇ hui lehˬ, Iˉsaˍreˍlaˆ chaw hui awˬ pon da‸ kehˬ ve bawehˇ hkʼaw lo‸-e leh kanˉ gʼa te ve yoˬ. Yawˇ hui ve kanˉ hta‸ ca lo‸ te ve chaw hkʼaˬ ve te gʼaˇ maˇ kʼoˆ tiˇ pehˍ ve hta‸ gʼa hkanˍ ve yoˬ. 39Gʼuiˬsha kʼoˆ ve hkʼe, a sha‸ teˇ ha pa awˬ hkʼoˆ ve Leˍviˆ chaw hawˉ hkʼaˆ paˍ hkʼa peu-eˬ ve hta‸ Moˉseˍ awˬ shenˍ yuˬ nyi leh, chaw 22,000 gʼaˇ cawˬ ve yoˬ.
Leˍviˆ chaw hui lehˬ yaˇ paˍ uiˍ awˬ tan te ve
40-41Gʼuiˬsha Moˉseˍ hta‸ chi hkʼe kʼoˆ piˇ ve yoˬ. Iˉsaˍreˍlaˆ chaw hui ve yaˇ paˍ uiˍ hkʼa peu-eˬ ngaˬ ve chaw hpeh‸ ve yoˬ. Chi hta‸ pa taw, a sha‸ teˇ ha pa awˬ hkʼoˆ ve yaˇ paˍ uiˍ hkʼa peu-eˬ ve awˬ meh bvuh‸ yuˬ taˍ-o‸. Ya‸ hkʼaˇ, yawˇ hui awˬ tan Leˍviˆ chaw hkʼa peu-eˬ ve hta‸ ngaˬ ve chaw teh‸ kʼaw‸ shawˍ taˍ ve yoˬ. Ngaˬ lehˬ Gʼuiˬsha hpeh‸ ve yoˬ. Iˉsaˍreˍlaˆ chaw hui geh awˉ lawˉ peuˇ paw la ve ceˇ teˇ hpaˍ awˬ tan, Leˍviˆ chaw hui ve ceˇ teˇ hpaˍ hta‸ ngaˬ ve ceˇ teh‸ kʼaw‸ shawˍ taˍ ve yoˬ, teh‸ Moˉseˍ hta‸ kʼoˆ piˇ ve yoˬ. 42Moˉseˍ lehˬ Gʼuiˬsha ve tawˇ hta‸ na yuˬ leh, 43a sha‸ teˇ ha pa awˬ hkʼoˆ ve yaˇ paˍ uiˍ hkʼa peu-eˬ ve awˬ meh bvuh‸ yuˬ ve yoˬ. Yaˇ paˍ uiˍ hkʼa peu-eˬ 22,273 gʼaˇ cawˬ ve yoˬ.
44Gʼuiˬsha Moˉseˍ hta‸ chi hkʼe kʼaw‸ kʼoˆ piˇ ve yoˬ. 45Chi beu‸ Iˉsaˍreˍlaˆ chaw hui ve yaˇ paˍ uiˍ hkʼa peu-eˬ awˬ tan Leˍviˆ chaw hta‸ maˇ kʼoˆ, Iˉsaˍreˍlaˆ chaw hui geh awˉ lawˉ peuˇ paw la ve ceˇ hkʼa peu-eˬ awˬ tan Leˍviˆ chaw hui ve ceˇ teˇ hpaˍ hta‸ maˇ kʼoˆ, ngaˬ hta‸ chiˇ a‸ laˇ-oˆ. 46Iˉsaˍreˍlaˆ chaw hui ve yaˇ paˍ uiˍ teˇ hpaˍ lehˬ, Leˍviˆ chaw teˇ hpaˍ a‸ kehˉ 273 gʼaˇ maˇ taˍ ve pa taw, yaˇ oˇ ve teˇ hpaˍ hta‸ nawˬ gʼa kʼaw‸ vuiˬ hkʼaw‸ ve yoˬ. 47Yaˇ paˍ teˇ gʼaˇ hta‸ awˬ liˇ teh taˍ ve hkʼe, ngaˇ hteh‸ kʼaw‸ vuiˬ hkʼaw leh, 48gʼa ve hpu oˇ ve hkʼa peu-eˬ, Aˍronˍ leh yawˇ ve yaˇ teˇ hpaˍ hta‸ chiˇ a‸ piˇ-oˆ, teh‸ Moˉseˍ hta‸ kʼoˆ piˇ ve yoˬ. 49Moˉseˍ lehˬ Gʼuiˬsha ve tawˇ hta‸ na yuˬ leh, 50hpu 1,365 hteh‸ yuˬ tawˆ peuˬ hkʼaw‸ nawˉ, 51Aˍronˍ leh yawˇ ve yaˇ teˇ hpaˍ hta‸ chiˇ a‸ piˇ ve yoˬ.
Currently Selected:
Heh puiˉ hkʼaw ve li‸ 3: LHBE
Highlight
Copy
Compare
Share
Want to have your highlights saved across all your devices? Sign up or sign in
Lahu Bible Edited © Thailand Bible Society and Bible Society of Myanmar, 2010, 2020.
Heh puiˉ hkʼaw ve li‸ 3
3
Aˍronˍ ve yaˇ teˇ hpaˍ
1Siˉnaˆ hkʼaw hkʼoˆ lo Gʼuiˬsha Moˉseˍ hta‸ tawˇ yaw piˇ chehˇ htaˇ, Aˍronˍ lehˬ yaˇ paˍ awˇ gʼaˇ cawˬ taˍ peuˬ ve yoˬ. 2Yawˇ hui lehˬ, Naˍdaˆ, Aˍbiˇhuˆ, Eˇlaˍsaˍ leh Iˉtaˍmaˍ hui hpeh‸ ve yoˬ. 3Yawˇ hui hta‸ naˍ manˇ pfuhˍ piˇ leh paw hkuˇ aˉ yaˇ piˇ taˍ ve yoˬ. 4Ya‸ hkʼaˇ, Naˍdaˆ leh Aˍbiˇhuˆ yawˇ huiˉ maˬ lehˬ, Siˉnaˆ heh puiˉ hkʼaw lo maˇ da‸ kehˬ ve aˬ miˍ hta‸ yuˬ leh Gʼuiˬsha hta‸ tuˉ tanˇ piˇ ve pa taw, tiˇ pehˍ ve hta‸ gʼa hkanˍ ve yoˬ. Yawˇ huiˉ maˬ lehˬ yaˇ teˇ gʼaˇ ka‸ maˇ cawˬ. Chi hta‸ pa taw, Aˍronˍ a sha‸ te‸ chehˇ ve awˬ yanˇ hkʼaw, Eˇlaˍsaˍ leh Iˉtaˍmaˍ hui paw hkuˇ kʼaw‸ hpeh‸ la ve yoˬ.
Paw hkuˇ hta‸ ga piˇ tuˬ ve Leˍviˆ chaw teˇ hpaˍ
5Gʼuiˬsha Moˉseˍ hta‸ chi hkʼe kʼoˆ piˇ ve yoˬ. 6Leˍviˆ awˬ ceuˬ awˬ hkʼaˇ teˇ hpaˍ hta‸ shiˍ tawˆ la leh, paw hkuˇ Aˍronˍ hta‸ ga piˇ tcuh-o. 7Yawˇ hui lehˬ, ngaˬ ve aˉ po kʼo bon yehˬ hkʼaw kanˉ gʼa te leh, paw hkuˇ awˬ pon maˇ kʼoˆ, Iˉsaˍreˍlaˆ chaw hui awˬ pon maˇ kʼoˆ, kanˉ gʼa te piˇ ve yoˬ. 8Yawˇ hui lehˬ, bon yehˬ hkʼaw cawˬ ve mawˇ hkʼa peu-eˬ ve hta‸ gʼa ha‸ shaˉ leh, Iˉsaˍreˍlaˆ chaw hkʼa peu-eˬ awˬ pon kanˉ gʼa te piˇ ve yoˬ. 9Leˍviˆ chaw hui gʼa te tuˬ ve kanˉ lehˬ, Aˍronˍ leh yawˇ ve yaˇ teˇ hpaˍ hta‸ ga piˇ ve kanˉ hpeh‸ ve yoˬ. 10Paw hkuˇ ve kanˉ hta‸ te tuˬ, nawˬ lehˬ Aˍronˍ leh yawˇ ve yaˇ teˇ hpaˍ hta‸ gʼa leuˆ yuˬ piˇ ve yoˬ. Paw hkuˇ ve kanˉ hta‸ ca hiˉ te ve chaw hkʼaˬ ve teˇ gʼaˇ maˇ kʼoˆ gʼa suh tuˬ yoˬ, teh‸ Moˉseˍ hta‸ kʼoˆ piˇ ve yoˬ.
11Gʼuiˬsha Moˉseˍ hta‸ chi hkʼe kʼaw‸ kʼoˆ piˇ ve yoˬ. 12Leˍviˆ chaw teˇ hpaˍ lehˬ, chi beu‸ ngaˬ ve chaw hpeh‸ la peuˬ. Eˇjiˇtu‸ chaw hui ve yaˇ paˍ uiˍ teˇ gʼaˇ le le hta‸ ngaˬ tiˇ pehˍ piˇ chehˇ ve teˇ yanˇ, Iˉsaˍreˍlaˆ chaw leh yawˇ hui ve ceˇ teˇ hpaˍ awˬ hkʼaw lo, awˉ lawˉ peuˇ paw la ve yaˇ paˍ uiˍ teˇ gʼaˇ le le hta‸ ngaˬ ve chaw hpeh‸ la piˇ tuˬ, ngaˬ leuˆ yuˬ taˍ peuˬ ve yoˬ. 13Ya‸ hkʼaˇ, Iˉsaˍreˍlaˆ chaw hui ve yaˇ paˍ uiˍ teˇ hpaˍ awˬ tan, chi beu‸ ngaˬ Leˍviˆ chaw hui hta‸ leuˆ yuˬ taˍ peuˬ. Yawˇ hui lehˬ ngaˬ ve chaw hpeh‸ ve yoˬ. Ngaˬ lehˬ Gʼuiˬsha hpeh‸ ve yoˬ, teh‸ Moˉseˍ hta‸ kʼoˆ piˇ ve yoˬ.
Leˍviˆ chaw hui ve awˬ shenˍ
14-16Leˍviˆ awˬ ceuˬ awˬ hkʼaˇ, a sha‸ teˇ ha pa awˬ hkʼoˆ ve hawˉ hkʼaˆ paˍ hkʼa peu-eˬ ve hta‸ awˬ shenˍ gʼawˆ yuˬ tuˬ, Gʼuiˬsha lehˬ Siˉnaˆ hkʼaw hkʼoˆ lo Moˉ seˍ hta‸ kʼoˆ piˇ ve yoˬ. Moˉseˍ lehˬ Gʼuiˬsha kʼoˆ ve hkʼe te ve yoˬ. 17-20Leˍviˆ lehˬ yaˇ paˍ shehˆ gʼaˇ cawˬ ve yoˬ. Yawˇ hui lehˬ, Geˍraˍsonˍ, Kawˇhaˆ leh Maˍraˍriˆ hui hpeh‸ ve yoˬ. Geˍraˍsonˍ lehˬ yaˇ paˍ nyiˇ gʼaˇ cawˬ ve yoˬ. Yawˇ huiˉ maˬ lehˬ, Liˆbaˍnaˍ leh Sheˍmiˆ hui hpeh‸ ve yoˬ. Kawˇhaˆ lehˬ yaˇ paˍ awˇ gʼaˇ cawˬ ve yoˬ. Yawˇ hui lehˬ, Aˍmaˍranˍ, Iˉsaˍhaˍ, Heˍbronˍ leh Awˇzeˍlaˆ hui hpeh‸ ve yoˬ. Meˍraˍriˆ lehˬ yaˇ paˍ nyiˇ gʼaˇ cawˬ ve yoˬ. Yawˇ huiˉ maˬ lehˬ Maˍhaˍliˆ leh Muˇshiˆ hui hpeh‸ ve yoˬ.
21Geˍraˍsonˍ ve awˬ ceuˬ awˬ hkʼaˇ teˇ hpaˍ hkʼaw, Liˆbaˍniˆ leh Sheˍmiˆ hui ve yehˬ yaˇ kʼa yaˇ teˇ hpaˍ htawˇ lo‸-e taˍ ve yoˬ. 22A sha‸ teˇ ha pa awˬ hkʼoˆ ve hawˉ hkʼaˆ paˍ hkʼa peu-eˬ 7,500 gʼaˇ cawˬ ve yoˬ. 23Yawˇ hui teˇ moˍ lehˬ, aˉ po kʼo bon yehˬ mvuhˇ nyi kʼehˬ hpawˇ lo fa la gʼa te ve yoˬ. 24Yawˇ hui ve awˬ hoˉ lehˬ, Leˍlaˆ ve yaˇ paˍ Eˇlaˍsaˆ hpeh‸ ve yoˬ. 25Yawˇ hui ve kanˉ lehˬ, bon yehˬ hta‸ ha‸ shaˉ ve kanˉ hpeh‸ leh, bon yehˬ hta‸ beh taˍ ve hpa, yehˬmiˉhpe‸ hta‸ ko taˍ ve hpa, 26bon yehˬ hta‸ ko taˍ ve hpa leh bon yehˬ hkʼaw ko taˍ ve hpa chi teˇ hpaˍ hta‸ gʼa ha‸ shaˉ ve yoˬ.
27Kawˇhaˆ ve awˬ ceuˬ awˬ hkʼaˇ teˇ hpaˍ hkʼaw, Aˍmaˍranˍ, Iˉzaˍhaˍ, Heˍbronˍ leh Awˇzeˍlaˆ hui ve yehˬ yaˇ kʼa yaˇ teˇ hpaˍ htawˇ lo‸-e taˍ ve yoˬ. 28A sha‸ teˇ ha pa awˬ hkʼoˆ ve hawˉ hkʼaˆ paˍ hkʼa peu-eˬ 8,600 gʼaˇ cawˬ ve yoˬ. 29Yawˇ hui teˇ moˍ lehˬ, aˉ po kʼo bon yehˬ awˬ hawˉ hpawˇ lo fa la gʼa te ve yoˬ. 30Yawˇ hui ve awˬ hoˉ lehˬ, Awˇzeˍlaˆ ve yaˇ Eˇliˆzaˍhpanˍ hpeh‸ ve yoˬ. 31Yawˇ hui ve kanˉ lehˬ, ka ti‸ shaˉ caˆ ta kʼoˍ, hpui lawˇ, aˬ miˍ tuˉ teh kuiˬ, tuˉ tanˇ kuiˬ teˇ hpaˍ, da‸ kehˬve bawehˇ hkʼaw lo paw hkuˇ teˇ hpaˍ yehˇ ve mawˇ teˇ hpaˍ leh da‸ kehˬ jaˇ ve bawehˇ yehˬmiˉhpe‸ lo ko taˍ ve hpa, chi teˇ hpaˍ hta‸ ha‸ shaˉ ve kanˉ hpeh‸ ve yoˬ.
32Leˍviˆ chaw awˬ hkʼaw lo, awˬ hoˉ lonˉ te chehˇ ve chaw lehˬ, Aˍronˍ ve yaˇ paˍ Eˇlaˍsaˍ hpeh‸ ve yoˬ. Yawˇ lehˬ da‸ kehˬ ve bawehˇ hkʼaw lo kanˉ te chehˇ ve chaw hui hta‸ nyi shehˍ hpaˇ hpeh‸ ve yoˬ.
33Meˍraˍriˆ awˬ ceuˬ awˬ hkʼaˇ teˇ hpaˍ awˬ hkʼaw lo, Maˍhaˍliˆ leh Muˇshiˆ hui ve yehˬ yaˇ kʼa yaˇ teˇ hpaˍ htawˇ lo‸-e taˍ ve yoˬ. 34A sha‸ teˇ ha pa awˬ hkʼoˆ ve hawˉ hkʼaˆ paˍ hkʼa peu-eˬ 6,200 gʼaˇ cawˬ ve yoˬ. 35Yawˇ hui teˇ moˍ aˉ po kʼo bon yehˬ awˬ na hpawˇ lo fa la gʼa te chehˇ ve yoˬ. Yawˇ hui ve awˬ hoˉ lehˬ, Aˍbiˆheˍlaˆ ve yaˇ Zuˆreˍlaˆ hpeh‸ ve yoˬ. 36Yawˇ hui ve kanˉ lehˬ, bon yehˬ te tuˬ ve toˉ la‸ teˇ hpaˍ, awˬ cawˆ teˇ hpaˍ, yehˬ hkuiˉ daw teˇ hpaˍ leh awˬ nu ve awˬ hkʼeun teˇ hpaˍ hta‸ ha‸ shaˉ ve kanˉ hpeh‸ ve yoˬ. 37Yawˇ hui lehˬ, bon yehˬ hta‸ ko tuˬ ve yehˬ hkuiˉ daw teˇ hpaˍ, sho cuˇ teˇ hpaˍ leh aˉ caˆ hkeh teˇ hpaˍ hta‸ htawˇ gʼa ha‸ shaˉ ve yoˬ.
38Moˉseˍ, Aˍronˍ leh yawˇ ve yaˇ teˇ hpaˍ lehˬ, aˉ po kʼo bon yehˬ mvuhˇ nyi tawˆ hpawˇ lo fa la gʼa te ve yoˬ. Yawˇ hui lehˬ, Iˉsaˍreˍlaˆ chaw hui awˬ pon da‸ kehˬ ve bawehˇ hkʼaw lo‸-e leh kanˉ gʼa te ve yoˬ. Yawˇ hui ve kanˉ hta‸ ca lo‸ te ve chaw hkʼaˬ ve te gʼaˇ maˇ kʼoˆ tiˇ pehˍ ve hta‸ gʼa hkanˍ ve yoˬ. 39Gʼuiˬsha kʼoˆ ve hkʼe, a sha‸ teˇ ha pa awˬ hkʼoˆ ve Leˍviˆ chaw hawˉ hkʼaˆ paˍ hkʼa peu-eˬ ve hta‸ Moˉseˍ awˬ shenˍ yuˬ nyi leh, chaw 22,000 gʼaˇ cawˬ ve yoˬ.
Leˍviˆ chaw hui lehˬ yaˇ paˍ uiˍ awˬ tan te ve
40-41Gʼuiˬsha Moˉseˍ hta‸ chi hkʼe kʼoˆ piˇ ve yoˬ. Iˉsaˍreˍlaˆ chaw hui ve yaˇ paˍ uiˍ hkʼa peu-eˬ ngaˬ ve chaw hpeh‸ ve yoˬ. Chi hta‸ pa taw, a sha‸ teˇ ha pa awˬ hkʼoˆ ve yaˇ paˍ uiˍ hkʼa peu-eˬ ve awˬ meh bvuh‸ yuˬ taˍ-o‸. Ya‸ hkʼaˇ, yawˇ hui awˬ tan Leˍviˆ chaw hkʼa peu-eˬ ve hta‸ ngaˬ ve chaw teh‸ kʼaw‸ shawˍ taˍ ve yoˬ. Ngaˬ lehˬ Gʼuiˬsha hpeh‸ ve yoˬ. Iˉsaˍreˍlaˆ chaw hui geh awˉ lawˉ peuˇ paw la ve ceˇ teˇ hpaˍ awˬ tan, Leˍviˆ chaw hui ve ceˇ teˇ hpaˍ hta‸ ngaˬ ve ceˇ teh‸ kʼaw‸ shawˍ taˍ ve yoˬ, teh‸ Moˉseˍ hta‸ kʼoˆ piˇ ve yoˬ. 42Moˉseˍ lehˬ Gʼuiˬsha ve tawˇ hta‸ na yuˬ leh, 43a sha‸ teˇ ha pa awˬ hkʼoˆ ve yaˇ paˍ uiˍ hkʼa peu-eˬ ve awˬ meh bvuh‸ yuˬ ve yoˬ. Yaˇ paˍ uiˍ hkʼa peu-eˬ 22,273 gʼaˇ cawˬ ve yoˬ.
44Gʼuiˬsha Moˉseˍ hta‸ chi hkʼe kʼaw‸ kʼoˆ piˇ ve yoˬ. 45Chi beu‸ Iˉsaˍreˍlaˆ chaw hui ve yaˇ paˍ uiˍ hkʼa peu-eˬ awˬ tan Leˍviˆ chaw hta‸ maˇ kʼoˆ, Iˉsaˍreˍlaˆ chaw hui geh awˉ lawˉ peuˇ paw la ve ceˇ hkʼa peu-eˬ awˬ tan Leˍviˆ chaw hui ve ceˇ teˇ hpaˍ hta‸ maˇ kʼoˆ, ngaˬ hta‸ chiˇ a‸ laˇ-oˆ. 46Iˉsaˍreˍlaˆ chaw hui ve yaˇ paˍ uiˍ teˇ hpaˍ lehˬ, Leˍviˆ chaw teˇ hpaˍ a‸ kehˉ 273 gʼaˇ maˇ taˍ ve pa taw, yaˇ oˇ ve teˇ hpaˍ hta‸ nawˬ gʼa kʼaw‸ vuiˬ hkʼaw‸ ve yoˬ. 47Yaˇ paˍ teˇ gʼaˇ hta‸ awˬ liˇ teh taˍ ve hkʼe, ngaˇ hteh‸ kʼaw‸ vuiˬ hkʼaw leh, 48gʼa ve hpu oˇ ve hkʼa peu-eˬ, Aˍronˍ leh yawˇ ve yaˇ teˇ hpaˍ hta‸ chiˇ a‸ piˇ-oˆ, teh‸ Moˉseˍ hta‸ kʼoˆ piˇ ve yoˬ. 49Moˉseˍ lehˬ Gʼuiˬsha ve tawˇ hta‸ na yuˬ leh, 50hpu 1,365 hteh‸ yuˬ tawˆ peuˬ hkʼaw‸ nawˉ, 51Aˍronˍ leh yawˇ ve yaˇ teˇ hpaˍ hta‸ chiˇ a‸ piˇ ve yoˬ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Lahu Bible Edited © Thailand Bible Society and Bible Society of Myanmar, 2010, 2020.